| 竹原豐賽後點滴 | 2007年11月25日沙田日馬賽事 | C跑道 好至快地 | |||||||||||||||||||||||
| 跑道特色 | |||||||||||||||||||||||||
| 週日其士盃賽馬日於沙田C跑道上演，對上一次用此跑道己是九月尾，而今次賽事的跑道特色與該日差不多，只是沿途走三疊過外較難交出應有水準，後上馬即時沿途走二疊，留待出彎才走出外檔衝刺亦能發揮正常威力。跑法方面，放頭馬要如首飾之寶及同歡笑般有特慢步速幫手才可入圍。直路賽排外檔馬未見有特別優勢。 | |||||||||||||||||||||||||
| 值得跟進馬 | |||||||||||||||||||||||||
| 第三場 哈哈霸 | 九歲馬上季仍有頭馬見面，季尾亦有連續兩次上名記錄，未盡退化。今季頭兩場見前速欠逢，還以為佢玩完，點知跑多兩場又再復甦。今次縮程一哩一定嫌短，而早段又與自由鳥鬥燒，直路竟然斷唔哂！捱番個第四已唔簡單。練者未必會等五班，買QT長期都要拖住。 | ||||||||||||||||||||||||
| 第九場 細腦 | 今季熱身幾場，再玩吓個眼罩就黎料，蔡神仙威力唔到你唔服。對上兩場贏馬姿態輕鬆到暈，上一班跑中磅當然惡氣十足，不過出閘慢一慢，跟住又迫番前再走外疊就難跑，但入到直路仍肯跟隨馬群追上，只是騎者末段對手肌肉繃緊，手部動作略慢才僅失三甲。下次有誠意就可補中。 | ||||||||||||||||||||||||
| 第十場 利好 | 今季首場就引倒冠軍騎師韋達跑，本身質素應唔簡單。到了前仗遇特慢步速，加上當日跑道不利走外疊仍後上第三，已充分反映內在潛質。上場用薛凱文走位一般未可作準。今次用有硬功而無走位的高雅志，入彎已走定出三疊發力，到出彎時已飛出七疊，直路又再以勁勢撲前。只要搵次排檔好番少少已夠贏。 | ||||||||||||||||||||||||
| 有感而發 | |||||||||||||||||||||||||
| 韋達於今次賽事又做罪人，蘋果馬經版頭條一句：「熱倒冷爆」，已道盡他的罪行，爆冷贏的超班相信無人理會，不如研究吓五匹大熱門抵唔抵插。俊利好對上兩仗均成一面倒大熱，已直路所展示的追勢只一般，成熱門根本就不值，只是馬迷一廂情願。本地實力排十四檔，預計同場步速慢應會跟前跑，留後走外疊無甚誠意。嘉駿寶健康狀況一向不穩定，通常贏馬後次仗都會走樣，根據賽績模式 | |||||||||||||||||||||||||
| 可脫罪。色種靚上場贏馬已唔多跟得住步速，高雅志騎足全程才終點前突圍，今次上班有實業成功肯放匆多少已好彩，追唔切不足為奇。細腦出閘慢，立即迫前卻走外疊，最大問題是直路見騎者手部未有正常頻率運作，立心不良，而老友柏寶隻永不回望又飲恨，成為雙失中年，屬馬圈少見的衰人無好報。韋達的頭馬數字遠遠拋離，都係時候回饋袋鼠了。 | |||||||||||||||||||||||||
| 返回＜講馬網＞主頁 | |||||||||||||||||||||||||