| 竹原豐賽後點滴 | 2007年12月12日快活谷夜馬賽事 | C跑道 好地 | |||||||||||||||||||||||
| 跑道特色 | |||||||||||||||||||||||||
| 週三快活谷馬場舉行八場草地夜賽，採用偏窄的C跑道作賽。短途賽事內欄馬仍有優勢，頭場初出馬玉峽生輝及第三場的和諧大使兩匹頭馬雖排了中外檔，但牠們都在彎位前貼欄。一哩或以上路程偏差則來個一百八十度，末段在內欄的馬匹總是舉步為艱，反之轉彎走外疊發力突圍如悅勝豪情、甜蜜福星及金獅勇將則贏得輕鬆。放頭馬繼續處劣勢。 | |||||||||||||||||||||||||
| 值得跟進馬 | |||||||||||||||||||||||||
| 第一場 好玩 | 今季跑一長一短都無嘢睇！收埋操一輪突然引倒巫斯義過檔，跑來果然有脫胎換骨之感。排五檔面對內則有快馬金百利仍可貼欄放出（對手有點讓佢），雖然步速偏慢，但於今次條跑道能貫注到尾已唔簡單，終點前火拚後上馬玉峽生輝亦顯示出不俗鬥心。初踏正軌馬應有一段上升空間。 | ||||||||||||||||||||||||
| 第五場 旅遊專家 | 又係一匹之前從未展示過競爭力的賽駒，近期密密報名都係減分格，但今場卻無心插柳追得接近。賽事早段與早前兩出一般留居於後，騎者全程欠積極性，跑到最後二百米仍落後頭馬六身位過外，終點前卻追剩兩個半身位，反映狀態已跑起。現階段只怕馬房仍未認真應戰，要小心跟進。 | ||||||||||||||||||||||||
| 第七場 愛得威 | 俾馬迷嘅印象只係匹三四班升降機，處三班都係差多少，但今次加配交义鼻箍的表現卻令人眼前一亮。排一檔於今天屬死路一條，而冼文諾入到直路仍死貼住條欄，咁都入Q都算佢叻！直路走勢對比仍有分在手的笑談中亦絕不遜色。日後跑谷草一哩只要遇上正常際遇已夠在三班問鼎，長期攞佢做Q膽亦應有不俗回報。 | ||||||||||||||||||||||||
| 有感而發 | |||||||||||||||||||||||||
| 今晚賽事平平無奇，都係講吓國際賽啦！四場國際賽事賽果尚算正路，只要回顧近幾年的數據，揀馬範圍其實不大。數到最容易中就緊係香港短途錦標，此賽近年港隊威哂！外隊只有貨幣名駒入Q，而上屆的班霸只跑入一席遠遠落後的第三。今屆港隊有新一代世界短途馬王蓮華生輝及上屆在此錦標大勝而回的騏綵，加上排埋好位，照理此條Q好賭到暈，但都唔知點解有咁多人鍾意一匹從未跑過右轉 | |||||||||||||||||||||||||
| 的澳洲代表安小姐，即使外地贏個多場一級賽，甚至周遊列國都證明無馬能及，但來到短途實力達世界之顛的香港，點都要忌三分啦！排位又排得衰過人，面對港隊想用速度早段切入，簡直就發春秋大夢，外疊轉完個大彎已收工。跑完筆者當然講得大大聲，但臨場蓮華生輝搭安小姐竟然成為大熱Q，身為香港人都覺得羞恥，係理性同感性方面都不能容，買了安小姐的朋友請好好反省吧！ | |||||||||||||||||||||||||
| 返回＜講馬網＞主頁 | |||||||||||||||||||||||||