ზოგი ანტიეროვნულად განწყობილი პირი ეროვნული ხელისუფლების შეცდომად აცხადებს იმას, რომ აფხაზეთის ავტონომიური რესპუბლიკის უზენაეს საბჭოში დაწესებული იქნა ქვოტები ეთნიკური წარმომავლობის მიხედვით და აფხაზებს რიცხვობრივი უპირატესობა მიეცათ ქართველებთან შედარებით - ამას დამცინავად „ქართველების აპარტეიდს“ უწოდებენ.

ამ საკითხის განხილვისას გასათვალიწინებელია შემდეგი:

დამოუკიდებლობის გზაზე დამდგარი საქართველოს შესაჩერებლად, კრემლის მიერ ხდებოდა ოსი და აფხაზი სეპარატისტების წაქეზება და მდგომარეობის დაძაბვა როგორც "სამხრეთ ოსეთის ავტონომიურ ოლქში" ასევე აფხაზეთის ავტონომიურ რესპუბლიკაშიც, ამიტომ ეროვნული ხელისუფლება დიდი ყურადღებითა და გაგებით ეკიდებოდა აფხაზი ეთნიკური უმცირესობის ინტერესებს, არ აძლევდა ექსტრემისტულ ძალებს საშუალებას ბრალი დაედოთ ეროვნული ხელისუფლებისათვის აფხაზების შევიწროებაში.

ქართული და აფხაზური მხარის ორმხრივი კონსენსუსის საფუძველზე მოხერხდა მდგომარეობის სტაბილიზება და ნორმალიზება - მიღებულ იქნა საარჩევნო კანონი, რომელიც გარკვეული კვოტების პრინციპს ითვალისწინებდა. კერძოდ, აფხაზეთის ავტონომიური რესპუბლიკის უმაღლეს საჭოში იქნებოდა 65 დეპუტატი, მათ შორის 28 აფხაზი ეროვნების, 26 - ქართველი და 11 - სხვა დანარჩენი ეროვნების დეპუტატი. მიღწეული შეთანხმების თანახმად აფხაზეთის ავტონომიური რესპუბლიკის უმაღლესი საბჭოს თავმჯდომარე იქნებოდა აფხაზური დეპუტაციის წარმომადგენელი, მისი პირველი მოადგილე - ქართული დეპუტაციის; მინისტრთა საბჭოს თავმჯდომარე - ქართველი და, რაც მთავარია, აფხაზეთის ასსრ კონსტიტუციაში შევიდა ცვლილება, რომლის თანახმადაც ყველა მნიშვნელოვანი გადაწყვეტილება (გარდა ნაკლებმნიშვნელოვანი - საპროცედუროსი) უნდა მიღებულიყო ხმების 2/3-ით, რომლის მოსაგროვებლად (44 ხმა) აუცილებელი ხდებოდა ქართული და აფხაზური მხარის დეპუტატთა ურთიერთკომპრომისი.

ამრიგად - მხოლოდ საპროცედურო საკითხების გადაწყვეტა შეიძლებოდა ხმათა 50+1 % -ით. დანარჩენში აბფაზურ და მასთან ალიანში მყოფ არაქართულ დეპუტაციას სჭირდებოდა 2/3. აფხაზეთის უზენაეს საბჭოში 100% დასწრებაც რომ ჰქონოდათ აფხაზურ და არაქართულ დეპუტაციას, 57%-ზე მეტი მაინც ვერ გროვდებოდნენ. ამიტომ აფხაზური და არაქართული დეპუტაცია იმ შემთხვევაშიც კი - თუ ქართულის წინააღმდეგ პრინციპულად დაირაზმებოდა 2/3 - ს მაინც ვერ შეაგროვებდა.

ასე უსისხლოდ და სხვა მძაფრი დაპირისპირების განვითარების გარეშე მოხერხდა კრემლის მიერ გამწვავებული აფხაზური პრობლემის მოგვარება - პოლიტიკურ პროცესში.

აფხაზეთის ზემოთმითითებული წესით დაკომპლექტებული უზენაესი საბჭო არ გამხდარა საქართველოსათვის რაიმე პრობლემის წყარო - არ ყოფილა არც ერთი შემთხვევა, როდესაც ამ პოლიტიკურმა გადაწყვეტილებამ რაიმე ზიანი მოუტანა საქართველოს ინტერესებს. პირიქით - ეს გახდა აფხაზეთში შედარებითი სტაბილიურობის მტკიცე საფუძველი.

პირიქით - ენტიეროვნული ძალების მიერ მოწყობილი პუტჩის შემდგომაც კი (არაფერი რომ ვთქვათ პუტჩისწინა პერიოდზე) აფხაზეთი და კერძოდ სოხუმი ეროვნული, ლეგიტიმური ხელისუფლების მხარდამჭერთა ძირითადი თავშესაფარი გახდა და ანტიეროვნული ძალები სწორედ ამიტომ გახდნენ იძულებულნი აფხაზეთში საომარი მოქმედებები წამოეწყოთ.

