სიმართლე

„ასჯერ გაგონილს ერთხელ დანახული სჯობია“
აქ ნახეთ კაცობისა და არაკაცობის ორთაბრძოლა

 თავფურცელი »  საქართველო  »  წინააღმდეგობის მოძრაობა

წინასიტყვაობა

საქართველოში ახალგაზრდა თაობას საგანგებოდ და განზრახ უმალავენ სიმართლეს ზვიად გამსახურდიას ეროვნული, კანონიერი ხელისუფლების ანტიქართული, ანტიეროვნული, კრიმინალური ძალების მიერ დამხობის, კომუნისტურ-ნომენკლატურული რევანშისტული ხუნტის შექმნისა და ამ ხუნტისადმი წინააღმდეგობის მოძრაობის შესახებ. ამ საითში წარმოდგენილია თვალსაჩინო მასალა და ყველას შეუძლია დაინახოს თუ რა და როგორ ხდებოდა.


საითში წარმოდგენილია უნიკალური და იშვიათი ვიდეო კლიპები
ვიდეოკლიპების უმეტესობა Windows Media Video ანუ WMV ფორმატშია


საქართველოს ნეოპუტჩისტური ხელისუფლების ფაქტობრივი პრეზიდენტის განკარგულება

1991-1993 წლებში ხელისუფლების უკანონოდ შეცვლასთან დაკავშირებული მოვლენების შემსწავლელი კომისიის შექმნის შესახებ.

"საქართველოს პრეზიდენტის ადმინისტრაციის შექმნის შესახებ" საქართველოს პრეზიდენტის 2004 წლის 14 თებერვლის N60 ბრძანებულებით დამტკიცებული დებულების მე-7 პუნქტის "ქ" ქვეპუნქტის შესაბამისად:

შეიქმნას საქართველოში 1991-1993 წლებში განვითარებული მოვლენების შედეგად განხორციელებული ხელისუფლების ძალადობრივი შეცვლის, საქართველოს პრეზიდენტ ზვიად გამსახურდიას ფიზიკური ლიკვიდაციის, ასევე ხელისუფლების შეცვლის მიზნით ძალის გამოყენებასთან დაკავშირებული ფაქტების, გარემოებებისა და თანამდევი (1991-2003 წლებში მომხდარი და სხვ.) მოვლენების შემსწავლელი კომისია..

2004 წლის 21 თებერვალი
ქ. თბილისი


ეროვნული თანხმობის დეკლარაცია (30.01.2004)

« მიმაჩნია, რომ 1991-92 წლების მიჯნაზე საქართველოს წინააღმდეგ მოეწყო შეთქმულება, როცა შინაგანმა და გარეგანმა ანტიეროვნულმა ძალებმა მოაწყვეს სამხედრო სახელმწიფო გადატრიალება, როგორც ის კვალიფიცირებულია საქართველოს რესპუბლიკის უზენაესი საბჭოს 1992 წლის 13 მარტის დადგენილებაში, ხოლო საქართველოს პარლამენტის 2000 წლის 20 აპრილის დადგენილებით, შეფასებულია, როგორც კანონიერი ხულისუფლების დამხობა და სამოქალაქო კონფრონტაცია. ეს იყო კომუნისტურ-ნომენკლატურული რევანში. »

მიხეილ სააკაშვილი
"დილის გაზეთი", 2004 წლის 30 იანვარი


საქართველოს პარლამენტის დადგენილება
1991-92 წლების დეკემბერ-იანვრის მოვლენების სამართლებრივი შეფასების შესახებ

 

საქართველოს პარლამენტი მიესალმება საქართველოში მიმდინარე ეროვნული თანხმობის პროცესს და მიიჩნევს, რომ უახლესი ისტორიის სწორი და პირუთვნელი სამართლებრივი შეფასება აუცილებელია ახალი ქართული სახელმწიფოს მშენებლობისათვის.

