| 竹原豐賽後點滴 | 2008年1月12日沙田日馬賽事 | A+3跑道 好至快地 | |||||||||||||||||||||||
| 跑道特色 | |||||||||||||||||||||||||
| 十場泥草混合賽事日馬於沙田馬場舉行。草地賽事於A+3跑道上演，跑道偏差與上次C+3跑道差不多，各類型馬匹都能跑出水準，貼欄馬只有少許優勢。直路賽只有一場，主馬群都側在外欄跑，而頭馬奧運歡騰則獨自走內欄大勝而回，可推斷沒什麼偏差。三場泥地賽事均是不同路程，整體而言都是近欄馬著數，走三疊以外就難跑。 | |||||||||||||||||||||||||
| 值得跟進馬 | |||||||||||||||||||||||||
| 第三場 鼓浪晨曦 | 今季轉到東廐於五班上陣即大勝而回，姿態輕鬆之餘，段速亦比同日四班賽強，照計上四班就一定夠贏。今次跑四班賽又再輕勝，而段速又比同日三班賽頭馬駿達駒強，加上十二月初曾停過課，咁計落就更利害。潛藏起碼值三班頂之馬，贏馬後仍留在四班跑，照常理下場都會再贏。 | ||||||||||||||||||||||||
| 第六場 小飛象 | 九歲老馬馬房計住黎玩，明明係一班馬，係吳定強手上就Keep住係中班浮沉，唔到你唔服。現階段在四班中分區域仍可起作用，今次跑長途就嚇你一驚，全程走外疊跑，雖然唔夠隻足球大師蝕底，但直路卻顯示出有競爭力的追勢，睇黎今季仍有頭馬見面。 | ||||||||||||||||||||||||
| 第九場 永得勝 | 早幾場用被動跑法都算跑得唔錯，但近期用主動跑法卻欠了競爭力。今次續用前領跑法，頭兩段跑出三十五秒正的特快段速，跟隨其後方的駿寶亦後勁不繼，而牠卻會貫注到尾，反映有不俗潛質之餘，成熟程度亦進了一步，質新馬處此評分有用武之地。 | ||||||||||||||||||||||||
| 有感而發 | |||||||||||||||||||||||||
| 戴勝於週三跑信賴斷正停賽十個賽馬日後，今次賽事D熱門馬成績果然大幅提升，勝出率達五成，相比對上三次賽事明顯好得多，馬會每次強政厲治後，一眾騎練都會打醒十二分精神，熱門馬跑得好亦順理成章。但有時真的會想，研究是騎師發揮得好咗！還是他們刻意造就些熱門馬出頭，做場好戲俾大家睇！ | |||||||||||||||||||||||||
| 今次賽事熱門馬雖然叻，但第六場的公眾大熱足球大師卻令馬迷大為失望。薄奇能一出閘已經慢半拍，本來走定出二疊搵位亦屬正常，但在入彎時發力就實在太不知所謂了，最終跑過梗頸四，三T無人中都靠哂佢！一個在任何跑道都用同一跑法的騎師，我就真係讚佢唔落，好心大家都清醒吓啦！ | |||||||||||||||||||||||||
| 返回＜講馬網＞主頁 | |||||||||||||||||||||||||