| 竹原豐賽後點滴 | 2007年12月23日沙田日馬賽事 | B+2跑道 好地 | |||||||||||||||||||||||
| 跑道特色 | |||||||||||||||||||||||||
| 週日沙田馬場舉行十場草地賽事，採用B+2跑道作賽。全日賽事主動馬匹略佔優勢，迎利好今次轉用領放跑法即入圍，魯班精神蘇銘倫迫起前速亦有生機。上半場賽事內欄馬匹常得甜頭，但因應內欄場地踐踏得多，轉入直路走中外疊走勢明顯爽勁，魄力寶及牛精財星沿途貼欄，轉彎走出中疊發力成為今次賽事的得益者。 | |||||||||||||||||||||||||
| 值得跟進馬 | |||||||||||||||||||||||||
| 第三場 勝眼光 | 全日都無幾多匹馬睇得上眼，都係介紹神仙馬吧！此駒上場續跑千四米，直路騎落略嫌均速，今次增程跑一哩就黎個大變身。排外檔早段快馬唔多，以韋達性格當然可輕易守好位，轉入直路騎者已知大局已定，只是末段的走勢實在太嚇人，韋達一整條直路只是全力穩定坐騎走勢，完全當其他馬無到，今次跑道末段走廿二秒九亦勁到暈。 | ||||||||||||||||||||||||
| 第五場 好知己 | 第二匹跟進馬又是來自神仙馬房。此駒上場攝得好位輕鬆，雖然賽事水準只一般，但三歲馬出賽第二場就贏一哩確有一定難度。今次負頂磅上陣，考驗更為嚴峻，加上今場賽事步速唔慢，質新馬唔易克服，咁都可以頂到最後一步都算佢叻。加分後可上三班負輕磅，對牠一定有利，快可補中。 | ||||||||||||||||||||||||
| 第八場 利好 | 排位時看見此駒終於排內檔，還以為得到上天的眷顧，但跑到第六場開始，看見入圍馬匹大多飛出中外疊走，就知道什麼是天意弄人。沿途守在上場已有復甦走勢的皇仁飛駒之後，入直路今場的頭馬牛精財星已走定出中疊，而牠卻堅守內欄發力，能追入第三已再做出高難度動作。失運馬只要遇啱一個形勢就可出頭。 | ||||||||||||||||||||||||
| 有感而發 | |||||||||||||||||||||||||
| 今次賽事無可否認是一個極無吸引力的賽事日。賽事水準奇低，四場四班賽都是悶場，幸好有蔡約翰馬房拿出寶藏才有投注焦點，否則眼見一大批近績欠奉的賽駒鬥爬，馬迷唔打呵欠就怪。最慘不忍睹的是，就連三場三班賽都是垃圾一籮籮，尤其尾場的三班千四米，搵匹正踏升軌的質佳賽駒都無，難怪連一匹步步尺七的同歡笑只排個內檔已成熱門，咁嘅賽日都話有九億五投注額都算係經濟復甦啦！ | |||||||||||||||||||||||||
| 講開告東尼隻同歡笑，筆者發現此馬房今季踏入全面性收皮期，話哂都算係一個大倉口，近次賽事日贏馬都係日行一善，谷草賽事贏一隻鄉村傳奇或以皇帝出巡齋捧一個盃都唔出奇，但連國際賽日亦只贏憑好歡騰贏一場三班cheap cheap賽事，就確非一個大倉所謂。今天見第八場贏了牛精財星，都有預感尾場隻同歡笑會無影。一於Keep住呢個Form賭佢D馬，相信唔會有咁多絕塵加金寶兒掛！ | |||||||||||||||||||||||||
| 返回＜講馬網＞主頁 | |||||||||||||||||||||||||