არაკაცობისა და არაკაცული იდეოლოგიის შექმნასა და მის პროპაგანდაში სამარცხვინო წვლილი მიუძღვის კრიმინალურ ინტელიგენციას - აქ მოტანილია მაგალითები იმისა თუ როგორ იქმნებოდა და ვრცელდებოდა მთელს მსოფლიოში ბოროტი, არაკაცული სიცრუე - ადამიანის უფლებების ვითომ დიდი ქომაგის, აღიარებული რეჟისორის, მაგრამ არაკაცის ოთარ იოსელიანის ფილმის „Seule, Georgie - ეული საქართველოს (1994)“ მაგალითზე.
მოღალატე, კრიმინალური ინტელიგენციის შეთითხნილი სიცრუე შემდეგ მასობრივი ტირაჟებით ვრცელდებოდა მთელს მსოფლიოში და ფართოდ გამოიყენებოდა ქართველი ერის წინააღმდეგ. კერძოდ „Seule, Georgie - მხოლოდ საქართველო“ (განსხვავებით დოკუმენტური ფილმისაგან „შევადნაძის მხილება“ - რომელიც მასზე ბევრად ადრე, 1992 წელს გამოვიდა და მხოლოდ ერთხელ იყო ნაჩვენები ამერიკაში და საერთოდ არც ერთხელ არ ყოფილა ნაჩვენები ევროპასა ან რუსეთში) მრავალგზის იყო ნაჩვენები ევროპაში, ამერიკაში და განსაკუთრებით რუსეთში!
საგანგებოდ უნდა აღინიშნოს, რომ ამ თითქმის საათნახევრიან, ფარისევლურ - ვითომ ობიექტურ და ვითომ დოკუმენტურ ფილმში რომელიც მთლიანად საქართველოს 1998-1994 წლების მოვლენებს მიეძღვნა - გაკვრითაც კი არ არის ნახსენები საერთაშორისო ადამაინის უფლებების დამცველი ორგანიზაციების მიერ ფართოდ დოკუმენტირებული ის მხეცობები და ადამიანის უფლებების საშინელი დარღვევები რომლებიც არაკაცთა ხუნტამ ჩაიდინა - მთელი ფილმი კანონიერი ხელისუფლების ნომენკლატურული კრიმინალიტეტის მიერ დამხობის გამართლებას ემსახურება.
საგანგებოდ უნდა აღინიშნოს, რომ ამ თითქმის საათნახევრიან ფილმში რომელშიც მოიძებნა ადგილი ყველა ასე თუ ისე გამოჩენილი პუტჩისტის ყბედობისათვის - და რომელშიც ყბადაღებულად ქადაგებენ, რომ გამსახურდიას რეჟიმი თითქოს მოწინააღმდეგეთა სიტყვასა და აზრს ახშობდა - არ და ვერ მოიძებნა ადგილი კანონიერი ხელისუფლების თუნდაც ერთი წარმომადგენლის ან მომხრის აზრის გამოხატვისათვის - არაკაცული „პლურალიზმის“ თვალნათელი დადასტურება...
სწორედ არაკაც ოთარ იოსელიანის ეს ფილმია ნათელი მაგალითი, რომ - „საქართველოს წინააღმდეგ მოეწყო შეთქმულება, როცა შინაგანმა და გარეგანმა ანტიეროვნულმა ძალებმა მოაწყვეს სამხედრო სახელმწიფო გადატრიალება (მ.სააკაშვილი)“ და ფილმი მთლიანად ამ ანტიეროვნული ძალების შეთქმულების ნაწილია და მას ემსახურება.
სწორედ ამ არაკაცი კრიმინალური ინტელიგენციის ბრალია, რომ ასობით ახალგაზრდა მოიწამლა ანტიქართული შეთქმულების შხამით - სწორედ მათ სინდისზეა მრავალი მხედრიონელისა თუ სხვა პარამილიტარისტული დაჯგუფებების გულუბრყვილო და მარტივად მოაზროვნე ახალგაზრდა წევრის გათახსირება და სისხლი...
- სიცრუე - თითქოს ზვიად გამსახურდიას კანონიერი ხელისუფლება უმთავრესად პროვინციელებს ეყრდნობოდა „პროვინციელებით გაიტენა ქალაქი... ისინი არიან ხელისუფლების დასაყრდენი... მათ პრივილეგიებს შეპირდნენ...“
ასეთი პროვიკაციებით ცდილობდნენ არაკაცობის იდეოლოგები საქართველოს დახლეჩას: სოფლად და ქალაქად, დასავლეთად და აღმოსავლეთად, ინტელიგენციად და არაინტელიგენციად...
ვიდეო: ო.იოსელიანი - პროვინციელებმა აავსეს ქალაქი...
სიმართლე - ნახეთ ასი ათასი თბილისელის პასპორტების დემონსტრაცია >>>
ზვიად გამსახურდიას მომხრე თბილისლებით პირთამდე და კიდით კიდემდე სავსე რუსთაველის პროსპექტი
- საყვედური: „და, რაც გამსაკუთრებით აღსანიშნავია, აიკრძალა 9 მაისის გამარჯვების ზეიმი“ - საკითხავია, რატომაა ეს განსაკუთრებით აღსანიშნავი? ვის ატკინა გული ამან განსაკუთრებით? ჩვენ თუ გვკითხავთ სწორედ აი ეს განსაკუთრებულობაა ყველაზე საინტერესო მთელს ამ ფილმში - იმიტომ, რომ ამით ჩანს ვისი სიმპატიებისათვის იღწვის არაკაცი დიდი ხელოვანი!
სიცრუე - თითქოს „გამსახურდიას პრესა“ ილაშქრებდა მსოფლიო კულტურის მიღწევების წინააღმდეგ...
ვიდეო: იოსელიანი - რაც მთავარია, აიკრძალა 9 მაისის გამარჯვების ზეიმი...
სიმართლე - არავის არ აუკრძალავს, გერმანიაზე საბჭოთა კავშირის გამარჯვების ზეიმი - ასეთი აკრძალვა არ არსებობდა! მაგრამ, არაკაც იოსელიანს რა ენაღვლება, შემმოწმებელი და გამკითხავი ხომ არავინაა...
სიმართლე - იმ პერიოდში პრაქტიკულად ყველა გაზეთი და ჟურნალი - არაფერი რომ ვთქვათ გაპუტჩისტებულ ტელევიზიაზე - არაკაცების კონტროლის ქვეშ იყო... (თუმცა ასაკრძალი და დასახური იყვნენ, იმიტომ, რომ დაუფარავად მოუწოდებდნენ კანონიერი ხელისუფლების ძალით დამხობისაკენ)
კრიტიკული ნარკვევის ავტორი:
საქართველოს კინიკორპორაციის პრეზიდენტი
კულტურის მინისტრის მოადგილე კინემატოგრაფის დარგში
ბესარიონ გუგუშვილი