| 竹原豐賽後點滴 | 2007年11月14日沙田夜馬賽事 | 全天候跑道 好地 | |||||||||||||||||||||||
| 跑道特色 | |||||||||||||||||||||||||
| 本週三夜賽於沙田全天候跑道上演。跑道特色與今季泥地日馬剛好相反，放頭馬不但得不到甜頭，放到最後直路半程已墮退，走外疊後上馬匹佔盡優勢。對上兩次跑泥地一哩走外疊後上飲恨的駔驍之首，今次用同一跑法已贏到無得跑。當然亦有先行馬有黎，但牠們亦要大部分途程有遮檔才跑得好，望空前置馬仍可接近者，下次跑番日馬就可變身。 | |||||||||||||||||||||||||
| 值得跟進馬 | |||||||||||||||||||||||||
| 第六場 荊山玉 | 七歲老馬實力並未退化，今季只是集中跑草地才貌似走下坡。今次跑嫌短的一哩，但見賽日仍走出黎跑一課快功夫，已心知幕後已忍唔住要郁手，可惜騎者選擇今天最不利的內欄搵位上，結果都一支箭跑番過第四，走哂光啦！留番十二月一日的泥地千八米熱少少才補中吧！ | ||||||||||||||||||||||||
| 第二場 揀得好 | 呢匹九歲馬上季尾仍在三班千四米跑入位置，當然與季尾沙田跑道特利前領不無關係，但點都要有番少許實力掛！今次除罩跑千二米，仍可憑天生速度早段彈離數身位入直路，頭八百米段速屬同日最快，加上跑道不利前領，捱到最後一百米才乏力已不簡單。季內跑任何跑道的千二米仍俱爭勝之力。 | ||||||||||||||||||||||||
| 第五場 上浦勝將 | 今次賽事唯一一匹馬可一放到底，潛質盡露。可惜馬匹本身健康長期積弱，唔休息番個多月才出黎跑，通常都跑唔出水準，而賽後就梗係驗倒氣管內有好多血。暫時兩場頭馬均出自泥地短途，泥地實力當然利害，但今季初跑谷草全程大外疊望空都輸得近，下次休後再出跑草地都咪睇少！ | ||||||||||||||||||||||||
| 有感而發 | |||||||||||||||||||||||||
| 今次八場泥地夜馬偏差與上季一月三十日的夜馬全泥宴相約，都係外疊後上馬着數哂！所有賽事跑畢後，資深官方評馬人在場內用蔑視態度話尾場內欄泥地踏得多，所以跑哂D外欄馬後上馬出黎。先唔好講條泥地跑道有否場地偏差，剩係針對話尾場突然大利外疊後上已唔啱數。今次賽事八場頭馬，由低班的華忠寶開始，之後智勝寶外疊後上爆出大冷，卓爾不凡巫斯義轉彎走外疊發力，駔驍之首又回 | |||||||||||||||||||||||||
| 前兩次走出外欄後上跑法輕勝而回，大部分頭馬均走出面，絕非尾場才有後上馬贏。一些經驗老到的評馬人總喜歡踐踏新思維，就當作場地偏差只是一個巧合，即是賽後騎師用場地特色來向競賽小組解釋的全是大話，但這些在馬圈打滾多年的專業馬評家，亦應用有說服力的理據來批評他人，費事俾人話你大蝦細啦！ | |||||||||||||||||||||||||
| 返回＜講馬網＞主頁 | |||||||||||||||||||||||||