ზვიად გამსახურდიას წინააღმდეგ არაკაცების მიერ აღძრულ საქმეში ვკითხულობთ: „1993 წლის სექტემბერ-ოქტომბერში, დანაშაულებრივი გეგმის შესაბამისად, ზ. გამსახურდიამ, ბ. გუგუშვილმა, ვახტანგ ქობალიამ, ზაურ ქობალიამ, გ. აბსანძემ, ტ. გელანტიამ, ნ. ბურჭულაძემ, ნ. მოლოდინაშვილმა, გ. მარჯანიშვილმა და მათმა სხვა მომხრეებმა, ჩეჩენ, ადიღეელ და სხვა დაქირავებულ მებრძოლებთან ერთად, მოახდინეს საქართველოს სუვერენული რესპუბლიკის განუყოფელი ტერიტორიის, ქალაქების: ზუგდიდის, ფოთის, სამტრედიის, წალენჯიხის, ჩხოროწყუს, ხობის, სენაკის, მარტვილის, აბაშის, ხონის და შესაბამისი რაიონების მთლიანად, აფხაზეთის ავტონომიური რესპუბლიკის მთლიანად, ნაწილობრივ ოზურგეთისა და ლანჩხუთის რაიონების დროებითი ოკუპაცია შეიარაღებული ძალების გამოყენებით, რასაც განსაკუთრებით მძიმე შედეგი - აღნიშნულ ტერიტორიებზე მმართველობის ადგილობრივი სახელმწიფო სტრუქტურების ძალადობით დაშლა, თანამდებობის პირთა მიმართ დევნა-ტერორი, სახელმწიფო წარმოება-დაწესებულებების, საზოგადოებრივი ორგანიზაციების, მოქალაქეთა შენობების ნგრევა-განადგურება, ხანძრის გაჩენა, სარკინიგზო მატარებლებისა და კავშირგაბმულობის კომუნიკაციების განადგურება, მოსახლეობის ნგრევა-აწიოკება, დახვრეტა, განზრახ მკვლელობები, ქალების მიმართ ძალადობა, სახელმწიფო, საზოგადო, მოქალაქეთა პირადი ქონების გატაცება, სახელმწიფო ბანკების დარბევა-ძარცვა, ქ. ფოთის კომერციული პორტიდან სახელმწიფო და ასევე ჰუმანიტარული დახმარების მიზნით უცხო ქვეყნებიდან გამოგზავნილი სხვადასხვა სახის ტვირთების გატაცება მოჰყვა.“
არაკაცი კინორეჟსიორი ზვიად გამსახურდიას საქართველოში დაბრუნების ეპიზოდს ყოვლად თახსირი და უნამუსი ცილისმწამებლური კადრებით აშუქებს და იყენებს მორიგ ფალსიფიკაციას - აფხაზეთში გადაღებულ დოკუმენტურ კადრებს ასაღებს როგორც იმერეთში ზვიადისტების შეჭრის კადრებად - როდესაც მოსახლეობა პანიკურად გარბის რათა ზვიადისტების „მხეცობებისაგან“ თავი გადაირჩინოს...
- არაკაცული ცილისმწამებლური ფალსიფიკაცია - ვითომ იმერეთში ზვიადისტების შეჭრა - ხალხი პანუკურად გარბის, რადგან ზვიადისტების „მხეცობების“ ეშინია... სინამდვილეში აფხაზეთში გადაღებულ კადრებს მიწერილი აქვს: „იმერეთი. ზვიადისტების შეტევა“
- სიცრუე - ვითომ ეს-ენ-გე-ში შესვლა შევარდნაძეს ზვიადისტების შემოტევამ აიძულა - კარგადაა ცნობილი, რომ შევარდნაძემ ეს-ენ-გე-ში შესვლა რუსებს მისი ალყაშემორტყმული სოხუმიდან გამოყვანის ფასად მიართვა და მეტიც - საერთოდ აფხაზეთში შევარდნაძის ბრბოების ომის დაწყების სარჩული იყო და ეს ადრევე იყო მხილებული კანონიერი ხელისუფლების მიერ.
