| 竹原豐賽後點滴 | 2007年11月3日沙田日馬賽事 | C+3跑道 好至快地 | |||||||||||||||||||||||
| 跑道特色 | |||||||||||||||||||||||||
| 週末十場日馬賽事於久違了的沙田馬場上演。草地賽事採用最窄的C+3跑道作賽。雖然場地測計儀指數達2.72，但賽事跑出的時間仍達快地水平。貼欄馬仍是着數到飛起，除了第二場步速特快才罕有地有外欄後追。泥地方面，跑道偏差並不嚴重，最緊要出閘夠快守得主動位置，單靠一段後追就唔易突圍。 | |||||||||||||||||||||||||
| 值得跟進馬 | |||||||||||||||||||||||||
| 第九場 永不回望 | 蘇保羅賽馬團體馬，在澳洲已聲明遠播，今次插二班初出已成為熱門分子。出閘早段柏寶刻意留住，賽事步速又唔快，馬匹的肢體語言己在抗議。入到直路走中檔又連番受阻，末段望空柏寶隨意騎幾步卻有反應，擺出了一個試馬格局。蘇保羅D馬今季都係要熱身一場先至好，下場會見真章。 | ||||||||||||||||||||||||
| 第九場 細腦 | 一對同主馬今季威到盡。此駒今場贏馬姿態都幾驚人，排外檔出閘，騎者未見刻意迫起前速爭取貼欄慳位，反之，當見內側馬匹有所異動就走出更外疊避免意外。走外疊轉彎於今天賽事已蝕到暈，直路仍可輕勝一步不蝕的大富之星，潛質優厚。今季應可過一百分。 | ||||||||||||||||||||||||
| 第十場 歡笑星 | 澳洲自購馬外地用得唔多。上季接受膝部手術而用得少，但季尾復出熱身一場已贏馬。其後上班首戰千四米，沿途外疊蝕位仍只負賺足跑道形勢的高耀之威不足三身位。今場不幸又排大外檔，但閘前亦見其位置票數蠢蠢欲動，果然沿途走外疊都衝上黎跑入一席有威脅的第三。處三班低分區域一定超。 | ||||||||||||||||||||||||
| 有感而發 | |||||||||||||||||||||||||
| 對上三次賽事都跑快活谷窄場，而蔡神仙今季頭馬未有1W來自谷草，因此練馬師榜首位置就在這三日內拱手相讓給谷草勝手方嘉柏，就連簡sir徒弟亦得到真傳追上。今次賽前神仙只排在第四位。但經過了五小時的激戰，話到無咁快就憑四匹四歲質新精英重登各馬房之首，而蔡約翰在取得第四W時，亦面露難得一見的燦爛笑容，相信這條四串一都幾和味。 | |||||||||||||||||||||||||
| 記得早幾季告東尼與蔡約翰爭冠軍之時，高雄志屬前者馬房殺手，而精英大師更是騎練得意之作。估唔到今季高雅志所得的頭馬近七成來自昨日的敵人，金錢世界只要有利益，就好少記起愁恨，何況賽馬始終是一項運動，奧運都講世界大同啦！希望停賽中的韋達唔好火遮眼，蔡神仙仍有成個彈藥庫等緊你呢！ | |||||||||||||||||||||||||
| 返回＜講馬網＞主頁 | |||||||||||||||||||||||||