| 竹原豐賽後點滴 | 2007年11月6日快活谷夜馬賽事 | C跑道 好至快地 | |||||||||||||||||||||||
| 跑道特色 | |||||||||||||||||||||||||
| 週三八場夜馬賽事於快活谷C跑道上演。場地偏差一如C跑道以往，貼欄馬匹有明顯優勢，短途賽事則更甚，京城孖寶縮程跑亦因貼欄之利輕勝，而金同德排黃金一檔，出閘夠快守好位就輕鬆彈離。中距離賽事整體而言亦是利內欄馬匹，只是香港地跑馬長期遇慢步速，因此很多時候焗住要走外疊提早發力才有望突圍。 | |||||||||||||||||||||||||
| 值得跟進馬 | |||||||||||||||||||||||||
| 第五場 天鷹 | 還記得上季練馬師聲稱此駒長力頂盡得一哩，估唔到今次賽事有一哩賽程都唔報而走黎跑千八。最不是排得最外檔，騎者早段亦未有刻意攝靚位，不過見個賠率冷得咁緊要，都係諗住洗洗底。陣上逢彎蝕彎下末段竟然輸唔遠，相信練者仍發現其長途實力，睇血統跑二千二都應該到。 | ||||||||||||||||||||||||
| 第八場 堅毅 | 告東尼今季D熱門輸到嚇死人，今次賽事已有一匹歡樂滿堂跑到唔知去咗邊！此駒能保住個尾門都算係咁！今次上班上程千八，前段步速尚算偏快，柏寶排二檔走二疊轉彎又過早發力，因此埋門才有驚險鏡頭出現。有了今次路程經驗又會再進一步，贏馬距離短換來加分少，處谷草作賽仍俱惡氣。 | ||||||||||||||||||||||||
| 第七場 高點 | 上季兩度遇無敵神駒串Q，今季轉四歲表現更進一步，季初兩場頭馬贏來毫無難度。上場早段騎者留得後，加上轉彎走外疊發力，於上次之跑道絕對吃虧。今次換上冠軍騎師，可惜排大外檔，跑短途賽真係神仙難救，埋門能追番過第四都算佢叻！其實現階段都應該上千四米一試，相信仍有上升空間。 | ||||||||||||||||||||||||
| 有感而發 | |||||||||||||||||||||||||
| 賽馬已成為筆者的生理週期，當然唔係講緊女人D親戚啦！係講緊每日從為賽馬所做的指定動作，就知道該日是星期幾。如週一及週四就買排位版。週二及週六就睇賽馬預測。而週三及週日當然就係搏殺日啦！雖然間唔中都會跑吓星期六，但整體上都有特定的節奏。每逢跑襯墨爾本盃，總是周身唔聚財，先於休息日才整份新鮮出爐的排位表，休息日接受新事物已唔多想適應。到了星期二晚，又要因 | |||||||||||||||||||||||||
| 遷就搏殺而損失了睇特價電影的機會（慳番黎D錢都唔夠輸）。而最關鍵就是星期二晚有歐冠盃，筆者通常都會買少許半全場過關，為求搵番D馬本（通常都係跌埋！）。今次就先係銀包倒咗D錢落海，跟住才走去足智彩度博翻本。如大家都係賭仔，相信都會知道筆者最終嘅結果啦！ | |||||||||||||||||||||||||
| 返回＜講馬網＞主頁 | |||||||||||||||||||||||||