| 竹原豐賽後點滴 | 2007年10月14日沙田日馬賽事 | A+3跑道 好至快地 | |||||||||||||||||||||||
| 跑道特色 | |||||||||||||||||||||||||
| 週日婦女銀袋賽日於沙田A+3跑道上演，騎師走位主宰了成與敗，除頭場馬匹實力參差而看似有外疊後追外，其餘都是貼欄馬的世界，只要肯守住條欄，連彪形大漢都話可以贏，齊齊開心今次走咗去出面就輸到無影，而尾場隻開心多多唔知幾時攝咗入條欄又爆入冷Q腳，咁嘅場地真係搵鬼人投注咩！ | |||||||||||||||||||||||||
| 值得跟進馬 | |||||||||||||||||||||||||
| 第十一場 利好 | 屬全日少數全程走外疊亦肯衝的賽駒，加上賽事步速偏慢，難度更相繼提升，睇黎這匹南非馬適應水土後都是一匹有用的高班馬。在南非只出賽三次，以全勝姿態到港，本身潛質應未用盡，而在港走勢亦仗比仗好，屬馬房繼爪皇凌雨後另一匹打吡希望。 | ||||||||||||||||||||||||
| 第七場 同一世界 | 於新馬賽已可壓倒今季兩出三班短途贏哂的廐侶幸運勇將，實力當然唔簡單。今次的確賺得形勢之助，但全程騎者未有施展太大壓力已定勝局，跑出的時間亦非等閒之輩可做到。此仗加十分再出仍只負中磅上陣，一班馬處三班難覓對手，除非又想試吓後追啦！ | ||||||||||||||||||||||||
| 第八場 永旺財 | 此駒上場已表現過不擅慢步速，末段二十二秒二的情況下，就連一匹二班弱組頭馬一口田都跑唔贏，但今次為何面對一班強手亦會成一匹三倍都無嘅大熱門呢！因為筆者與告東尼都深信只要此駒主宰步速就夠贏，可惜騎者以為按到慢一慢就對放頭馬有利，相信到直路被天仲之寶過頭時騎者已感後悔，希望下次還有機會將功補過吧！ | ||||||||||||||||||||||||
| 有感而發 | |||||||||||||||||||||||||
| 今季已跑畢九個賽事日．外籍大師傅只剩低杜利萊仍未開齋。今次賽事前列騎師韋達，柏寶及冼毅力相繼停賽，而巫斯義亦因身體不適而退下火線，難怪又再提起馬迷對杜利萊的憧憬，可惜此君又一次令大家失望。萊哥熱門馬連番倒糟，與其今季手風當然有關，但某些坐騎實力亦的確被人高估，如第四場的十則圍之，新馬賽一出即勝，感覺上潛藏優厚，其實跑出來的段速平庸得很，絕不能與同一世 | |||||||||||||||||||||||||
| 界相提並論，加上三歲馬初遇年長馬負頂磅亦蝕到暈，三甲不入亦不出為奇。至於家福及友誼至上均排大外檔，於今次跑道非常不利，被捧成熱門只是一廂情願。失意騎練通常都以冷門開齋，鄭俊偉都要爆隻無厘頭嘅神奇馬車破處，睇黎杜利萊亦難逃宿命，追隨者自己執生啦！ | |||||||||||||||||||||||||
| 返回＜講馬網＞主頁 | |||||||||||||||||||||||||