| 竹原豐賽後點滴 | 2007年9月9日沙田日馬賽事 | A跑道 好至快地 | |||||||||||||||||||||||
| 跑道特色 | |||||||||||||||||||||||||
| 開鑼戰例牌於沙田全闊A跑道上演，近季首戰外疊後上馬均有明顯優勢，但今季跑道特色卻有一百八十度轉變。直路前走外疊入彎者大多無運行，第五場瀟灑王子及濰坊走外檔仍可串Q，只因賽事步速極快所致。跑法方面，半冷馬劍追風一放到底，而逍遙自在及再領風騷也爆入冷腳，亦是違反郊年開鑼日數據，難怪十場大熱門全軍盡墨。 | |||||||||||||||||||||||||
| 值得跟進馬 | |||||||||||||||||||||||||
| 第六場 鼓浪天風 | 外地成績尚算吸引，來港試閘表現出眾，都是今場成為熱門的原因，可惜前速未有試閘般理想，轉彎時更一度失去平衡，以今天的跑道已蝕到癲，直路亦要到三百米才可修正發力，最終雖然跑梗頸四，但已追回極多失地。南半球馬四歲已達全盛期，定必盡早交代。 | ||||||||||||||||||||||||
| 第一場 龍門客棧 | 單計上季谷草短途的贏馬姿態及段速均反映有超五班實力，但今次轉戰沙田兼配冷人都成大熱，似乎幕後對其前境仍有寄望。快馬出閘失機之餘又遇上意外，買咗佢嘅朋友個心已灰咗大半，埋門追番一席Q腳都算安慰。今次違反馬性都跑得好，睇黎這匹六歲馬健康養回後已重踏升軌，今季上四班應無難度。 | ||||||||||||||||||||||||
| 第四場 冠先鋒 | 上季尾屢拚未出頭，皆因季尾跑道經常不利後追。今次得內欄之利令其可跟七八位，但騎者沿途力扣，到直路彎時剛好跌至包尾位置，四百米處再次重新搵位時卻重重圍困，直至二百米才拉出外檔望空，於末段竄一段二十二秒七的慢步速賽事仍追近都算佢叻。當賠率啱心水就贏得。 | ||||||||||||||||||||||||
| 有感而發 | |||||||||||||||||||||||||
| 今季開鑼日違反了不少數據。跑道特色已於上文講過，有前無後，外疊舉手，還以為跑緊快活谷日馬。近年特首盃大熱門表現均理想，但埋門落到不足三倍的喜蓮精彩，幾乎要十字車送回馬房。出名急先鋒的練馬師方嘉柏及約翰摩亞，計埋慈善賽新力高才有五個P。相反一向慢熱的蔡約翰卻憑兩匹年長馬東方遊戲及零用錢起個孖寶，暫列練馬師榜首。從近年興起的玄學角度來看，凡事多變都是沖太 | |||||||||||||||||||||||||
| 歲的徵狀，賽馬事業已沉寂多年，改變一下話唔定可轉危為機。至於筆者的馬運似乎亦受到沖太歲影響，通常頭九場馬輸甩碌後，尾場都係雪上加霜，今舖竟然買三隻馬就包辦三重彩，雖然只係買Q，但總算開番個靚頭，距離發達之路已成功咗一半。敗北的馬迷亦無須擔心，正所謂失敗乃成功之母，中國人思想都是豁達的。 | |||||||||||||||||||||||||
| 返回＜講馬網＞主頁 | |||||||||||||||||||||||||