| 竹原豐賽後點滴 | 2007年12月15日沙田日馬賽事 | C+3跑道 好至快地 | |||||||||||||||||||||||
| 跑道特色 | |||||||||||||||||||||||||
| 週末沙田馬場舉行十場泥草混合賽，草地跑道用回前週的C+3欄。今次灑水正常番即場地回復偏快，場地偏差亦變回有利貼欄馬匹，只是多場草地賽事步速都偏慢，導致內欄馬容易塞車，二疊及三疊中置型馬匹才有機會抬頭。直路賽見卡加小子都贏得，就知道貼外欄大利。泥地方面，貼欄馬匹有優勢，飛天快馬就此贏到無得跑。 | |||||||||||||||||||||||||
| 值得跟進馬 | |||||||||||||||||||||||||
| 第六場 真歡喜 | 此組四班千四米的賽事水準非常一般，難怪勁惑只是匹三歲馬兼初跑此程亦敢落飛偷襲。今次巫斯義選跑了上場贏馬的危險英駿而棄之，賽後當然話佢無揀錯馬，但睇番最後直路的追勢，真歡喜絕不遜色，加上最後五十米無位上，有理由相信其實力在前駒之上，下次馬房有攻勢回配影子主帥就有計。 | ||||||||||||||||||||||||
| 第八場 衝勁寶 | 澳洲馬跑到今季七歲之齡戰鬥力仍在，季初一出即勝走二疊望空亦能贏最佳孖寶，而上場在三班跑谷草短途走蝕位又輸唔遠，今次就更離譜，轉戰直路賽一千米，早段還在後群後方發夢，末段走跑道不利的中檔都追番個接近的第四，睇走勢如果排得外檔就隨時贏埋。現階段跑短途隨時都要睇實。 | ||||||||||||||||||||||||
| 第十場 大將風範 | 今場一出閘齊歌頌一支箭彈出還以為步速會好快，點知貼欄後迅即按慢，此場更成為全日最慢步速的千四米賽事。大將風範今次排一檔看似賺盡形勢，其實直路早段受制於帝聖龍駒之後，末段二十二秒五鬥竄極速，遲少少發力已很蝕底，到三百米望空加速贏來點到即止。如有七分加就可上班跑輕磅，對此匹細馬會更有利，睇走勢一哩最佳。 | ||||||||||||||||||||||||
| 有感而發 | |||||||||||||||||||||||||
| 上次講開國際賽一些揀馬竅門，今次不如繼續研究餘下賽事。香港瓶中，港隊馬的表現一向令人失望，主要原因是本地大部分現役馬都是出自南半球，本地長途賽只是由一眾一哩馬鬥推，就如澳洲的長途賽般，最終總有一匹頭馬出現，但要與英愛馬相比就輕易地比下去。而在其餘的歐洲馬中，用最簡單的方法就是參考英國的外圍賠率，在評馬的角度來說，這個當然是極之低賤的揀馬方法，但從香 | |||||||||||||||||||||||||
| 港本位的價值觀分析，一年只有一場大長途賽與外隊比拚，而閱讀賽績並不是睇邊匹馬幾時跑贏個那匹馬來評的，如果為了一場賽事就翻睇每匹外隊馬的賽事片段，然後再比較各國的賽事水準，那實在太浪費時間了。相反，英國外圍莊家長期參與歐洲各項大賽，當然有時亦有失手一刻，但總算比我們盲摸摸優勝吧！你可以話狄倫一面倒大熱亦輸到無影，但賽日見完佢個大肚腩仍盲目追捧都無計啦！ | |||||||||||||||||||||||||
| 返回＜講馬網＞主頁 | |||||||||||||||||||||||||