| 竹原豐賽後點滴 | 2007年9月15日沙田日馬賽事 | A+3跑道 好至快地 | |||||||||||||||||||||||
| 跑道特色 | |||||||||||||||||||||||||
| 沙田十場草地賽事於A+3跑道上演，睇見上週開鑼日用A跑道都跑哂近欄馬，將條欄移出三米都唔方有好大分別啦！除尾場步速特慢才對外疊馬影響較微外，貼欄馬優勢比起開鑼日更利害。加上秋天將近天氣乾燥，場地極度乾快，正常步速下後上馬比較吃虧，但始終是季初階段，放頭望空者都係難一口氣帶到。 | |||||||||||||||||||||||||
| 值得跟進馬 | |||||||||||||||||||||||||
| 第六場 海之逸 | 未去感受賽事步速早段就施加壓力，失敗！入直路彎時仍未察覺步速偏快而過早發力，失敗！用這位得個名而無料嘅騎師仍一廂情願落飛博神蹟，大大失敗！發揮全面失誤都係輸少少，擺明有分在手，體弱馬幕後會盡早交代，田草千四及泥地千二隨時贏得。 | ||||||||||||||||||||||||
| 第九場 天威 | 賽前有部分馬迷認為兩匹明星馬鬥放的情境並未發生，賽事步速慢得很，對今次留到最後的天威甚難克服，而王志偉的發揮更令此駒連絲毫的入位機會也抹殺了。直路飛出大外檔上，於今天賽日已蝕到無輪，末段二十二秒二仍追回一席獎金已算佢叻。上季尾才踏正軌之馬，仍有上升空間。 | ||||||||||||||||||||||||
| 第六場 馬威力 | 此駒乃馬房少數賽前未有試大閘就上陣之賽駒，今舖擺明係熱身性質。即使有新鮮感跑此程亦嫌短，直路追勢雖不及威猛情人，但已追回甚多失地，似乎這匹南半球五歲馬仍在持續進步。季初階段不易有合腳法路程跑，唯有擺住係袋度等季中用啦！ | ||||||||||||||||||||||||
| 有感而發 | |||||||||||||||||||||||||
| 純粹用機會率計算，出賽馬越少就應越易中，但在賽馬世界裡卻有點反常，往往在越少馬跑的場合就爆你一個措手不及。就如今個賽馬日，十場賽事只有四場出足額，但大熱門竟做出三W的驕人成績，相反第二場出馬只有十一匹，卻爆出全場最冷的東莞之威，頭三大熱門完全唔見影。係馬圈入面，一加一經常都唔係等如二。 | |||||||||||||||||||||||||
| 今次賽事因有工作在身而未能全程投入，唯有拎起收音機接受緊貼的賽馬資訊。每當到聽沙圈馬匹狀態的環節，總令筆者慨嘆睇馬匹狀態確是一門非常主觀的學問，就好似今日第四場咁，位馬主持話馬上贏嘅狀態已起得唔錯，相隔不足一秒，女主持則話佢嘅狀態完全唔掂！該駒最終跑包尾而回，但是否純粹遇狀態有關就只有天知曉。 | |||||||||||||||||||||||||
| 返回＜講馬網＞主頁 | |||||||||||||||||||||||||