| 竹原豐賽後點滴 | 2007年11月28日快活谷夜馬賽事 | A跑道 好至快地 | |||||||||||||||||||||||
| 跑道特色 | |||||||||||||||||||||||||
| 週三八場夜馬賽事於快活谷A跑道上演，之前兩次用此欄都是後上馬佔優勢，今次亦不例外，後上馬沿途走二三疊，轉彎順勢走出外疊發力上前如濰坊及聚寶駒般卻可發揮出水準，被動馬貼欄跑反而易受困，貼欄馬要跟前才可避免塞車，最好更是入彎時已走出二疊發力，一溜煙及勇猛神駒就此輕勝。前領馬於今晚賽事多捱不到，這亦是今季谷草的普遍現象。 | |||||||||||||||||||||||||
| 值得跟進馬 | |||||||||||||||||||||||||
| 第二場 快馬功成 | 方嘉柏於谷草的威力真係唔到你唔信，實力馬好兄弟跑唔出水準，都有隻快馬功成保持住谷草條纜。初出爭谷草出閘略慢，入到直路又要在內欄搵位，遲遲望空發力仍勝，質素及鬥心兼備。等到四歲才初次上陣，健康仍有少許問題，襯佢無事馬房會盡快用。 | ||||||||||||||||||||||||
| 第四場 悅勝豪情 | 今次排外檔出閘，騎者選擇用放頭戰略，但上兩次轉用後上跑法沿途走外疊都追得好，加上今次跑道不利放頭，即使有慢步速之利，能捱過第三都算有交代。話哂都跑過葉森打吡，路程當然越長越好，幸好本身誶分已減至有利水平，就算跑千八亦夠爭有餘。 | ||||||||||||||||||||||||
| 第八場 好兄弟 | 今季三出得兩W一P，而兩場頭馬均來自此程，上場直路走位欠順亦能後發先至，最後幾步更在續步增程，點計處三班都係著數。今次排八檔，出閘不久就貼咗埋欄已知不妙，即使騎者在入彎時已意圖走出外疊望空發力，可惜都係無位上，入到直路被迫走回入欄搵位已蝕先機，加上遇到慢步速，敗不足據，快可補中。 | ||||||||||||||||||||||||
| 有感而發 | |||||||||||||||||||||||||
| 今晚賽事由兩位前列騎師韋達及柏寶表演，各贏三W，只剩餘兩場給其餘騎師爭奪，本地薑亦不失禮，本地大師傅鄭雨滇及賴維銘將僅餘的頭馬收歸國有。今季韋達續以香港騎師身分參加國際騎師邀請賽，而本週末亦代表香港遠征日本，在報章上更曾刊登其香港身分證，他已是個不折不扣的香港人，但本地馬迷為何對他總是諸多挑剔呢！上週輸五隻大熱門馬經版就大字標題，而今次賽事就用「期望 | |||||||||||||||||||||||||
| 告甩恭喜，柏寶三W棒盃」，對韋達這位自己人真的不太公平。但當回顧中國歷史，我國面對外族匈奴及八國聯軍，都是選擇以和為貴，相反，在日本侵略我國早期，國民黨與共產黨仍內鬥得死去活來。韋達不是受到各方的評擊，只是我們真的當他是自己人的表現，達哥應以此為榮。 | |||||||||||||||||||||||||
| 返回＜講馬網＞主頁 | |||||||||||||||||||||||||