ზვიად გამსახურდიას პრესკონფერენცია ქართველი და უცხოელი ჟურნალისტებისათვის
1991 წლის 2 თებერვალი
ჩვენ გვიპირისპირდება კრემლის უზარმაზარი საინფორმაციო მანქანა, უფრო სწორად, დეზინფორმაციის მანქანა „ТАСС“-ის სახით, „კაგებეს“ სახით და სხვა, რომელსაც მიზნად აქვს დასახული მსოფლიოს დეზინფორმირება საქართველოში მიმდინარე პროცესებთან დაკავშირებით და ამაში მათ, პირველ რიგში, ხელს უწყობენ, სამწუხაროდ, ჩვენი გადაგვარებული თანამემამულეები როგორც აქ, ისევე საზღვარგარეთ, აქ თქვენ იცით, ვის ვგულისხმობ მე, ზედმეტად ჰაერს არ მოვწამლავ მათი ხსენებით კიდევ ერხელ და იქ, უცხოეთში, მათი აგენტურა ჯანრი კაშიას, რამაზ კლიმიაშვილის და სხვა მოსკოვის აგენტების სახით. ისინი პირდაპირ, ამასწინათ, რადიო „თავისუფლებით“ გამოვიდნენ, ლანძღავდნენ პარლამენტს, აქებდნენ კონგრესს, ამბობდნენ, რომ პირდაპირ აღმაშფოთებელია, ეს პარლამენტი როგორ უშლის ხელს კონგრესს მუშაობაშიო, რომ არავითარი არჩევნები საქართველოში არ ჩატარებულა, რომ აქ მოხდა მხოლოდ გაყალბება ყველაფრის, რომ საარჩევნო კანონი არის არასრულყოფილი, დიქტატორული და სხვა. და ამას ყველაფერს ქართველები ყვირიან ქართული „თავისუფლებიდან“, მეგობრებო. ამას რუსი რომ ამბობს „კრასნაია ზვეზდადან“, ეს არ გეწყინება და ეს ბუნებრივია, მაგრამ აი, ქართველი როგორ უნდა გადაგვარდეს, როგორ უნდა დაეცეს იმდენად, რომ მის ქვეყანაში პირველად ისტორიაში მოხდა დემოკრატიული, თავისუფალი არჩევნები, ეროვნული მთავრობა აირჩა და უცხოეთიდან თხრის, ლანძღავს მას. ამას არცერთი ერი არ აკეთებს, მეგობრებო, არცერთი ერი. აი, ასეთი სიმრავლე მოღალატეების ჩვენ რომ გვყავს, მეგობრებო, არცერთ ერს არა ყავს. აი, ამით სარგებლობს კრემლი და მისი პროპაგანდა, ეს აგენტურა თავისით დარაზმა. რადიო „თავისუფლების“ ქართული რედაქცია საქართველოს მტრების ხელშია, მოსისხლე მტრების ხელშია. გესმით, კრემლის აგენტურის ხელშია. გესმით, კრემლის აგენტურის ხელშია. პირველ რიგში, კაშია, ლაშქარაშვილი, კლიმიაშვილი და აი, ესენი დათარეშობენ ეთერში და მსოფლიოს წამლავენ და მერე რაღა გიკვირთ, გენაცვალე, რომ გამოდის უცხოელი, მოტყუებული უცხოელი გამოდის და რამე ამდაგვარს წერს. აი, ქართველებმა თქვეს, - იმ წუთში მიუთითებენ ქართველებზე. აი, ეს არის მიზეზი, ციხე შიგნიდან ტყდება, როგორც ყოველთვის. მართალია, კრემლი ძლიერია, მისი დეზინფორმაციის მანქანა ძლიერია, მაგრამ ქართველები, თვითონ ჩვენივე მოღალატე ქართველები უწყობენ ამას ხელს. აი, ეს გახლავთ სინამდვილე.