| 竹原豐賽後點滴 | 2007年10月31日快活谷夜馬賽事 | B跑道 好地 | |||||||||||||||||||||||
| 跑道特色 | |||||||||||||||||||||||||
| 週三萬聖節八場夜馬賽事於快活谷B跑道作賽，賽前曾有幾場驟雨，但場地似乎未受易響，但跑出的總時間大多好過標準時間。場地偏差並未太嚴重，賽事早段走貼欄慳位確實慳了點腳程，但轉入直路走出中外疊似乎更好追，最終能沿欄推進贏馬的就只有如雷，其次就是五班中長途了。放頭馬如上週日A跑道般難捱到尾。 | |||||||||||||||||||||||||
| 值得跟進馬 | |||||||||||||||||||||||||
| 第八場 好兄弟 | 今季初出已經報跑谷草一哩，贏馬姿態輕鬆之餘，跑出的段速亦超三班水準。上場轉跑闊場一哩，埋門拍住巫斯義鬥，點計都蝕底多少。今次走番黎贏馬路程排好檔，導致成為只有兩倍的大熱門，但末段發揮都唔好話唔驚。直路早段嚴重內閃，有半條直路未能望空，但百五米全面發力即衝上，實力再進一步。今季仍大把世界。 | ||||||||||||||||||||||||
| 第三場 世界波 | 季初還擔心馬房上季搏得盡，但季初至今，谷草主場仍精英輩出，繼好兄弟之後又整多匹世界波。上場跑谷草千二米走外疊都衝上黎，已露谷草怪傑本色。今次初戰一哩路程，即使有內欄之助亦有難度，贏馬段速不遜於尾場三班同程，上班再出仍大把世界。 | ||||||||||||||||||||||||
| 第六場 多津美 | 澳洲自購馬上季三戰未見競爭力。今季在田草兩仗賽前都有少許Q餐飛落，似乎有部分人士對其前境甚有憧憬。陣上前又試過，後又試過。今次轉戰谷草初戴眼罩，票數已唔同哂！今場賽事步速偏慢，此駒留居於後靠追一段絕對吃虧，但埋門追勢越來越勁。已試準哂！快可交代。 | ||||||||||||||||||||||||
| 有感而發 | |||||||||||||||||||||||||
| 馬會今年於萬聖節做了點小動作，在快活谷馬場舉辦一個稱為「魅影快活谷」的鬼怪活動，賽馬事務執行總監利達賢開場前帶領一群嘩鬼到場攪攪陣。睇番個入場數字，其實只係被上週三多一千人左右，似乎未見魅力所在。今次賽事有兩匹馬跑到斷腳，話唔定佢地跑到一半見倒隻嘩鬼就嚇一嚇，一時失足提早收工。你地做人做得好地地就走去扮鬼，隻馬就俾你嚇到真係變鬼，慘！慘！慘！ | |||||||||||||||||||||||||
| 筆者今個十月賭馬真係中正個政府廣告嘅口號：「賭錢等如賭錢落海！」，而令筆者死得最入肉都應該係十月廿一日頭場隻駔驍之首，馬主話自己都輸咗好多錢，競賽小組就見住白德民亂跑都當無事發生。自此之後，筆者當近幾過賽馬日亦無到，今次賽事更約了幾過好友食自助餐，攞D錢食咗佢好過益人。 | |||||||||||||||||||||||||
| 返回＜講馬網＞主頁 | |||||||||||||||||||||||||