საყურადღებო:
ანტიეროვნული ძალების პუტჩის შემდგომ, როდესაც საქართველოში ხელისულება ხელთ ჩაიგდო კრიმინალურმა „სამხედრო საბჭომ“ - მან გააუქმა საქართველოს მოქმედი კონსტიტუცია და სანაცვლოდ შემოიღო საქართველოს 1921 წლის კონსტიტუცია - რომელშიც არ არსებობდა აფხაზეთის ავტონომიის ცნება. ამ მოღალატურმა ნაბიჯმა კანონგარეშე დააყენა აფხაზეთის უზენაესი საბჭო და გახდა აფხაზეთში პოლიტიკური მდგომარეობის უკიდურესი დაძაბვისა და შემდგომ ომის დაწყების მიხეხი და საბაბი.

ლეგიტიმური ხელისუფლების მომხრეთა
პერმანენტული, უწყვეტი საპროტესტო აქცია სოხუმში

აფხაზეთში ეს მხოლოდ ცრემლის ზღვის დასაწყისია

სოხუმში "შავლეგოს" სული ბორგავს

ვიდეოდოკუმენტი:
ზუგდიდის ოკუპაცია,
წინააღმდეგობის მოძრაობა აფხაზეთში,
მზადება აფხაზეთში "ომობანობისათვის"

საკითხის გაგრძელება...

საქართველოს ნეოპუტჩისტური, ანტიეროვნული ხელისუფლება კი გაცილებით მეტ უფლებებს სთავაზობს აფხაზ სეპარატისტებს საქართველოს პარლამენტში და საქართველოს მთავრობაში...

სააკაშვილი აფხაზეთის მიმართ ახალი სამშვიდობო ინიციატივებით გამოდის
სივილ ჯორჯია / სივილ ჯორჯია, თბილისი / 2008-03-28 19:22:13 
http://www.civil.ge/geo/article.php?id=17888

«”ჩვენ ვთავაზობთ მათ საქართველოს ვიცე-პრეზიდენტის პოსტს და ჩვენ ვთავაზობთ მათ ვეტოს უფლებას ყველა იმ ცენტრალურ გადაწყვეტილებაზე, რომელიც ეხება მათ კონსტიტუციურ სტატუსს ან შეეხება მომავალში მათ კონსტიტუციურ სტატუსს, მათ კულტურის, ენის და ზოგადად ეთნიკური ჯგუფის გადარჩენის და განვითარებისთვის ყველა მნიშვნელოვან წინაპირობას. ჩვენ ვთავაზობთ ამაზე მათ ვეტოს უფლებას იმასთან ერთად, რომ მათ ექნებათ საქართველოს პარლამენტში და ყველა ორგანოში ექნებათ გარანტირებული წარმომადგენლობა,”- განაცხადა სააკაშვილმა, ”ეს არის უჩვეულო ნაბიჯი. ჩვენ მზად ვართ რომ ეს ნაბიჯი უახლოეს კვირებში გადავდგათ. თუ მოლაპარაკებები დაიწყება ხვალ, მზად ვართ, რომ მოლაპარაკებები დავასრულოთ და კონსტიტუციური საკითხები ერთად გადავწყვიტოთ”.»

ზვიად გამსახურდიასა და ეროვნულ ხელისუფლებას აკრიტიკებდნენ და აკრიტიკებენ იმისათვის, რომ მათ აფხაზებს აფხაზეთის პარლამენტში მისცეს გარანტირებული წამომადგენლობა და გარკვეული პრივილეგიები აფხაზეთის მთავრობაში...

საქართველოს პრეზიდენტმა მიხეილ სააკაშვილმა აფხაზ და ოს მოსახლეობას სამშვიდობო ინიციატივით მიმართა 
29 აპრილი 2008 / 23:00   
http://www.president.gov.ge/?l=G&id=2597

კიდევ ერთხელ წარმოგიდგენთ საქართველოს სამშვიდობო ინიციატივებს, რომელიც აფხაზეთთან მიმართებაში გულისხმობს:

ვიცე პრეზიდენტის პოსტის შემოღებას აფხაზებისათვის, რომელსაც ექნება აფხაზეთთან დაკავშირებით ყველა საკონსტიტუციო საკითხზე ვეტოს უფლება;

გარანტირებულ წარმომადგენლობას საქართველოს ცენტრალურ ხელისუფლებაში;

საერთაშორისო გარანტიებს აფხაზეთისადმი, რათა უზრუნველყოფილ იქნას ფართო ფედერალიზმი და შეუზღუდავი ავტონომია;