| 竹原豐賽後點滴 | 2007年9月12日快活谷夜馬賽事 | A跑道 好至快地 | |||||||||||||||||||||||
| 跑道特色 | |||||||||||||||||||||||||
| 週三八場夜馬賽事於快活谷A欄上演，跑道形勢平均，外疊馬跑來並不蝕底，後上馬走外疊比貼欄追得更順暢，先有狀態一般的騰達爆入冷Q腳，第七場就連老牌泥地專家真旺財都話衝上黎，即使一向偏差較嚴重的短途賽亦由金同德及青蝠王走外疊後上串Q。相反頭場大熱門揀得好就於內欄塞死。 | |||||||||||||||||||||||||
| 值得跟進馬 | |||||||||||||||||||||||||
| 第二場 好兄弟 | 上季見操練表就總係唔多正常，相信年輕馬體力仍未養成，但陣上表現卻唔講得笑，跑一哩路程放頭可近之餘，後上亦得。今季首戰已挑戰谷草一哩，絕對是高難度動作，亦可以話幕後信心十足。今次贏馬姿態輕鬆到暈，再睇埋個段速比起同日三班賽還要強，睇黎上三班亦屬過客，保守估計仍有兩W在手。 | ||||||||||||||||||||||||
| 第三場 百勝大師 | 此駒出賽頻率一向偏低，上季更只出賽三次，健康問題嚴重。本身唯一一次上名就是此程憑慢放偷襲，未有反映什麼高強實力。今次排檔一般，但於賽日下午卻突然有飛落，陣上表現亦有正比增長。陣上全程被千里馬頂於二疊競跑，加上賽事步速屬全日一哩賽中最快一組，埋門唔斷已不簡單。健康Keep得住就快可出頭。 | ||||||||||||||||||||||||
| 第一場 虎威將軍 | 質新馬相隔一個暑假有大幅進步，上季尾與開心假日同場，賺哂形勢亦鞭長莫及，今次卻可在直路輕鬆彈離對手，姿態超班之餘，時間亦超級，本身已跑出三班贏馬水準。加分後仍可留在四班負中磅跑，優勢超然。睇型格非正宗短途馬，增程二百米會有更大上升空間。 | ||||||||||||||||||||||||
| 有感而發 | |||||||||||||||||||||||||
| 開季至今才跑了兩次馬，但沙田及快活谷的跑道就恍如移形換影一樣，開鑼戰用田草A欄貼欄馬佔盡優勢，而今晚谷草就由外疊後上馬威哂！難怪暫時只有一匹大熱門堅毅能登入凱旋門，如馬迷麻木相信統計數據，就真係好似政府宣傳片話齋：「賭錢等如倒錢落海！」。驟眼看週六賽事，高點及零用錢等牌面馬均排外檔，投注前都係睇幾場確認吓跑道形勢先算。 | |||||||||||||||||||||||||
| 苗禮德馬房暫憑三W兩第二佳績居練馬師榜首，三場頭馬閘前均有飛落，但其馬房的落第馬千里馬於閘前賠率同樣有異動，似乎此落飛舉動只代表今季廐內馬匹狀態黎得早，準備於季初搶攻而已。講得邊個係投資勝手，反而是出馬十四匹有半數上名的葉楚航，大部分入位馬閘前都有Q餐飛落，計得咁準，馬迷不妨都跟吓佢搵食啦！ | |||||||||||||||||||||||||
| 返回＜講馬網＞主頁 | |||||||||||||||||||||||||