| 竹原豐賽後點滴 | 2007年11月17日沙田日馬賽事 | A+3跑道 好至快地 | |||||||||||||||||||||||
| 跑道特色 | |||||||||||||||||||||||||
| 週末沙田舉行十場日馬賽事，場地偏差仍未有改變，貼欄馬繼續佔壓倒性優勢，全日除了兩場國際賽預賽由外疊後上馬贏之外，其餘頭馬都係來自條欄，而年年如意及名利好兩匹大冷門都是一味靠慳入圍。今次賽事主動馬匹略有優勢，霸龍單騎領放差點就可偷雞，而加州好運就得場地形勢落重飛一放到底。 | |||||||||||||||||||||||||
| 值得跟進馬 | |||||||||||||||||||||||||
| 第七場 蓮華生輝 | 今季轉用巫斯義，上場跑賽績上最專的直路一千米，按住亦輕勝，已知道姚本輝無用錯人。今次跑曾負於無敵神駒的千二米，雖然今次排位好過佢，但沿途走位確俾牠更蝕，入到直路竟還有旋風後勁，相信現在全球都無一匹馬會夠佢跑，唔知國際賽會否有一點五倍呢！ | ||||||||||||||||||||||||
| 第一場 美妙選擇 | 三歲馬今季已跑了四仗，頭兩仗分別在谷草及田草跑千二米，同樣抽得不利的外檔，外疊走其實都唔算輸得遠。其後再跑谷草短途排番個好位而入圍。今場增程二百米又排外檔，直路追勢仍勁，加上賽事段速亦媲美同日三班賽，現評分將不愁寂寞。 | ||||||||||||||||||||||||
| 第九場 無極 | 上場出爭千二米表現一般，蘇保羅今季初出馬普遍都差多少，熱身後大多有顯著進步。今次跑千四走外疊望空，違反今天賽事模式，末段二十二秒七走出大外檔仍追得近，如走位好多少已可入Q。今季跑道常要玩抽籤，下次排好位又可重登凱旋門。 | ||||||||||||||||||||||||
| 有感而發 | |||||||||||||||||||||||||
| 今季冠軍練馬師大熱蔡約翰今次賽事精英盡出，加上大多排好位，仲要配上冠軍騎師韋達，這對組合加埋共有五匹大熱門，賽前很多馬迷都認為他們可連番數糊，即使起個孖亦唔收貨，點知結果蔡約翰確起孖，但係贏嗰隻係埋門瘋狂落飛的好知己，至於韋達就剩係得隻細腦影頭馬相，此君跑畢第九場仍敢向馬迷揮手，都算佢有勇氣。贏完隻細腦，韋達的支持者當然唔會放過尾場隻好日子，計實力同 | |||||||||||||||||||||||||
| 排位都係穩陣馬，但陣上卻有欄唔攝，直路更走出外疊搵位上，對於普羅馬迷來說，這種跑法當然又會給予「得把口的冠軍騎師」稱號，但筆者卻認為達哥今次做足功課，如果佢唔走出去，柏寶騎嗰隻贏得好又點敢係最後一分鐘落到十三倍。大家可能唔認同此陰謀論，但這種巧合就經常於馬場出現，大家自求多福吧！ | |||||||||||||||||||||||||
| 返回＜講馬網＞主頁 | |||||||||||||||||||||||||