| 竹原豐賽後點滴 | 2007年12月26日沙田日馬賽事 | C跑道 好至快地 | |||||||||||||||||||||||
| 跑道特色 | |||||||||||||||||||||||||
| 週三拆禮物日沙田馬場舉行日馬賽事，採用C跑道作賽。此欄今季曾用兩次，跑道偏差屬最平均的一條。今次亦不例外，守好位跑的好日子及足球大師固然有好表現，而抄出大外檔後上的真心馬主及真奇寶亦有一手。跑法方面，上半場還以為放頭馬不利，但跑到尾段又有哈哈霸及駕馭放入冷位，同俱競爭力。直路賽貼外欄馬明顯佔優，難怪蘇銘倫騎隻將軍亦刻意埋外欄。 | |||||||||||||||||||||||||
| 值得跟進馬 | |||||||||||||||||||||||||
| 第五場 真龍船 | 四歲馬初出跑千四都有少許難度，埋門都係四倍都無，當然今場賽事無幾匹馬執得上手，但亦反映幕後對此駒有一定期望。初段跟隨兩匹快馬鬥燒，直路仍頂得兩腳跑第四，都算收貨啦！睇父母兩線都有長力，不排除下場已向一哩進發，處四班應有水位上。 | ||||||||||||||||||||||||
| 第六場 好日子 | 行貨蔡約翰跟進馬。早前四班贏一哩水準高，該仗第三名的鴻福星威上場賽事就撃敗其廐侶好知己。上場加罩縮程於國際賽日強組賽事又跑第三。今次面對仇人有景可以遠距離反勝，反映馬匹進步一日千里。贏馬大幅加分後仍可處三班負中磅跑應無阻力，保守估計上二班亦夠贏。 | ||||||||||||||||||||||||
| 第十場 寶樹多盈 | 經過一正季的減分，今季總算在正宗泥地一哩賽險勝一場，還以為要等到季尾才有第二撃，但睇佢近兩場早地的表現，似乎都唔係駛悲觀。上今兩場草地賽都排大外檔，而騎者亦選擇走外疊望空隨意跑吓！力求盡快達到減分目的，但蝕完入直路其走勢亦不弱，睇黎之後不論泥草，只要排好位都要睇實。 | ||||||||||||||||||||||||
| 有感而發 | |||||||||||||||||||||||||
| 上次先話完廿三號出D馬無黎吸引力，今次拆禮物日亦未見改善。高班賽欠奉還可以話大賽果後要唞唞！但見兩場四班中距離賽事都話出唔足額，點講都唔啱數啦！再睇吓頭場D出賽馬，近半數是長者，但賽果卻由一對長者馬串條位疊Q，咁班後生馬有幾多料大家都心中有數，一場連更奇妙都可成為廿倍半的熱門，如此賽事日都話有近九億投注額，我們的賭性真係唔睇得少！ | |||||||||||||||||||||||||
| 尾場賽事筆者都幾睇好隻威海歡騰，見佢前一場走蝕位望空都近，而上場用薛凱文已入Q，照計用楊啟棠減磅點計都會好，加上同場快馬唔多，應可賺形勢之利。但當聽完官方評馬人都大力提供此匹半冷門，搵佢做馬膽之餘，還要表明此場無馬放，筆者隨即心中一寒。馬圈通常講到咁大聲都無運行，加上越話場馬會慢步速，到跑時就會有幾隻馬鬥放。筆者埋門雖然放棄此駒，但另投它駒都係無錢收。 | |||||||||||||||||||||||||
| 返回＜講馬網＞主頁 | |||||||||||||||||||||||||