| 竹原豐賽後點滴 | 2008年2月20日快活谷夜馬賽事 | B跑道 好地 | |||||||||||||||||||||||
| 跑道特色 | |||||||||||||||||||||||||
| 週三八場夜馬賽事於快活谷B跑道上演，總括而言，內欄馬有少許優勢，但後上馬直路沿欄追上就總是力不從心，貼欄放頭的一匹又唔易帶到，都係主動跑法而有遮擋者最著數，而走二疊馬匹亦不太蝕底，飛魚大王、威振神駒及最佳孖寶就此贏馬，被動馬匹尤其要走二疊才可發揮出水準。 | |||||||||||||||||||||||||
| 值得跟進馬 | |||||||||||||||||||||||||
| 第一場 寶行星 | 在港初段只得個「快」字，跑過一半路程已無以為繼。經過一年的成長才開始有勒力，但轉彎又有問題，唯有在高水準的沙田闊場競逐。今次賽事敢向窄場挑戰，而贏來非常輕鬆，睇段速媲美同日三班賽頭馬鑽石精英，贏後加分後仍贏四班中磅區域，仍有上升空間。 | ||||||||||||||||||||||||
| 第三場 美好祝福 | 一匹經常有好走勢而乏成績的賽駒，季初用徐君禮搏馬卻因騎功不足而落敗，前仗用到柏寶就遇慢步速而追唔切，上仗用冼毅力跑就走咗去前面望空，當無跑過，今次續用力哥肯留後跑，又不幸遇上慢步速，加上騎者直路搵位不知所謂，咁都追得近都算佢叻！都係用番柏寶跑啦！ | ||||||||||||||||||||||||
| 第七場 威力無窮 | 上場初上三班跑田草千二，早段與領航之星鬥燒，加上對手極強，末段斷唔哂已有交代。今場轉戰谷草，但早段同樣被可圈可点頂住燒，入到直路幾匹主動馬匹都洩氣，唯獨威力無窮能貫注到底入Q，展示此評分跑谷草有不俗潛力，四歲馬仍有得上。 | ||||||||||||||||||||||||
| 有感而發 | |||||||||||||||||||||||||
| 上次賽事封塵多時的巫斯義終於憑短途馬王蓮華生輝打破薑局，一位所謂殿堂級大師傅都要淪落到騎大超班馬先至識贏。到今晚賽事，訓練前打吡盟主勝利名駒的練馬師苗禮德亦打爛齋砵，兼且連中三元捧盃，自己威威之餘，亦醒埋徒弟楊啟棠，憑尾場蔡約翰的滄海遺珠高智慧取得久違了的頭馬，有時都唔知係運氣問題還是部處出問題。 | |||||||||||||||||||||||||
| 筆者間中都會睇吓官方的賽馬預測，而上週日賽事尾場賽事，當講到隻無極的時候，一位較有經驗的評馬人可能前仗貼中此駒，因而道出其贏馬的原因，本來都可以用很多一般馬迷難以評定的重點來自我滿足一番，但他用該仗有快步速而有利其後追就太過份了，該仗頭一千米跑出一分鐘過外，而末段更竄一段二十二秒三的極速，咁都算快步速就無計啦！ | |||||||||||||||||||||||||
| 返回＜講馬網＞主頁 | |||||||||||||||||||||||||