ზემოაღნიშნულიდან გამომდინარე, საქართველოს პარლამენტი ადგენს:

 

1. საქართველოს პარლამენტი კვლავ ადასტურებს 1990 წლის 28 ოქტომბერს არჩეული საქართველოს უზენაესი საბჭოსა და 1991 წლის 26 მაისს არჩეული საქართველოს პრეზიდენტის, აგრეთვე მათდამი დაქვემდებარებული სტრუქტურების (შეიარაღებული ძალების ჩათვლით) და ადგილობრივი თვითმმართველობისა და მმართველობის ორგანოების ლეგიტიმურობას სათანადო კანონმდებლობით დადგენილ ვადებში. შესაბამისად გადაისინჯოს სისხლის სამართლის საქმეები იმ პირთა მიმართ, რომელთა ბრალდება ემყარებოდა მითითებულ სახელისუფლებო სტრუქტურებში მათ მონაწილეობას და მათ პოლიტიკურ მრწამსს.

 

2. დაიგმოს 1991-92 წლების დეკემბერ-იანვრის ანტიკონსტიტუციური შეიარაღებული სახელმწიფო გადატრიალება.

 

3. ეს დადგენილება ამოქმედდეს გამოქვეყნებისთანავე.

 

საქართველოს პარლამენტის
თავმჯდომარის მოადგილე მიხეილ მაჭავარიანი

 

თბილისი,
2005 წლის 11 მარტი.
N 1104 - Iს

 პუბლიკაციები: 40   გვ. 1, სულ: 4    შემდეგი > 
მშვიდობიანი საპროტესტო მიტინგის დახვრეტა 1992 წლის 3 იანვარს

1992 წლის 3 იანვარს, იმ დროს როდესაც მთავრობის სასახლესთან ბრძოლები მიდიოდა, როდესაც კანონიერი ხელისუფლება თავს იცავდა პუტჩისტებისა და რუსების შემოტევებისაგან, თბილისის ქუჩებში მრავალი ათასი უიარაღო მშვიდობიანი მომიტინგე გამოდიოდა კანონიერი ხელისუფლების, თავისი არჩევანის მხარდასაჭერად. მშვიდობიანი მიტინგის დროს დიდუბეს მეტროსთან, პუტჩისტი ჯალათები ვერაგულად ესვრიან ტყვიას ხალხს. ხალხი არ დრკება და უტევს ჯალათებს, დამფრთხალი ნაძირლები აგრძელებენ უარაღო ქართველების ხვრეტას, ამის და მიუხედავად ხალხი უკან არ იხევს. იმ სისხლიან დღეს არაკაცებმა 34 ქართველის სისხლი შესვეს - მოკლეს 5 და დაჭრეს 29.

 
საპროტესტო მსვლელობის დახვრეტა თბილისში 1992 წლის 7 იანვარს

ქართველი ხალხი არ დაშინდა 1992 წლის 3 იანვარს არაკაცების მიერ მშვიდობიანი მიტინგის დახვრეტით და 7 იანვარს კვლავ გაიმართა მასობრივი მშვიდობიანი საპროტესტო მსვლელობა. ეს მსვლელობა განსაკუთრებული მნიშვნელობისა იყო იმითი, რომ იგი კანონიერი ხელისუფლების მხარდამჭერთა პირველი აქცია იყო მას შემდეგ, რაც პრეზიდენტი ზ.გამსახურდია და კანონიერი ხელისუფლება იძულებლნი გახდნენ დაეტოვებინათ საქართველო. არაკაცებმა კვლავ ესროლეს მეპროტესტეებს - სამი კაცი მოკლეს და რამდენიმე დაჭრეს (მათ შორის უცხოური საინფორმაციო სააგენტოს კორესპონდენტი).

 
1992 წლის 16 იანვრიდან მასობრივ საპროტესტო მოძრაობას დიდი ძალებით შემოუერთდა სტუდენტი ახალგაზრდობა

კანონიერი ხელისუფლების მომხრეების მშვიდობიანი, შეუიარაღებელი საპროტესტო მოძრაობის დახვრეტებისა და დარბევების მიუხედავად 1992 წლის 16 იანვრიდან მასობრივ საპროტესტო მოძრაობას დიდი ძალებით შემოუერთდა სტუდენტი ახალგაზრდობა - სტუდენტების დიდმა ჯგუფმა დაიწყო ვაგზლის შენობაში შიმშილობა კანონიერი ხელისუფლესბის აღდგენისა და პოლიტპატიმართა განთავისუფლების მოთხოვნით. „ძირს შევარდნაძის დემოკრატია! ძირს სიგუა! ძირს ხუნტა!“ - სკანდირებენ ისინი.

 
 პუბლიკაციები: 40   გვ. 1, სულ: 4    შემდეგი >  
© ბესარიონ გუგუშვილი