| 竹原豐賽後點滴 | 2007年9月23日沙田日馬賽事 | B+2跑道 好至快地 | |||||||||||||||||||||||
| 跑道特色 | |||||||||||||||||||||||||
| 八草二泥日馬賽事於沙田馬場上演，草地賽事採用B+2跑道，賽事途中雖驟晴驟雨，但馬匹跑出的時間並未太受影響。貼欄領放馬有明顯優勢，半冷馬悅目及飛象過河順放入Q，而尾場更爆出瀟洒叻龍三十倍冷W。後上馬則需如川匯主帥及紅酒甜心般飛出大外欄才有用武之地。兩場泥地均是主動馬匹佔優，直路上能大幅改變名次者實在寥寥可數。 | |||||||||||||||||||||||||
| 值得跟進馬 | |||||||||||||||||||||||||
| 第三場 駔驍之首 | 上季三歲身分已在不同場地經常追一段勁，但貫注力總捱唔到尾，相信與年幼馬氣量未養成不無關係，可於季尾負重贏番場已算唔錯。今次續跑贏馬路程，可惜處於今天完全不利後上的泥地跑道，竟能追入三甲已不簡單。現處盛年，相信在四班不論泥草均有一定戰鬥力。 | ||||||||||||||||||||||||
| 第二場 自動加速 | 在港極少數的細粒Danzero子嗣，在沈集成馬房時走勢總是欠競爭力，直至季尾轉到胡森手上才初見有一段追勢。今次首落五班競逐，沿途守住貼欄較後位置，直路仍嚴守不利的內疊跑道，埋門仍只僅負短馬頭而壓倒得形勢之利的火噴噴，處五班已顯露優勢。賽後加兩分仍可爭五班賽，細馬即使上班負輕磅亦夠爭。 | ||||||||||||||||||||||||
| 第五場 瀟洒大少 | 初出即報跑千八米，即使對一匹年長馬亦有難度，何況是一匹剛轉四歲的賽駒！今次入直路即使走較有利的場地，但首戰能追得一席接近的第五名已有交代。上季三歲身分跑長途亦經常接近，已鎖定為一匹長途好手，在港同父馬萬勝峰轉四歲即連勝連升，四班贏馬無難度。 | ||||||||||||||||||||||||
| 有感而發 | |||||||||||||||||||||||||
| 一早已經話今季條沙田草地跑道古靈精怪，用兩次A欄都係貼欄馬着數哂！今次用B+2跑道就更令人驚喜，貼欄領放馬掂，走大外欄後上馬又掂，但內疊的中置及後上型馬匹則如食咗猪油咁，後上的還可以賴塞車絛位上（其實就望空騎極都唔願上），但守住內疊好位嘅實力馬都唔願郁就真係有D奇怪。好似尾場隻綫路精英咁，明明直路初走四疊時之追勢仍很凌厲，但去到最後一百米稍為移至內側就 | |||||||||||||||||||||||||
| 即停止加速。第七場一面倒大熱大腦，韋達轉彎走大外疊，三百米時看似可輕鬆贏馬，但到百五米閃入拍住鬥時明顯舉步為艱，埋門僅勝實在嚇壞人。在短短兩個月的歇暑期，草地跑道未見有大型工程進行，照理跑道偏差應不會有太大改變，唯一可影響的相信是場地灑水，搵日都要晨早入場睇吓D人有否選擇性灑水呢！ | |||||||||||||||||||||||||
| 返回＜講馬網＞主頁 | |||||||||||||||||||||||||