კომენტარის გარეშე 1
მოგესალმებით ყველას, როგორც ამ საიტის შემქმნელებს ასევე სტუმრებს, უერთდები საერთო, ქართულ-პატრიოტულ და ემიგრანტულ-ნოსტალგიურ სულისკვეთებას. ამ წერილით საიტის ავტორებს მინდა მოგმართოთ ერთი თხოვნით, რომელმაც, შეიძლება, გარკვეული თქვენი გაღიზიანებაც კი გამოიწვიოს, მაგრამ მე იმედს ვიტოვებ, რომ საერთო ქართული გრძნობა უფრო ძლიერი აღმოჩნდება და დაგვავიწყებინებს ყველაფერ იმას, რამაც თავის დროზე, ჩვენი საერთო უბედურობისას, ბარიკადების სხვა და სხვა მხარეს დაგვაყენა.უფრო კონკრეტულად, გთხოვთ თქვენი საიტიდან: "ვიდეო არქივი სიმართლე" ამოიღოთ ერთ-ერთი მასალა: "კომენტარების გარეშე 1". რადგან ეს სათვალიანი ახალგაზრდა-პაატა, ტრაგიკულად დაიღუპა, უფრო სწორად დაიწვა, სოხუმში ჩამოგდებულ სამგზავრო თვითმფრინავში, დატოვა 8 თვის ორსული მეუღლე და მოხუცი დედა, ხოლო მისი აფხაზეთიდან გადმოსვენება და დაკრძალვა მოხდა მხოლოდ 7 წლის შემდეგ, 2000 წელს. დიდხანს ვიფიქრე, მანამ მოგწერდით, დარწმუნებული ვიყავი, რომ არ შეისმენდით, მაგრამ მას შემდეგ რაც ეს მასალა ვნახე, ყოველდღე მასზე ვფიქრობდი, მოსვენება დავკარგე, თითქოს მისი სული მთხოვდა ამის გაკეთებას, რა ვიცი, იმედი მაქვს თქვენი ჰუმანურობის, დაე ღმერთმა განსაჯოს მტყუან-მართალი, ის, ხომ უბრალო ქართველი ბიჭი იყო.მისი ბიჭი უკვე დიდია და მამა არ ახსოვს. დარწმუნებული ვარ ფორუმის სხვა მონაწილეებიც შემოუერთდებიან ამ მცირე და კეთილი ნების გამომხატველ თხოვნას. მადლობთ ნებისმიერ შემთხვევაში.
„ქართული კარიბჭის“ სტუმართა წიგნიდან
მკითხველი საფრანგეთიდან - დარეგისტრირებული როგორც „ჯორჯ ბუში“
[email protected]
IP 83.197.241.238
ჩვენ, ამ დოკუმენტური საითის ავტორებს, გვიპატიებია და მიგვეტივებია - მიუტიონ მის მიერ მოკლულებისა და ნაწამებების სულებმა...
„ჯორჯ ბუშის“ მიერ წამოჭრილი ეს საკითხი „ქართული კარიბჭის“ ავტორებსა და მკითხველების საერთო აზრის გათვალისწინების გარეშე ვერ გადავწყვიტეთ...
განხილვა აქ >>>