| 竹原豐賽後點滴 | 2008年1月30日快活谷夜馬賽事 | C+3跑道 黏地 | |||||||||||||||||||||||
| 跑道特色 | |||||||||||||||||||||||||
| 週三八場夜馬賽事於快活谷馬場上演，採用最窄的C+3跑道作賽，今季用此欄常有外欄馬匹入圍，但今次場地受天雨影響，貼欄馬匹優勢突出，虎虎生威及光速就憑貼欄守好位取得久違了的頭馬，二疊仍勉可爭吓位置。放頭馬大多捱唔到尾，都係守係前領馬之後擋擋風最著數。 | |||||||||||||||||||||||||
| 值得跟進馬 | |||||||||||||||||||||||||
| 第二場 奧利皇子 | 上季尾開始跑四班走蝕位都經常接近，估唔到今季八歲仍能維持，十月初田草千四米全程外疊都近，即使賽事水準一般亦夠勁。上場跑一哩用前置跑法都近，今次落班縮程配眼罩本來乃出擊之時，可惜一場雨令跑道無外檔後追，但直路走外檔仍追回多個身位，下次形勢一般已夠能力補中。 | ||||||||||||||||||||||||
| 第五場 枕頭大王 | 今場賽事步速未有因快馬特別放頭而有快步速，枕頭大王及龍嘜能走外疊後上入圍都算利害，但講到蝕底都係前駒蝕得較多，騎者入彎已走出外疊發力，最後二百米仍能與賺盡形勢的頭馬光速同步上前，留後跑法都係啱佢多D，處五班常可威脅。 | ||||||||||||||||||||||||
| 第八場 開心錢 | 此駒俾馬迷的感覺都是古靈精怪，但近幾仗的確正常好多，六歲馬話唔定清醒番哂！上場田草快步速下直領到底已唔簡單，今次同場有多匹快馬，全程快步速走近期當銳的心中有運外側，入直路都唔算斷得哂！上季贏此程時仍居七十分，現時評分仍比當時低，下次單騎領放又可突襲。 | ||||||||||||||||||||||||
| 有感而發 | |||||||||||||||||||||||||
| 以為冠軍騎師停賽之時，其他前列大師傅會爭氣D，睇住個柏寶搏來搏去都係得個位置，巫斯義就更令馬迷失望，先騎隻公眾一檔大熱門揀得準，一出閘就發夢，埋門追倒幾多個馬位都死啦！好就好笑在苗禮德夠膽死問競賽小組可唔可以回水，如果競賽小組聽完你講就當退出，以後每場賽後隨時有一大班人走去競賽小組乞米？第三場再騎多隻大熱門喜德寶，全程走落都算無問題，可以賴氣量唔 | |||||||||||||||||||||||||
| 夠，但第七場騎隻老少雙雄就真係唔見得人，明明唔駛守咁後，早段騎者卻怕了其他馬的擠迫，身為跑咗咁多年馬嘅所為頂尖外藉大師傅，事事忍讓非皇者風範，直路一望空又追番個第四，四連環這個彩池唔係咁多馬迷鍾意買架！照計法國跑馬都經常跑落雨地，唔通係香港跑得太多年已對軟地有恐懼感，但係本地薑鄭雨滇及黎海榮土生土長都唔怕，睇黎佢都係年紀大風濕痛啫！ | |||||||||||||||||||||||||
| 返回＜講馬網＞主頁 | |||||||||||||||||||||||||