| 竹原豐賽後點滴 | 2008年1月20日沙田日馬賽事 | B+2跑道 好地 | |||||||||||||||||||||||
| 跑道特色 | |||||||||||||||||||||||||
| 今天沙田馬場舉行兩場本地一級賽，但未因大賽日而用全闊A欄，而順應養草程序採用B+2跑道作賽。整體而言，近欄馬匹較有優勢，但入到直路選擇貼住條欄上就總是舉步為艱，出彎時要走出中外疊場地才追得勁，沿途走三疊或以外馬匹又蝕唔起，令很多實力馬未能發揮預期水準。放頭馬要步速造就才勉可放到。 | |||||||||||||||||||||||||
| 值得跟進馬 | |||||||||||||||||||||||||
| 第二場 友誼至上 | 上季連續取得兩W後表現未如理想，相信與季尾左腳不良於行有關。今季初出走勢一般可歸究馬房手法，熱身後配冼文諾已見起色。上場走不利外疊仍追近賺足跑道形勢的厚利多入Q，確認已重新入正軌。今季騎者走位警覺性低，直路遲遲才能望空致敗，加上賽前曾停課亦有影響，下次回配杜利萊就贏得。 | ||||||||||||||||||||||||
| 第十場 旺國手 | 三歲身份跑此程已有一手，級數當然唔簡單。上場於國際賽日負頂磅，賽事步速偏快，而柏寶亦跟得太前，埋門仍力拼埋負，已露一身好武功。今次用高雅志留得較後，直路上的追勁卻俾以後勁聞名的爪皇泓金及凱風來得利害，評分一定有上升空間，保守估計有兩W在手。 | ||||||||||||||||||||||||
| 第九場 乖巧 | 上季筆者對牠充滿憧憬，但今季表現卻跌哂Watt，確實跌了不少眼鏡。近仗常用前領跑法，還走去玩泥沙，擺明減分格，話都無咁快就減咗十分。今次馬房第二選擇出賽，鬥志一般，但陣上卻選擇留前鬥後，直路走出大外檔竟然追回多個身位，表現令人驚喜，似乎就快又黎料了！ | ||||||||||||||||||||||||
| 有感而發 | |||||||||||||||||||||||||
| 大賽日兩場重點本地一級賽賽果走兩面極端。經典一哩賽只有兩倍的一面倒大熱永不回望，柏寶用一個今天極不利的放頭跑法，入到直路唔輸就怪。而董事盃兩匹國際級明星馬好爸爸及爆冷串成位置Q，四連環更跑出只有二十八元的組合，都算有交代。爆冷今場的落敗，又可話俾馬迷聽今屆又無三冠長途馬王誕生，點計好爸爸跑二千米都唔會夠佢Fight掛！翠河的紀錄似乎唔易挑戰吧！ | |||||||||||||||||||||||||
| 講到今天最令馬迷失望的騎師當然係韋達啦！第三場策騎眾人熱門玉峽生輝，同一世界自己攞位攞得差都可以告人，而競賽小組亦夠膽話告甩，咁以後跑馬都要帶埋後鏡上陣，確認後面有二身位空間才可外移發力。筆者或俾馬會一個意見，不如以後馬場每匹馬各自跑一條跑線，咁就一定公平啦！唔係！還要任何路程都要跑直路呢！ | |||||||||||||||||||||||||
| 返回＜講馬網＞主頁 | |||||||||||||||||||||||||