| 竹原豐賽後點滴 | 2007年10月24日快活谷夜馬賽事 | C+3跑道 好至快地 | |||||||||||||||||||||||
| 跑道特色 | |||||||||||||||||||||||||
| 週三八場夜馬賽事採用快活谷C+3跑道作賽，延續了上週C欄的場地特色，貼欄馬匹有明顯佔優，上次排二檔走二疊落敗的多多昇，今次緊守欄位即施回馬槍。而按一下得內欄之利，埋門亦落飛賺形勢由蟲變龍。一哩及千八米偏差卻有所緩和，先有多樂寶及零距離轉彎走外疊後上得逞。心福走二疊亦順利為霍利時食出大四喜。 | |||||||||||||||||||||||||
| 值得跟進馬 | |||||||||||||||||||||||||
| 第二場 大勇 | 上季跑谷草短途常有接近演出，季尾更取得首場頭馬，今季轉四歲難怪會更受馬迷追捧，可惜上場賽前試大閘已見前速轉慢，而陣上兩仗的表現亦與試閘相符合。今場排位欠佳，因而全程走三疊，韋達明知今晚不利走出邊亦要刻意望空力騎，咁都跑第三都算佢叻。落腳轉慢都係時候增程，處四班是不愁寂寞的。 | ||||||||||||||||||||||||
| 第六場 貴蝦王 | 因左前腳懸韌帶兩度受傷，足足休息了大半季。今季初出在一致睇淡下竟爆出驚天動地大冷Q，而上場跑千四米，陣上受制快步速，該仗前置馬恭喜及加州好運均輸到無易之際，其仍能維持走勢過終點，證明今季健康確實好番哂！今次又縮程可惜排大外檔蝕位蝕到暈，咁都追個第三，難度極高，今季上前仍光明。 | ||||||||||||||||||||||||
| 第八場 瀟洒叻龍 | 上季曾在此程走大外疊兼用非強項的後上跑法接近，見上場騎得起前速就可力頂到底，今次浮明偉又想重施故技，可惜被兩匹慣性前領馬頂到實，全程三疊跟前望空唔輸就怪，埋門竟然唔多斷，已屬驚喜之作。唔好睇佢七歲老老地，睇黎今季仍有頭馬見面。 | ||||||||||||||||||||||||
| 有感而發 | |||||||||||||||||||||||||
| 大賽日過後的賽事戲碼普遍偏低，今晚當然亦不例外，除了上季尾才開始適應水土取得連捷的不老英雄有少許星味外，其他賽駒簡直見到反感。觀賞度雖然欠奉，但配合了C+3跑道的場地偏差，隨即成為馬迷的寶貝。賽果大有機會因此而偏熱，但勝在贏錢得黎又唔駛用腦。就算不幸抽錯籤落敗，慳番D精神攞份波經刨吓！話都無咁易就追番啦！ | |||||||||||||||||||||||||
| 第七場二班千八米由一匹從未渡江的駕進成為大熱門，賽前試谷草千七米大閘大勝而回，加上柏寶操過同場影子波士隻富士晨曦都唔跑，相信都係致熱的原因，筆者今次亦俾佢引倒！點知佢一出閘竟然唔夠快，本來留住吓攝住條欄亦好跑，但這位最受歡迎騎師卻強行走中疊發力上前，結果俾它駒夾到正，之後沿途外疊望空唔輸有鬼。見住富士晨曦飛撲入圍就唔開胃。 | |||||||||||||||||||||||||
| 返回＜講馬網＞主頁 | |||||||||||||||||||||||||