| 竹原豐賽後點滴 | 2007年10月1日沙田日馬賽事 | C+3跑道 好至快地 | |||||||||||||||||||||||
| 跑道特色 | |||||||||||||||||||||||||
| 週日國慶盃賽日十場草地賽事於沙田C+3跑道上演，二疊以內馬匹有優勢，跑道偏窄下，主動馬匹可避免受阻而可賺際於捱到，過關博士及跑得好快就此爆出冷門。中國智駒及鋼寶走外檔仍可後上贏馬，相信與低班賽及同場對手偏弱不無關係，國慶盃零用錢外疊直路受阻都近才是強人本色。 | |||||||||||||||||||||||||
| 值得跟進馬 | |||||||||||||||||||||||||
| 第九場 再領風騷 | 上場負重磅挑戰看似嫌短的特首盃仍接近，其因在於本身韁口問題嚴重，單靠本身潛藏狂奔到終點，就算早段刻意留力亦毫無作用。今次增程二百米照理會好跑，可惜冼毅力遺忘了最佳跑法，早段極力約束，末段等到勁闖追上才發力，跑錯仍跑第四，反映本身實力足以在大賽揚威，但先決條件要搵番戴勝跑。 | ||||||||||||||||||||||||
| 第八場 蓮華生輝 | 上季用韁繩垃圾的列高力都贏到上頂班，上場練馬師終於頂佢唔順要換人，轉用巫斯義起碼跑高兩線。賽前試泥閘走勢只屬初起，今次出賽狀態頂多得八成。陣上出閘反應快，全程無遮擋，騎者全靠手力勉強留得住，末段齋推已奠定勝果，香港短途錦標途程千二米轉彎路程會較易遮，已手執盃耳了。 | ||||||||||||||||||||||||
| 第二場 凱風 | 本身已是匹粗身慢熱馬，經過一個暑期體重更急升逾五十磅，賽前泥閘早段亦跟唔住主馬群，狀態明顯未足，直路追落輸蝕多少亦可理解。記得上季尾配戴勝原來可以跟中遊位置跑，大馬熱夠身會有大幅進步，現階段跑中長途亦會更合發揮，今季前路仍是光明的。 | ||||||||||||||||||||||||
| 有感而發 | |||||||||||||||||||||||||
| 對日本賽馬有少許認識的朋友，對綠茵場上的逃亡者無聲鈴鹿應不會陌生，其實在其早年亦曾參加香港國際賽，回想當時在場馬迷看見牠早段彈離主馬群十馬位過外的跑法大為震驚，有些馬迷更認為這位騎師short壞腦。日本騎師確實係垃垃地，但睇佢之後出爭寶塚紀念及每日王冠的表現又似乎無跑錯，有時一本通書總不能睇到老。香港其實亦有一匹同樣性能的賽駒，就是轉投賀賢馬房後大放異彩 | |||||||||||||||||||||||||
| 的再領風騷。重口馬早期留住跑，直路騎落變速不多之餘走勢亦欠順，其後索性放頭狂走反而屢創高峰。今次國慶盃續配贏馬拍檔冼毅力，雖然一早便居主動地位，但轉彎不選擇發力走甩，直至勁闖拍住鬥時才發力已無力反撲了。逃亡者理應出盡全力逃離警方追捕，等到警方全面封鎖現場才醒覺就太遲了。 | |||||||||||||||||||||||||
| 返回＜講馬網＞主頁 | |||||||||||||||||||||||||