| 竹原豐賽後點滴 | 2007年12月5日快活谷夜馬賽事 | B跑道 好至快地 | |||||||||||||||||||||||
| 跑道特色 | |||||||||||||||||||||||||
| 週三快活谷馬場舉行國際騎師邀請賽，大賽日難得採用B欄C彎上陣，馬會果然明察秋毫，內欄偏差除短途賽較明顯外，一哩以上路程都唔多怕走外疊，韋達就是憑驃驥王轉彎走出五疊後上取得邀請賽關鍵性的頭馬。大長途賽浦紅之友用中段後力彈離贏，而亞軍及季軍亦是走外檔才可追入圍，內欄有塞車風險。 | |||||||||||||||||||||||||
| 值得跟進馬 | |||||||||||||||||||||||||
| 第二場 智勇 | 季初於田草三班一哩，白德民全程按慢入直路以二十二秒一之極速彈離對手，贏馬非單靠形勢。上場走去跑泥地博好分卻排外檔，沿途外疊當無跑過。今次排好位竟遇上一向後上的奮鬥心鬥燒，以後駒及緊隨其後的億銘之寶入直路已潰不成軍，而牠可捱一席位置已有難道，反映評分仍有上升空間。 | ||||||||||||||||||||||||
| 第五場 奧利皇子 | 今季陣上不論沙田及快活谷均有不俗走勢，這匹八歲老馬似乎未盡退化。今次騎師賽抽到一位幾生面口的穆健和，幕後亦忍唔住落重飛搏命，點知一出閘已包尾，以今場賽事步速又俾韋達按到慢一慢，這位健和兄入到直路才走出外疊望空，咁樣唔瓜就怪。相信輸埋今仗已可落班跑，虎入羊群快可出頭。 | ||||||||||||||||||||||||
| 第八場 多多昇 | 對上兩場跑千四米都走得唔錯，唔明為何今次又走番黎跑谷草短途，加上排埋大外檔，難怪賠率冷到有廿倍過外。薛凱文跑難寄望可攝得靚，陣中果然蝕到盡，但最後二百米仍肯撲上黎，名次雖後，但所負距離不遠。日後可上谷蕈一哩一試，可望有再進一步的演出。 | ||||||||||||||||||||||||
| 有感而發 | |||||||||||||||||||||||||
| 每年國際騎師邀請賽的宣傳都聲勢浩大，場內節目層出不窮。而參賽騎師就講到粒粒皆星，其實又係得柏兆雷、岳禮華與蘇銘倫稱得上是星級騎師，其餘莫雅及施慕齡所稱之為大師傅，如在香港搵食，我睇連梁明偉都未必及得上（請以上兩位騎師的Fans見諒）。最令筆者睇唔過眼的，都係一眾供給大師比拚的賽駒，講真編排得四班賽的馬匹實力就一定唔叻得去邊，但睇完頭關一哩賽的參戰馬，陣中只 | |||||||||||||||||||||||||
| 有開心天地及彪形大漢叫做今季贏過，其餘有半數於今季都未展示過競爭力，就算騎功叻到識飛，相信都係一愁莫展，無計啦！有幾多位練馬師會派遣旗下質新精兵給予一些未熟跑馬地特色的所為大師傅搏殺呀！最怕唔係佢跑輸，而係為咗過邀請賽冠軍而騎得太盡，一隻後生馬就此騎壞就唔抵啦！ | |||||||||||||||||||||||||
| 返回＜講馬網＞主頁 | |||||||||||||||||||||||||