Web site «True» -- საითი „სიმართლე“ : 1991 წლის ოქტომბრის პუტჩი - სახელმწიფო ტელევიზიის ოკუპაცია

თავფურცელი » საქართველო » პუტჩები

წინასიტყვაობა

საქართველოში ახალგაზრდა თაობას საგანგებოდ და განზრახ უმალავენ სიმართლეს ზვიად გამსახურდიას ეროვნული, კანონიერი ხელისუფლების ანტიქართული, ანტიეროვნული, კრიმინალური ძალების მიერ დამხობის, კომუნისტურ-ნომენკლატურული რევანშისტული ხუნტის შექმნისა და ამ ხუნტისადმი წინააღმდეგობის მოძრაობის შესახებ. ამ საითში წარმოდგენილია თვალსაჩინო მასალა და ყველას შეუძლია დაინახოს თუ რა და როგორ ხდებოდა.

საითში წარმოდგენილია უნიკალური და იშვიათი ვიდეო კლიპები
ვიდეოკლიპების უმეტესობა Windows Media Video ანუ WMV ფორმატშია

საქართველოს ნეოპუტჩისტური ხელისუფლების ფაქტობრივი პრეზიდენტის განკარგულება

1991-1993 წლებში ხელისუფლების უკანონოდ შეცვლასთან დაკავშირებული მოვლენების შემსწავლელი კომისიის შექმნის შესახებ.

"საქართველოს პრეზიდენტის ადმინისტრაციის შექმნის შესახებ" საქართველოს პრეზიდენტის 2004 წლის 14 თებერვლის N60 ბრძანებულებით დამტკიცებული დებულების მე-7 პუნქტის "ქ" ქვეპუნქტის შესაბამისად:

შეიქმნას საქართველოში 1991-1993 წლებში განვითარებული მოვლენების შედეგად განხორციელებული ხელისუფლების ძალადობრივი შეცვლის, საქართველოს პრეზიდენტ ზვიად გამსახურდიას ფიზიკური ლიკვიდაციის, ასევე ხელისუფლების შეცვლის მიზნით ძალის გამოყენებასთან დაკავშირებული ფაქტების, გარემოებებისა და თანამდევი (1991-2003 წლებში მომხდარი და სხვ.) მოვლენების შემსწავლელი კომისია..

2004 წლის 21 თებერვალი
ქ. თბილისი

ეროვნული თანხმობის დეკლარაცია (30.01.2004)

« მიმაჩნია, რომ 1991-92 წლების მიჯნაზე საქართველოს წინააღმდეგ მოეწყო შეთქმულება, როცა შინაგანმა და გარეგანმა ანტიეროვნულმა ძალებმა მოაწყვეს სამხედრო სახელმწიფო გადატრიალება, როგორც ის კვალიფიცირებულია საქართველოს რესპუბლიკის უზენაესი საბჭოს 1992 წლის 13 მარტის დადგენილებაში, ხოლო საქართველოს პარლამენტის 2000 წლის 20 აპრილის დადგენილებით, შეფასებულია, როგორც კანონიერი ხულისუფლების დამხობა და სამოქალაქო კონფრონტაცია. ეს იყო კომუნისტურ-ნომენკლატურული რევანში. »

მიხეილ სააკაშვილი
"დილის გაზეთი", 2004 წლის 30 იანვარი

საქართველოს პარლამენტის დადგენილება
1991-92 წლების დეკემბერ-იანვრის მოვლენების სამართლებრივი შეფასების შესახებ

საქართველოს პარლამენტი მიესალმება საქართველოში მიმდინარე ეროვნული თანხმობის პროცესს და მიიჩნევს, რომ უახლესი ისტორიის სწორი და პირუთვნელი სამართლებრივი შეფასება აუცილებელია ახალი ქართული სახელმწიფოს მშენებლობისათვის.

