| 竹原豐賽後點滴 | 2007年9月26日沙田日馬賽事 | C跑道 好至快地 | |||||||||||||||||||||||
| 跑道特色 | |||||||||||||||||||||||||
| 週三難得的日馬賽事於沙田C跑道上演，近日天氣雖然不穩，但到賽日天色好轉，場地已回復正常。今次跑道都算是今季最平均的一次，只是放頭馬較難直領到底，而後上馬排內檔則因跑道偏窄及入彎一段普遍偏慢而較易塞車。泥地賽則主動貼欄馬匹佔優，只有唔知暗藏了多少分在手的金鷹才可克服入Q。 | |||||||||||||||||||||||||
| 值得跟進馬 | |||||||||||||||||||||||||
| 第五場 俊利好 | 蔡神仙新馬通常都由一千或千二米短途賽起步，此駒首戰卻報跑千四米，加上韋達騎同場它駒，賽前實在難有信心。出閘早段被夾而留守後疊，直路搵位又唔順，末段更嚴重外閃，埋門力迫放順哂的飛快勇，初出有此表現已證明其超班實力，熱身後會再進一步。 | ||||||||||||||||||||||||
| 第十場 大家平安 | 上季三歲身分已在三班贏一哩賽，屬姚廐繼蓮華生輝後另一匹鎮倉寶。上場新鮮感跑千四米跌鞭都贏，確認歇暑後轉四歲有持續進步。今次跳程四百米不幸遇上特快步速，縱使全程貼欄慳位亦對其氣量有嚴峻考驗，最終雖然落敗，但所負距離不遠已很難得，今季跑中長途仍有兩W在手。 | ||||||||||||||||||||||||
| 第七場 勇士 | 上季尾韋達爭冠軍形勢告急，老細才提早出賽相助，贏馬過程如晨操一樣，今次再出有十二蚊分都算係咁！上三班睇贏馬距離就唔係好勁，但睇住韋達全程個手勢就知少D手力都拉佢唔住。評磅員亦唔係傻仔，贏一馬位照樣加你十二分，睇黎唔過一百分都唔會有阻力。 | ||||||||||||||||||||||||
| 有感而發 | |||||||||||||||||||||||||
| 今天的賽事水準普遍偏低，多場賽事出馬不足之餘，參戰馬的實力亦令人抓哂頭！除了三班一千米有明星馬勇士撐場外，可以話並無焦點可言。全日最強組的二班一哩賽，當中搵匹較有前境的都無，使一向要有充分遮擋才跑得好的一口田今舖排大外檔亦成為頂頭大熱，而次熱門已輪到病夫龍冠，難怪加州主教都可在此分一盃羹。今個賽馬日真沉悶！ | |||||||||||||||||||||||||
| 追月公眾假期賽馬日，筆者又要工作了，唯有靠單邊耳罩與馬匹為伴。頭場的閘前速遞節目，主持人在研究為何拔尖兒選跑未有證明太多的一哩路程亦成為熱門之時，逸東道出了一句致「勝」名言：「通常大熱門有缺點先至會贏！」，聽落其實都幾矛盾，但於包含博彩的賽馬世界裏，怪論經常勝正論，睇見隻順利贏嘅賽後報告就頭痕。 | |||||||||||||||||||||||||
| 返回＜講馬網＞主頁 | |||||||||||||||||||||||||