| 竹原豐賽後點滴 | 2008年1月27日沙田日馬賽事 | C跑道 好地 | |||||||||||||||||||||||
| 跑道特色 | |||||||||||||||||||||||||
| 沙田馬場舉行三冠短途馬王首關，草地賽事用C跑道作賽。直路賽繼續貼內欄馬佔優，轉彎路程偏差則不太嚴重，風雲遊子用潘頓全程走外疊都贏，點都唔信用此君會跑高幾班掛！跑法方面則主動馬較有優勢，標青、好知己及贏得住都一早守於頭兩名待直路出頭贏。泥地賽偏差同樣偏低，只是留得太後蝕多少。 | |||||||||||||||||||||||||
| 值得跟進馬 | |||||||||||||||||||||||||
| 第三場 好有勝 | 如單計賽績，上場上班兼上程千四米，仲要係特利貼欄的跑道形勢沿途三疊望空走，埋門仍唔多斷頂番個第五，今次落班跑條件賽點都著數，只係晨課操到十二月中突然唔見幾日，雖然此駒已有先例，但你話唔驚就假。今次見騎者大膽留到最後，直路贏來點到即止，應該還有半班實力在手，如健康Keep得住，二班仍有頭馬見面。 | ||||||||||||||||||||||||
| 第十場 牛精富星 | 講真上場只是贏駕馭，只反映了有二三班升降機的實力，今次見柏寶博贏得住，唯有出閘慢一慢遊馬河，而今場賽事頭兩段步速慢得很，留後鬥竄兩段就一定蝕底，但牠在直路上竟然追回多個身位，美國馬成熟程度又進一步，但下場真的如告東尼話齋要跑長D了。 | ||||||||||||||||||||||||
| 第八場 好知己 | 如果話今場賽事水準好高又唔見得，只係見佢三歲馬上班增程都贏，而末段又頂得住跑草地只值三班中堅的絕塵，只計現階段進度長線已夠二班頂，又要計賽神仙馬進步無止境，話唔定時下季馬房打吡希望。如馬房下場增程跑二千米，大家就一定要小心再計了。 | ||||||||||||||||||||||||
| 有感而發 | |||||||||||||||||||||||||
| 三冠短途馬王首關－百週年紀念短途賽，焦點當然落在上月輕勝香港短途錦標的新一代短途星球馬蓮華生輝，埋門獨贏賠率得1.1倍亦非常合理（筆者賽前還以為得1.0倍添！），賽事跑畢後，終於明白香港無一匹馬是贏硬的，你們可能會話：「跑馬一向都無贏梗架啦！」，講得啱！跑馬的確係無必贏，但原因通常都來自大漏閘、墮馬，或者係跑斷腳，睇呢匹馬王出閘只是反應慢多少，但整體走 | |||||||||||||||||||||||||
| 位都無大問題，末段騎落比上場彈離的騏綵迫近已很神奇，終點前仲話追過埋，那一刻筆者真是覺得發了場夢一樣，但回想好幾年前本地一對短途歡喜冤家靚蝦王及特區之星，每當對碰之時，那一匹留得較後者就是該仗的皇者。上次蓮華生輝在後贏得易，今次轉為假想敵就俾人擒番轉頭。總之要係馬場贏錢就諗少瓣都死！ | |||||||||||||||||||||||||
| 返回＜講馬網＞主頁 | |||||||||||||||||||||||||