| 竹原豐賽後點滴 | 2008年1月9日快活谷夜馬賽事 | A跑道 好地 | |||||||||||||||||||||||
| 跑道特色 | |||||||||||||||||||||||||
| 週三八場夜馬賽事於快活谷馬場上演，採用全闊A跑道作賽。馬迷普及的賽馬知識都認為此跑道走外疊都不會蝕底，甚至比貼欄更有利，但跑出來的賽果又與預期相反，威其利及天鷹均靠條欄取得突破。跑法方面，放頭馬對比今季谷草賽事有明顯優勢，今季於幾次慢步速都放唔到的加州顛峰今舖即重現真面目，而尾場酒勝拍住快馬鼓浪旋風亦唔多斷。 | |||||||||||||||||||||||||
| 值得跟進馬 | |||||||||||||||||||||||||
| 第五場 好爽 | 於四班賽亦只勉強夠贏，點計三班都唔夠跑，但今次閘前卻有大飛落，而陣上表現亦與飛數成正比。今天沿途走三疊已非常蝕底，加上賽事步速亦比同日兩場四班賽慢，末段能迫近期望確不簡單，看來此駒跑輕磅可跑高班半。三班短途賽跑來跑去都係嗰班老友，下次形勢轉好已夠贏。 | ||||||||||||||||||||||||
| 第六場 喜德寶 | 體弱馬於沈集成馬房出賽頻率已唔高，但陣上卻經常有高水準演出，只可惜馬主已忍無可忍，決定與喜皇寶一同轉新環境求突破，近期見可連番拚搏已屬佳兆。今場戴勝又用一向留居包尾的跑法，直路追勁卻比鑽飾年代及好耐力等三班中堅來得利害，睇走勢二班亦不愁寂寞，跑C欄可能更啱追。 | ||||||||||||||||||||||||
| 第八場 孖寶神駒 | 上季在韋達跨下走規不太暢順，後生馬今季走規有進步。上場跑千二米賺步速跑入第四，未敢對此廐馬太快有憧憬。今場看似步速偏快，但見酒勝走二疊放頭都唔斷，可相信這場一千米快鬥快場合後上馬未見著數，而牠卻可在一個無可能的位置追入Q腳，可確認真正成熟，只是下次會落在韋達手上成熱門了。 | ||||||||||||||||||||||||
| 有感而發 | |||||||||||||||||||||||||
| 谷草夜賽一向俾馬迷嘅印象都係細雞嘢!只係一眾水準較次的馬匹靠抽支靚籤賺位偷雞勝地。但今次夜賽就唔同哂！一班跑一月盃，路程專家雲集，賣點十足，而剛週日同樣跑盃賽 – 洋紫荊短途賽，更是級際賽事，卻由一眾過氣短途馬鬥退度。至於二班一千米亦有些正處盛年的馬匹角逐，三四班賽事亦有引人追捧的期望及好玩等有令人憧憬的馬匹參戰，總好過見什麼魯班精神，或見一班問題多多 | |||||||||||||||||||||||||
| 的勁爆力、驊中寶及神奇馬車鬥爬，真的很沒趣。講到大戶落飛得手，今晚天鷹只是靠賺跑道形勢加上換個無人信嘅魯柏軒，算得上是馬房部處成功，而週日尾場威海歡騰搭帝聖龍駒條Q，入閘時突然唔見錢，開跑時就多匹快馬都留住等佢地慢放，只是杜利萊唔識死走上黎篤爆，難怪此君仃季成績只一般矣！ | |||||||||||||||||||||||||
| 返回＜講馬網＞主頁 | |||||||||||||||||||||||||