| 竹原豐賽後點滴 | 2008年2月17日沙田日馬賽事 | A+3跑道 好地 | |||||||||||||||||||||||
| 跑道特色 | |||||||||||||||||||||||||
| 週日十場日馬賽事於沙田A+3跑道上演，外檔馬乘著年初三賽馬日的餘勢仍繼續有好表現，放頭馬的劣勢則與上次A跑道有所減少，只要賽事步速夠慢，亦有金玉駿駒這匹冷門馬可放到，如步速正常放頭馬已唔易捱到。後上馬走內欄易受困，被動馬匹如鐳老虎般飛出外疊追得更順暢。 | |||||||||||||||||||||||||
| 值得跟進馬 | |||||||||||||||||||||||||
| 第二場 波板糖 | 上季已可在千四米賽程贏馬及谷草一哩接近，有很多馬迷對牠的前境都充滿寄望，可能三歲身分拚搏太多，健康終於受到挫折。今季其實一早已復課，但到一月突然唔見好幾日，總令人擔心，點知早段就以偏快步速放頭，入到直路可繼續飄離馬群，於今天跑道屬難能可貴，上三班亦不愁寂寞。 | ||||||||||||||||||||||||
| 第六場 鐳老虎 | 一匹陣上唔易發揮而又非常失運的賽駒，前次同樣跑六十五至四十分的四班賽，入到直路完全無位上，就此喪失了一場頭馬。上場突然有快步速放頭，咁都有第四都算佢叻。到今次又跑四班賽，留後跑就遇上慢步速，即使追勁何其利害亦難追贏，但這個第三已唔簡單。得倒運到就跑三賽都贏得。 | ||||||||||||||||||||||||
| 第十場 幸運勇將 | 今次乃出道至今首次失三甲，無計啦！三歲馬出閘放頭後，外側竟然無馬走上黎做遮擋，即使步速唔快都難頂到尾，跑入一席接近的殿軍已算好水準，近期唔知係大摩馬房有問題，還是白德民怕咗前大摩主帥蘇銘倫，總知跑落總是差多少，希望星期日後會復甦啦！ | ||||||||||||||||||||||||
| 有感而發 | |||||||||||||||||||||||||
| 今次賽事的焦點對大部分馬迷來說，不是爪皇凌雨的榮休儀式，就是主席短途獎蓮華生輝能否雄風再現。在筆者的角度，上述事件當然觸目，但都不及第九場的香港打吡預賽，告東尼四路興兵，在港首戰就勝出經典一哩賽的喜蓮福星賽前發現腳部有少許唔妥，能否跑出應有水準成為眾人疑問，但筆者並非此眾人之一分子，反而跑第三的大將風範才令筆者滿懷安慰。回想上季在港首戰畢後，本人 | |||||||||||||||||||||||||
| 認為此駒必屬一班分子，但隨後跑幾場表現均未如理想，身邊的馬友還說不要痴心妄想，即使季尾於爛地輕鬆贏馬，亦說此駒只靠場地性能。今次跳程四百米出爭一級賽，賽前被各方一致睇淡，獨贏賠率更冷至七十倍過外，但筆者的堅持終於得到肯定，一個毫無威脅的季軍，令其賽績增添一個級際賽上名紀錄，總算爭回一口氣吧！ | |||||||||||||||||||||||||
| 返回＜講馬網＞主頁 | |||||||||||||||||||||||||