| 竹原豐賽後點滴 | 2007年9月19日快活谷夜馬賽事 | B跑道 好至快地 | |||||||||||||||||||||||
| 跑道特色 | |||||||||||||||||||||||||
| 週三八場夜馬賽事於快活谷B欄上演，總算似番條谷草跑道，短途賽事貼欄馬優勢明顯，一千米賽彎位前有長直路爭位才開條運動健將及眼鏡之寶的外檔Q。一哩賽偏遠卻未有那麼嚴重，先有呈祥沿途走二疊，轉彎更飛出大外疊追上贏馬，第三名的天鷹亦出彎三疊入位，第三場更由一對外疊轉彎馬彈離包Q。尾場步速太慢，因而走內欄可慳位提早發力，則未能證明太多。 | |||||||||||||||||||||||||
| 值得跟進馬 | |||||||||||||||||||||||||
| 第五場 靈光七號 | 上季出戰谷草短途賽得三W兩P，成績優異。季尾贏馬一役前快後快，輕鬆彈離，段速媲美同日三班賽頭馬幸運派彩，而反映有三班中上份量。今場本來用徐君禮減磅會更好跑，轉用潘頓已蝕一章，加上賽事步速屬全日最快一組，損耗頗多體力才可貼欄領放，捱得一席第二已有交代。處三班負輕磅爭谷草短途長期要睇。 | ||||||||||||||||||||||||
| 第五場 上浦勝將 | 今季首戰出爭三班短途賽，雖不幸掛外檔，但仍有部分馬迷對牠充滿信心，閘前落飛勢勁。陣上全程走大外疊，直路更飛近公眾席與馬迷握手，返到黎都唔輸得遠，睇黎歇暑後有大幅進步。五歲馬至今亦只出賽六場，健康定必有問題，難得練者膽敢立即再報下週三的泥地短途賽，馬迷要睇實了。 | ||||||||||||||||||||||||
| 第七場 乖巧 | 賀賢喜歡首戰縮程出擊，此駒亦不例外，但這匹六歲馬於今場步速不太快的賽事亦被歲歲歡騰頂住條欄，當然與騎者唔夠膽亦有關，全程二疊已輸咗九成，埋門成大熱卻跑梗頸四，幕後輸入肉（筆者亦不例外）。現階段是時候上一哩攞D真才實料俾大家睇，三班點計都超級。 | ||||||||||||||||||||||||
| 有感而發 | |||||||||||||||||||||||||
| 今次賽日宏觀各大評馬人賽前第四場賽事的提供，大多選大勇為馬膽，而好爽則只為二甚至三選，這亦無可厚非，質新馬谷草短途有近績，排位又排得好，加埋個冠軍騎師韋達跑，天時地利人和合一，但賽日下午竟一度是好爽成大熱門，確令筆者抓哂頭，不過有時票數D嘢唔到你唔信，即時埋門大勇落飛成為兩倍的一面倒大熱，但不可排除是某些經常口口聲聲將值博率掛在口邊的馬迷追落後。果 | |||||||||||||||||||||||||
| 然一出閘就跳一跳(其實賽前試大閘都唔多快)，騎者迅即力騎番上黎，看似攝得貼欄食糊位，但已損耗極多體力，埋門啱啱好跑第四，逢親有關錢銀嘅嘢都係咁黑暗架啦！就如上週日第九場隻明星馬永旺財，即使面對另一匹明星包裝大師，都無理由是點幾倍與五點幾倍之比，結果大家有目共睹。 | |||||||||||||||||||||||||
| 返回＜講馬網＞主頁 | |||||||||||||||||||||||||