საქართველოში ახალგაზრდა თაობას საგანგებოდ და განზრახ უმალავენ სიმართლეს კანონიერი ხელისუფლების, მისი კრიმინალური ძალების მიერ დამხობისა და ხუნტისადმი წინააღმდეგობის მოძრაობის შესახებ. ამ საითში წარმოდგენილია ვიდეოსიმართლე და ყველას შეუძლია დაინახოს თუ რა და როგორ ხდებოდა.

თქვენ თვალნათლივ დარწმუნდებით, რომ ზვიად გამსახურდიას კანონიერ ხელისუფლებას თბილისში, ისევე როგორც მთელს საქართველოში ჰქონდა მასობრივი მხარდაჭერა - ათასობით, ათეული ათასობით და ზოგჯერ ასობით ათასი ქართველი კაცური კაცი (მამა-კაციც და დედა-კაციც) დღიდან დღემდე დახვრეტებისა და დარბევების მიუხედავად მამაცად გამოდიოდა ქუჩებში პროტესტის გამოსახატავად - გამოდიოდა იმის მიუხედავად, რომ მთელი მსოფლიო დაბრმავდა და დაყრუვდა სიმართლის მიმართ...

თქვენ თვალნათლივ დარწმუნდებით, რომ კანონიერი ხელისუფლების მხარდამჭერთა შორის დიდ და ყველაზე აქტიურ ნაწილს ახალგაზრდობა და კერძოდ სტუდენტობა შეადგენდა - მიაქციეთ ყურადღება, რომ მოკლულთა უმეტესობაც სწორედ ახალგაზრდობა იყო.

თქვენ თვალნათლივ დარწმუნდებით, რომ თბილისში კანონიერი ხელისუფლების მხარდამჭერთა უდიდესი უმეტესობა თბილისის მკვიდრი მოსახლეობა იყო.

ვიდეოკლიპების ნახვისას თითქმის ყოველ მათგანში თქვენ მოისმენთ თავდადებული ადამიანების მოწოდებას ვიდეო ოპერატორისადმი: „გადაიღე! გადაიღე!“ - ამ ხალხს, რომელიც მაშინ საქართველოსათვის, სიმართლისათვის ტყვიას უშვერდა მკერდს უნდოდათ, რომ თქვენ - მომავალ თაობებს ეს მათი თავდადება გენახათ... ეს საიტიც სწორედ მათს უბრალოებაში დიდებულ თავგაწირვასა და გულადობას ეძღვნება (მათ შორის კი იმ თავდადებულ ვიდეოოპერატორებს ვინც ისტორია შეგვინარჩუნა).

ამასთან ერთად უდანაშაულო, მართალი ადამიანების სისხლი მოითხოვს საქართველოს ახლანდელი ფაქტობრივი ხელისუფლებისაგან - წამოიწყოს ამ საითში თვალნათლივ წარმოდგენილი კრიმინალის წინააღმდეგ სასამართლო დევნა - მხოლოდ ეს შეიძლება გახდეს იმის დადასტურება, რომ იგი ემიჯნება ამ დანაშაულს.

ბოლო დროს ბევრს ლაპარაკობენ 1998 წლის 9 აპროლს რუსის ჯარის მიერ მშვიდობიანი მიტინგის დარბევაზე - რუსის ჯარს არაფერი მისდაგვარი არ გაუკეთებია - რასაც ამ კადრებში ნახავთ...