ზემოაღნიშნულიდან გამომდინარე, საქართველოს პარლამენტი ადგენს:

1. საქართველოს პარლამენტი კვლავ ადასტურებს 1990 წლის 28 ოქტომბერს არჩეული საქართველოს უზენაესი საბჭოსა და 1991 წლის 26 მაისს არჩეული საქართველოს პრეზიდენტის, აგრეთვე მათდამი დაქვემდებარებული სტრუქტურების (შეიარაღებული ძალების ჩათვლით) და ადგილობრივი თვითმმართველობისა და მმართველობის ორგანოების ლეგიტიმურობას სათანადო კანონმდებლობით დადგენილ ვადებში. შესაბამისად გადაისინჯოს სისხლის სამართლის საქმეები იმ პირთა მიმართ, რომელთა ბრალდება ემყარებოდა მითითებულ სახელისუფლებო სტრუქტურებში მათ მონაწილეობას და მათ პოლიტიკურ მრწამსს.

2. დაიგმოს 1991-92 წლების დეკემბერ-იანვრის ანტიკონსტიტუციური შეიარაღებული სახელმწიფო გადატრიალება.

3. ეს დადგენილება ამოქმედდეს გამოქვეყნებისთანავე.

საქართველოს პარლამენტის
თავმჯდომარის მოადგილე მიხეილ მაჭავარიანი

თბილისი,
2005 წლის 11 მარტი.
N 1104 - Iს


< წინა	პუბლიკაცია 2, სულ: 10	შემდეგი >

1991 წლის ოქტომბრის პუტჩი - სახელმწიფო ტელევიზიის ოკუპაცია

ავტ.: შავლეგო : 1/9/2005

1991 წლის ოქტომბრის პუტჩი - სახელმწიფო ტელევიზიის ოკუპაცია.

განსაკუთრებით აღსანიშნავია რუსთაველის პროსპექტზე მომხდარი საშინელი შემთხვევა, რომელიც ირაკლი წერეთლის პარტიას აწევს ცოდვად. მან ვერ აიტანა რისხვა მოსახლეობისა, რომელიც ცდილობდა საკუთარი ინიციატივით რუსთაველის პროსპექტის გათავისუფლებას. წერეთლის პარტიის წევრებმა და წერეთელმა საშინელი შეურაცხყოფა მიაყენა ფეხმძიმე ქალბატონს, რომელიც იქვე დაიღუპა... წერეთლის უშუალო ბრძანებით ოთხი შვილის მამას არმატურის დიდი ნაჭერი ჩაარტყეს თავში და იგი ქალაქის პირველ საავადმყოფოში გარდაიცვალა. ეს გახლდათ ბატონი ტრისტან ედიშერაშვილი. ასევე განსაკუთრებით აღნსანიშნავია ეროვნული ხელისუფლების მხარდამჭერ მიტინგზემე გამოსული ექიმი გია აბესაძე, რომელიც კანონიერი ხელისუფლების მომხრე გახლდათ. მან მიტინგზე გამოსვლის შემდეგ გადაწყვიტა მისულიყო და ერჩია მოწინააღმდეგეებისათვის შეეწყვიტათ საქართველოსათვის დამღუპველი ქმედება. მაგრამ ამაოდ დაშვრა და პროტესტის ნიშნად იქ, სადაც ე.წ. მეამბოხეები იმყოფებოდნენ, ბენზინი გადაისხა და თავი დაიწვა.

თვით პუტჩისტების მხრივ არავინ არ დაღუპულა.

არაკაცული დემოკრატიის სახე

ავტომატიანი ინტელიგენციის არა მხოლოდ ავტომატები

პუტჩისტების იდეოლოგი და მეთაური არაკაცი ელდარ შენგელაია

კიტოვანის შეიარაღებული არაკაცების ხროვა

ვიდეო: 1991 წლის ოქტომბრის პუტჩი - სახელმწიფო ტელევიზიის ოკუპაცია


< წინა	პუბლიკაცია 2, სულ: 10		შემდეგი >
1991 წლის ოქტომბრის პუტჩი		1991 წლის ოქტომბრის პუტჩი - პუტჩისტების ჭანტურიას და წერეთლის ბარიკადები რუსთაველზე