| 竹原豐賽後點滴 | 2007年11月21日快活谷夜馬賽事 | C+3跑道 好至快地 | |||||||||||||||||||||||
| 跑道特色 | |||||||||||||||||||||||||
| 週三八場夜馬賽事於快活谷C+3跑道上演，上週三轉戰沙田泥地宴，場地因而多一週時間休養生息，但跑出來的時速並非太快。薄奇能三場頭馬都來自條欄，內欄馬當然有着數，但優勢並不是一面倒，尤其中距離或以上路程就有不少馬匹走外疊後上亦得逞。貼欄放頭馬唔易放到，後上馬轉彎貼欄上則容易受困。 | |||||||||||||||||||||||||
| 值得跟進馬 | |||||||||||||||||||||||||
| 第三場 和諧大使 | 上季只曾上陣一次，並未見有競爭力，但柏寶今季亦一早為此駒操練，睇上場沙田走外疊都追上黎，果然無揀錯馬。今次走黎谷草都係想博抽倒支靚籤，可惜事與願違。慢腳馬走外疊亦在所難免，去到最後二百米仍落後頭馬近七身位，過終點時竟然輸唔夠三身位，竄勁驚人，睇黎短期內便可交代。 | ||||||||||||||||||||||||
| 第三場 百利寶 | 上季尾轉到蔡約翰馬房，同樣出爭谷草千二米，沿途外疊望空都跑第四，擺明有分在手。今季早在八月頭已復課，而且操練從未間斷，咁都要等到十一月尾才跑今季首場賽事，粗身馬都大量功夫才操得Fit。沙圈所見此駒馬身仍肥，行圈亦無火氣，咁都跑個第三都算唔錯，熱身一場應該會有大幅進步，增程一哩亦會提升戰鬥力。 | ||||||||||||||||||||||||
| 第五場 實業飛駒 | 今季首戰田草一哩，沿途走外疊望空，可當無跑過。上場用潘頓於十月尾的谷草日賽用放頭跑法，該日跑道不利前領，大敗仍有藉口。今次因排外檔而嘗試留後追一段，但直路初就實在輸太遠了，一度落後近十身位，埋門卻追回極多失地，輸唔夠兩身位實在令人難以置信。馬房摸啱跑法，又多一匹爭冠軍練馬師的棋子。 | ||||||||||||||||||||||||
| 有感而發 | |||||||||||||||||||||||||
| 全球賽馬難係難賭架啦！並不單係香港，只係馬迷通常都係睇人好，其實人都睇你好啫！普羅馬迷經常話本地馬場場地偏差大，揀馬不如揀檔位，據知鄰近地區日本亦有許多專欄探討各地移欄的跑道特色，單計一匹馬的實力係今時今日已行唔通。講句實話，跑道出現場地偏差，大可幫助馬迷縮窄揀馬範圍，命中率亦會因而提升。反之，今季谷草跑道常有外疊馬匹入圍，更令我們無所適從，荷包就長 | |||||||||||||||||||||||||
| 期穩定地乾渴。場地偏差的減輕都不是難揀馬的關鍵，古怪的賽事步速加上古怪的跑法才令人難以預計。就如今晚第四場賽事，前衛勇士因王志偉停賽而換上極度手緊的鄭雨滇，一出閘貼欄就死襟慢步速，跟住就輪到唔知幾時會發力的薄奇能中段發力突圍，當然有些馬迷覺得騎者發揮出色，但對於投注人度馬，騎者舉動要估，邊匹馬塞死要估，邊位騎師識執生又要估，咁不如買六合彩好過！ | |||||||||||||||||||||||||
| 返回＜講馬網＞主頁 | |||||||||||||||||||||||||