| 竹原豐賽後點滴 | 2007年10月7日沙田日馬賽事 | A跑道 好至快地 | |||||||||||||||||||||||
| 跑道特色 | |||||||||||||||||||||||||
| 週日沙田馬場舉行十場泥草混合賽，七場草地賽事採用全闊A跑道，跑道特色比開鑼日黎得平均，起碼走外檔後上的紅酒甜心續有接近演出，而同一夢想亦令人驚喜，但整體而言都是貼欄馬較佔優勢。泥地方面，短途賽貼欄馬明顯着數，鐳射寶排十二檔一早留後攝欄才可求突破。中距離則由兩匹外疊後上馬串Q，由於數據不足，未敢大膽言判。 | |||||||||||||||||||||||||
| 值得跟進馬 | |||||||||||||||||||||||||
| 第六場 七星樂園 | 今季開鑼日落五班跑一出即勝，直路追勢並非一般五班馬能及。今次上班不幸排大外檔，本身乃一匹均速中置型馬匹，排劣檔被迫後得更後跑。賽前亦估唔到有好來好去及悅目的場合步速亦唔快，走外疊埋門仍追番個平頭第三都算有交代。稍後排番好位用回最強跑法，將可突破四班賽。 | ||||||||||||||||||||||||
| 第九場 富士晨曦 | 唐英年繼大殺手後另一得意之作，上季因做完一對前蹄球節手術而較遲復出，出賽四次均負不遠，睇黎手術亦頗成功。今個暑期一早便復課，而影子主帥柏寶亦連課親跳，可見緊張之情。今次爭嫌短路程，早段明顯跟唔上，入到直路又重重圍困，但一望空就以強勢追上，只要健康頂得住，此評分增程仍有威脅。 | ||||||||||||||||||||||||
| 第九場 龍的風采 | 肉身馬上場賽後報告稱該仗馬匹狀態只一般，加上當日跑道不利外疊，輸得頗難睇，經過一場熱身後，陣上表現果然唔同。同場快馬魄力王放唔出，賽事步速比預期中慢，直路又要一段時間才搵到位，埋門僅敗甚不值。今次賽前仍在趕功夫，相信下次會有再進一步表現。 | ||||||||||||||||||||||||
| 有感而發 | |||||||||||||||||||||||||
| 還以為幕後會部處五班才出擊的奧利皇子，竟然今次沿途外疊亂跑都會入黎，確實令筆者驚訝，而賽前一晚的官方賽馬節目主持人對其的評價，就更令筆者抓頭。節目中的播放晨課片段時，畫面的右上角會顯示出該駒的狀態指數，奧利皇子當時只給予一隻大拇指，表示狀態一般，但主持人在口述時卻認為此駒狀態其實值一隻半大拇指，接著就話留番下次再出先至俾兩隻大拇指，當時聽落感覺問 | |||||||||||||||||||||||||
| 題不大，照正常計，季初階段馬匹的狀態大多會仗比仗提升，但這純粹推斷，並非絕對的定律，身為一位專業的馬評人，理應針對出賽馬賽前的晨課表現來評分，一時順口開河式的言論，足以令馬迷覺得賽馬只是靠估的玩意，既然浪費了多麼的時間亦是白費，那不如去澳門支持一吓威尼斯人吧！ | |||||||||||||||||||||||||
| 返回＜講馬網＞主頁 | |||||||||||||||||||||||||