ისევე, როგორც წინა დღეებში, 1992 წლის 31 იანვარის ისევ ათასობით კანონიერი ხელისუფლების მხარდამჭერი შეიკრიბა საპროტესტო მიტინგზე თბილისში ვაგზლის მოედანზე. მომიტინგეების მიერ განხილვის მთავარი საკითხი იყო სამეგრელოში მხედრიონისა და კიტოვანის გვარდიის მხეცობები და სისასტიკეები.

წინააღმდეგობის კომიტეტმა თბილისელებს მოუწოდა ქუჩეში გამოსვლა არაკაცთა იმ სიცრუის სამხილებლად თითქოს ზვიად გამსახურდიას მხოლოდ სოფლელები უჭერენ მხარს. 1992 წლის 1 თებერვალს თბილისის ქუჩებში გამოვიდა სხვადასხვა გაანგარიშებით ასი ათასიდან ორას ათასამდე თბილისელი. ფაქტი ერთია - ასეთი მასშტაბის მანიფესტაცია თბილისს არ ახსოვს 80-იანი წლების ეროვნული მოძრაობის აფეთქების შემდგომ.

1992 წლის 2 თებერვალი ისტორიაში შევიდა როგორც ყველაზე სისხლიანი დღე. ამ დღეს მასობრივ მშვიდობიან საპროტესტო მსვლელობას, რომელიც ვაგზლის მოედნიდან ქალაქის ცენტრისაკენ მიემართებოდა და რომელსაც წმინდა ჯვარი მუძღოდა წინ, ჯერ ცირკის მისადგომებთან დახვდა არაკაცების პიკეტი, რომელმაც ორი მხრიდან, მიმდებარე ბორცვებიდან დახვრიტა მიტინგის მონაწილეები. უკან გამობრუნებულ მსვლელობას მეორე პიკეტი დაახვედრეს კინოსტუდიასთან - რომელმაც კიდევ ესროლა და დახვრიტა მესვლელობის მონაწილეები. მსვლელობა იძულებული გახდა დავით აღმაშენებლის პროსპექტზე გადაენაცვლა - სადაც მარჯანიშვილის მოედანზე მათ კიდევ ესროლეს და დახვრიტეს. მსვლელობის ათობით მონაწილე არაკაცების უკანონო პარამილიტარებმა დააპატიმრეს და საპყრობილეებში სასტიკად ცემეს და აწამეს... 1992 წლის 2 თებერვალს თბილისის პოლიციის მონაცემებით არაკაცებმა მოკლეს თორმეტი ქართველი და დაჭრეს ასობით, ხოლო სამართალდამცავი ორგანიზაციების მონაცემებით მოკლული იქნა 23 და დაჭრილი 183.

კაცური და გულადი სტუდენტები - ქალი და ვაჟები სიგუას და კიტოვანს პირში ეუბნევიან - „თქვენ ხართ პუტჩისტები! თქვენ ხართ სისხლის მსმელები! თქვენ ხართ მოღალატეები!“ - 1992 წლის 2 თებერვლის მსვლელობის დახვრეტის მეორე დღე. სტუდენტები გოჩა კელენჯერიძე და სხვები მივიდნენ სიგუასთან მოთხოვნით, რომ მათ მისცენ 5 წუთი ტელევიზიით მიმართვის გასაკეთებლად, რაზეც მტკიცე უარი მიიღეს სისხლიანი დემოკრატებისაგან...

გოჩა კელენჯერიძე 1992 წლის რეპრესიებზე. სტატია გაზეთიდან „ასავალ-დასავალი“ ჟურნალისტი ლეილა კვირიკაშვილი.

არაკაცებმა ესროლეს და სასტიკად დაარბიეს საპროტესტო მიტინგი ჯეიმს ბეიკერის თბილისში ვიზიტის დროს  - 1992 წლის 26 მაისი.

პრეზიდენტ ზვიად გამსახურდიას დაბადების დღის აღნიშვნა აბაშაში 1993

1993 წლის 9 აპრილს ეროვნული კაცებმა მასობრივი საპროტესტო მიტინგითა და მსვლელობით აღნიშნეს 1989 წლის 9 აპრილის წლისთავი. აქციას ხელმძღვანელობდა „მრგვალი მაგიდა“.

თბილისის უნივერსიტეტთან საპროტესტო მიტინგის არაკაცების ჯავშანტექნიკით დარბევა

ეთერ მგალობლიშვილის სტატია გაზეთიდან „ასავალ-დასავალი“, 2006 წლის 6-12 მარტი, N10, გვ.16. 22 დეკემბერს დაიღუპნენ წმიდა ილია მართლის საზოგადოების წევრები არჩილ რამიშვილი, ვარაზ ვარაზიშვილი, ციცინო ქევხიშვილი, აველინა პერტაია. დაიჭრნენ: ივეტა კობახიძე, ლანა სიხარულიძე, ვენერა ყეინოშვილი. 3 იანვარს მოკლეს გივიკო რეხვიაშვილი (21 წლის), ლევან თაქთაქიშვილი, კახა არსენიძე (21 წლის), გიზო ხატიაშვილი (29 წლის) გურამ დოლიძე (55 წლის). ამ ადამიანების პანაშვიდებზეც ვიყავი ჩემს მეგობრებთან ერთად. 3 იანვარს დაიჭრნენ: ცარო ნოზაძე, ოთარ ჭრიკიშვილი და მრავალი სხვა. 2 თებერვალს დაიხვრიტნენ: ზურაბ ჯავახიშვილი (15 წლის), მამუკა ტერიშვილი (მინდა შევნიშნო, რომ მამუკა 1992 წლის 14 თებერვალს 18 წლის უნდა გამხდარიყო). მათ გარდა ასევე დაიღუპნენ: იმედა ჭანტურიძე (17 წლის), ზურაბ დიდებაშვილი (17 წლის), გერონტი (გურამ) ლიპარტელიანი (29 წლის), იური ტალახაძე (42 წლის, 4 შვილის მამა), ალექსანდრე დავრაშვილი (29 წლის), ტარიელ ხერკელიძე (41 წლის), მიხეილ ფოლადიშვილი (50 წლის), ტრისტან ცერაძე (70 წლის). დაჭრილები იყვნენ: ანა ფანქველაშვილი (18 წლის), გოდერძი ჯოჯიშვილი (35 წლის), დიმიტრი ხუხულაშვილი (15 წლის), ლერი ოქრიაშვილი (25 წლის), ვაჟა ჯავახია (20 წლის), არამ არუთინიანი (25 წლის), როინ ხუციშვილი (15 წლის), კახა ჩხეიძე (20 წლის), დიმიტრი იორამაშვილი (65 წლის), დავით ჭყოიძე (30 წლის), ლია ბაღათურია (21 წლის), ავთანდილ გოგოლაშვილი (26 წლის), ემზარ კვაველიძე, თამაზ ლოგუა (41 წლის), კუკური ჩიქოვანი (41 წლის), გელა კავთიაშვილი (14 წლის), გიორგი კულუმბეგაშვილი (41 წლის), თეიმურაზ გეგეშიძე (23 წლის), მურთაზ ასათიანი (50 წლის), დავით ჩადუნელი (15 წლის), გელა სახლთხუციშვილი (18 წლის), ვასო ჯავახიშვილი (20 წლის), დავით მთვარელიძე (25 წლის), გიორგი გიორგობიანი (15 წლის), ოთარ კუნჭულია (40 წლის)  და მრავალი სხვა.