| 竹原豐賽後點滴 | 2007年10月17日快活谷夜馬賽事 | C跑道 好至快地 | |||||||||||||||||||||||
| 跑道特色 | |||||||||||||||||||||||||
| 週三八場夜馬賽事於快活谷C欄上演，鑊型跑道加上場地養草近一個月，內欄優勢果然明顯，連利福星上次走四疊連獎金都無，今次排一檔靠攝就由蟲變龍。今晚亦用三匹頭馬來自外檔，歡樂滿堂及雄威一早便攝埋欄放頭直領到底，鎖定目標就在對面直路發力走甩，其實入彎前都已經貼欄。轉彎走出邊都唔駛諗有運行。 | |||||||||||||||||||||||||
| 值得跟進馬 | |||||||||||||||||||||||||
| 第七場 點心 | 上季尾初出即在此程入Q，其實該仗只靠賺位得逞，並未證明太多，因此之後幾仗均表現一般。今次排大外檔出閘，轉彎走三疊亦在所難免，但直路追勢絕不比走其內疊的心歡暢差，北半球馬臨近三歲尾才開始進步，大摩揀英愛馬確有一手，季內不愁無頭馬見面。 | ||||||||||||||||||||||||
| 第六場 馬友寶 | 均速馬經常可在快步速賽事跑得好，但今場超力好早段被京城之威嚇一嚇，頭三段跑出一分十四秒半的怪獸段速又確係過哂火位，而今晚跑道走二疊亦唔好跑，直路能維持走勢過終點已很難得。此駒屬泥草雙槍將，均速馬易遇有利形勢，可經常入圍。 | ||||||||||||||||||||||||
| 第五場 健康之友 | 新馬賽時已露一手，今次插班初出一心想黎谷草博遇弱手，可惜幸運之神未有眷顧，相反排了外檔加上用冼文諾蝕盡腳程，單睇數字上落敗甚遠，其實未有大敗已屬驚喜之作。早熟馬配合苗禮德的急進手法，相信下次已忍唔住走返去田草使出真正潛能做齣好戲。 | ||||||||||||||||||||||||
| 有感而發 | |||||||||||||||||||||||||
| 快活谷賽事已久違了一個月，確有點小別勝新婚的情懷，而兩位冠軍騎師韋達及柏寶的復出，更是普羅馬迷之福，只是他們已包辦了過半數頭馬。對筆者來說，頭馬數目故然重要，但走位的積極性更值得讚賞。柏寶頭場策騎大外檔的歡樂滿堂，早段迫起前速爭取有利位置後才按定步速，末段彈離贏得精彩。其後堅毅雖然重施故技失敗，只要投注者看見騎者歇盡所能意圖克服，就算倒錢落海亦感開 | |||||||||||||||||||||||||
| 懷，難怪成為上季最受歡迎騎師。當然冠軍騎師韋達亦不甘示弱，憑兩匹一檔馬攝出彩虹，尤其去馬全程針對性力頂南華精英，雖然後駒落敗或因腳患復發所致，但對於一份損人利己的精神是值得馬迷尊重的。如位位騎師像尾場策騎加州顛峰的徐君禮般輕易放棄利己的主動地位，最後損失又是我們普羅馬迷！ | |||||||||||||||||||||||||
| 返回＜講馬網＞主頁 | |||||||||||||||||||||||||