| 竹原豐賽後點滴 | 2008年2月13日快活谷夜馬賽事 | A跑道 好地 | |||||||||||||||||||||||
| 跑道特色 | |||||||||||||||||||||||||
| 週三八場夜馬賽事於快活谷A跑道上演，整體上都是二三疊沿途有遮擋的後上馬佔優，即使偏差較大的短途賽亦不例外，因而爆出百利旺及名店之星兩匹廿倍過外的冷門，貼欄馬就唯獨放頭貼欄的一匹可捱到，反之，守於放頭馬之後的包廂位則未見優勢，今季條谷草跑道都幾難捉摸。 | |||||||||||||||||||||||||
| 值得跟進馬 | |||||||||||||||||||||||||
| 第五場 美妙選擇 | 三歲已贏田草千四已唔簡單，今次負重再跳程二百五十米，難度再加一等，但本身贏馬姿勢確實輕鬆，記得當年東廐正宗二班馬醉仙初戰此程亦要落敗，可見級數之高。而今次跑出的段速媲美同日三班賽頭馬卓越成就，照計下次上班跑輕磅仍未見阻力。 | ||||||||||||||||||||||||
| 第七場 飛快贏 | 此駒俾馬迷的印象都是匹泥地專家，但早前跑谷草一哩已有好追勢，果然是匹谷草起家分子，今次再黎谷草跑千八米，閘前睇佢個落飛幅度就知幕後信心之大。今次賽事由蘇銘倫策騎的加州顛峰慢放控制步速，末段二十三秒三仍由尾追上入Q，竄勁驚人，姚本輝馬房今季D馬進步到你唔信。 | ||||||||||||||||||||||||
| 第八場 熊中雄 | 出閘慢一慢相信是蘇銘倫深知此駒要有足夠遮擋才留得順，而佢手韁繩的確能針對此駒搶口的劣習，只是直路把握不到一瞬間的空位突圍，如小福星唔內閃，相信此場頭馬都走唔甩了，唯有怪唔夠運。跑此程已多次證實有爭勝之力，續用此君跑千四亦可一博。 | ||||||||||||||||||||||||
| 有感而發 | |||||||||||||||||||||||||
| 猪年尾開始已見巫斯義跑馬患得患失，初時還以為年紀大天雨路滑而實行小心駕駛，但到了鼠年兩個賽馬日，天氣已雨過天清了，可惜仍未有因新一年而有好開始，年初三由停賽復出的韋達威哂後，今晚賽事騎兩匹熱門好玩及不老英雄，一前一後亦跑不出水準，講真沿途發揮並無大問題，難道此君與筆者生肖屬馬犯太歲! | |||||||||||||||||||||||||
| 講到今晚手風最順就當然是法國靚仔騎師蘇銘倫，贏完冷門百利旺，又贏公眾大熱美妙選擇，討好各方投注好友。前兩駒後上追得好，而於紀利華木球會盃策加州顛峰放頭又發揮出色，只是到筆者靠哂佢翻生嗰隻熊中雄就撞埋個死位度成隻拉停，睇個追勢就知係贏得嘅馬，唯有又係怪自己生肖屬馬啦！ | |||||||||||||||||||||||||
| 返回＜講馬網＞主頁 | |||||||||||||||||||||||||