| 竹原豐賽後點滴 | 2008年1月23日快活谷夜馬賽事 | C跑道 好地 | |||||||||||||||||||||||
| 跑道特色 | |||||||||||||||||||||||||
| 週三八場夜馬賽事於快活谷馬場上演，採用C跑道作賽。貼欄馬匹全面抬頭，短途賽事偏差更為利害，事必得守得放頭馬之後的貼欄食糊位即回復水準。一哩賽事貼欄馬亦威到盡，只是後上馬走二疊，留待出彎時走中疊後上才勉可克服。短途賽放頭馬仍有機會，但跑到一哩就唔易捱到尾。 | |||||||||||||||||||||||||
| 值得跟進馬 | |||||||||||||||||||||||||
| 第五場 美好祝福 | 今季多次用徐君禮意圖減磅搏殺，倒頭來表現都是令人失望。反之，用馬房影子主帥柏寶就準得驚人，確認是匹師傅馬。今仗賽前走去彈草閘，擺明車馬，可惜賽事步速未如理想之餘，轉彎亦被迫早發力而飛出九疊走，埋門肯追番上黎都算唔失禮。似乎幕後已心急交代，計早前三班都接近，續跑四班將不愁寂寞。 | ||||||||||||||||||||||||
| 第六場 風馳電掣 | 除首次出賽跑千四放頭望空才輸得遠一點外，整體表現都係合格。上場騎者不小心又放頭走，即使有慢步速之助亦唔易帶到，有第四都算有交代。今次有兄弟悅駿財星幫手放快步速，騎者亦一早立心搵遮檔，只是入彎太心急提早發力，埋門才輸少少。今場賽事已跑出比同日三班賽強的段速，仍處四班總會有場贏。 | ||||||||||||||||||||||||
| 第七場 馬友利 | 睇身型一哩路程當然無問題，但本身始終初跑此程，跑落總有難度。今場雖然有夢寐以求領放，但牠實在走得太快，對馬友利來說絕無遮檔優勢，望空跑一哩於今天條跑道唔易捱到，埋門頂得住廐侶卓越成就的衝刺都算佢叻！下次隨時走去泥地一哩發難。 | ||||||||||||||||||||||||
| 有感而發 | |||||||||||||||||||||||||
| 在騎師榜名列前矛的好手，本身當然有一定實力，就算有些馬迷稱之為靠把口搵食的騎師，口齒伶俐亦是成功之道。有些騎師擺明騎功一般，甚至可以話係垃圾，但有時亦會有個人之處，如靈光七號真的要杜鵬志「個人」才可發揮出超水準，而爪皇凌雨的威水史就更加無須多講，至於今晚隻聚寶駒就更是極端例子。潘頓在港策騎已近四個月，有幾多料大家都心知肚明，低發揮此匹遲熟谷草一哩專 | |||||||||||||||||||||||||
| 家則如有神助，早幾場曾因此君停賽而換上谷草跑高一線的薄奇能，跑來都係得個P，而上場用回潘頓就走個位都靚過人，充分體現了什麼是人馬合一。今晚上班面對多匹路程翹楚，而今次守個位亦比以往跟得前，直路仍可交出有競爭力的後勁壓倒對手，真係唔到你唔服。睇黎今季長期處於弱勢的告達理馬房都要搵幾匹馬過佢試吓啦！ | |||||||||||||||||||||||||
| 返回＜講馬網＞主頁 | |||||||||||||||||||||||||