| 竹原豐賽後點滴 | 2008年1月1日沙田日馬賽事 | A跑道 好至快地 | |||||||||||||||||||||||
| 跑道特色 | |||||||||||||||||||||||||
| 元旦賽馬日沙田馬場舉行十一場草地賽事，大賽日採用全闊A跑道作賽。回顧上次用此跑道的國際賽日，外欄後上馬佔盡優勢。今次賽事雖然仍有貼欄馬匹攝得好，但只要步速正常，外欄後上馬匹就能發揮出水準。放頭馬表現尚比國際賽日好，只要賽事步速夠慢，前領馬就可放到。 | |||||||||||||||||||||||||
| 值得跟進馬 | |||||||||||||||||||||||||
| 第六場 美妙選擇 | 三歲馬見上場全程走外疊跑此程都追近，級數一定高，難怪今場閘前落飛落得勁，可惜今次遇上特慢步速，馬匹本身落腳又唔太快，直路早段仍在後疊等運到，但末段追勢利害，已追過多匹主要對手，敗於走位好彩到暈的金寶駿都無計。現時進度一定超四班，快可補中。 | ||||||||||||||||||||||||
| 第十一場 好好食 | 肉身馬今季首戰表現一般，之後表現已越來越好。上場出爭強組卻出閘笨拙，但末段追勢極強，反映三班有份量。今次賽事步速極慢，即使今場出閘正常亦嫌被動，埋門只以頭位落敗已追回極多失地，四歲馬仍在不斷進步。今次如加三分就可上班跑，負輕磅處二班仍有水位上。 | ||||||||||||||||||||||||
| 第七場 時尚風采 | 三歲馬已贏到一哩路程，一是反映了本身質素夠高，二是馬匹本身氣量十足。今季首戰跑千四直路雖然是受阻才未能發揮水準，但早段落腳已明顯轉慢，上場跑一哩亦未見好轉。今次續跑一哩而出閘亦順，可惜都係唔夠快，直路追勢卻是全組最強。睇黎現階段都是時候跑千八甚至二千路程，為打吡做做熱身吧！ | ||||||||||||||||||||||||
| 有感而發 | |||||||||||||||||||||||||
| 當眾人的焦點都落在過百匹的參戰馬時，筆者卻為一匹後備馬而感到憂慮。華商會挑戰盃的出賽馬本身大多欠前景，只有頭馬零用錢日後仍可憧憬。在報名階段，此組第一後備馬屬蔡神仙旗下的細腦，此駒對上兩場騎師發揮離哂大譜仍跑得接近，反映現處一百分仍有大幅上升空間，隨時是本地新一代一哩皇者，可惜在排位當日見棄權馬有細腦的名字，而上馬會網頁見其晨操表已有兩日唔見出黎露面， | |||||||||||||||||||||||||
| 就知道這匹明日之星或會步好利威後塵，在我這位小FANS面前留下傷感的回憶。記得季初仍話緊呢位馬主行大運，不足三個月已憑兩個「腦」得四W，點知馬季都未夠一半就出現腦部萎縮。剛啱睇完套「明日的記憶」話老人痴呆症有年輕化趨勢，就算廿幾歲都有機會中招，原來老痴呆係馬身上都會發生。 | |||||||||||||||||||||||||
| 返回＜講馬網＞主頁 | |||||||||||||||||||||||||