დოკუმენტი - ციტატა ლორიკ მარშანიას მოგონებებიდან:
"Был полдень 27 сентября 1993 года. По дороге я предло жил все-таки подождать до завтра - знал о намерении Грузии вступить в СНГ, что могло, как мы надеялись, предотвратить падение Сухуми."
იხილეთ პირველწყარო >>> ან ლოკალური ასლი >>>
დოკუმენტი - Briefing: Current Situation in Georgia and Implications for U.S. Policy; Commission on Security and Cooperation in Europe; October 25, 1993:
"გოლცი: - დღეს შევარდნაძისათვის სამწუხარო და არსებითი მისი გადარჩენისათვის ისაა, რომ ყოველივე, რაც მოხდა 1992 წლის შემდგომ, პუტჩის შემდგომ, იყო გამსახურდიას მხარის წინასწარმეტყველების აღსრულება. მე არ დავეთანხმებოდი მათ წინასწარმეტყველებას, მაგრამ ყველაფერი ახდა. ისინი ამბობდნენ, რომ გამსახურდია დაამხეს იმისათვის რათა ისევ დაებრუნებინათ შევარდნაძე თბილისში. შევარდნაძის მომხრეები ამას უარყოფდნენ. მაგრამ, სამი თვის შემდეგ შევარდნაძე მართლაც დაბრუნდა თბილისში. თუ თქვენ გამსახურდიას მომხრეებს დაელაპარაკებით დღეს ან დაელაპარაკებოდით თუნდაც ერთი თვის წინ - მათი წინასწარმეტყველება იყო, რომ შევარდნაძის მიზანი იყო სოხუმის მიყიდვა[!] აფხაზებისათვის, მისი რუსებისათვის ჩაბარება და საქართველოს იძულება შესულიყო დამოუკიდებელი სახელმწიფოების კავშირში... ყველაფერი ეს მართლაც მოხდა. მე არ ვეთანხმები საქართველოს წინააღმდეგ 'დიდი შეთქმულების' იდეას, მაგრამ ფაქტები კიდევ ერთხელ წითელ ხაზად გასდევენ ყველაფერს... [გვ. 8]".
პირველწყარო: http://www.csce.gov/briefings.cfm?briefing_id=147
„დიდი შეთქმულების“ რეალობა, რომელზეც ამ დოკუმენტშია ლაპარაკი დღეს დამტკიცებულია ფაქტობრივი პრეზიდენტის მ.სააკაშვილის მიერ და სწორედ ამ შეთქმულების ერთ ერთი იდეოლოგია არაკაცი ოთარ იოსელიანი.
ვიდეო: ვითომ იმერეთში ზვიადისტების შეჭრა
რეჟისორ იოსელიანის არაკაცობის დამამტკიცებელი ოფიციალური დოკუმენტი:
ზვიად გამსახურდიას მიმართ შეწყდა სისხლის სამართლის საქმე და სისხლის სამართლებრივი დევნა
(გაზეთი "საქართველოს რესპუბლიკა", 10 ივლისი - 15 აგვისტო, 2004 წელი)
ასევე დადასტურებას ვერ პოულობს ზ. გამსახურდიას სისხლის სამართლის პასუხისგებაში მიცემის დადგენილების ის ნაწილი, რომლის თანახმადაც იგი ცდილობდა თავისი ხელისუფლების აღდგენის მიზნით შემოეყვანა უცხო ქვეყნის შეიარაღებული ფორმირებანი; აგრეთვე, აფხაზეთში საომარ მოქმედებებში დამარცხების გზით მიეღწია კანონიერი ხელისუფლების აღდგენისთვის. საქმეს დართული საგაზეთო პუბლიკაციებითა და ვიდეოკასეტების რეპროდუქციის ოქმებით გამორკვეული და უტყუარად დადასტურებულია, რომ 1990 წლის 28 ოქტომბერს კანონიერი გზით არჩეული ხელისუფლების მხარდამჭერი ეროვნული გვარდიის ნაწილები და მოსახლეობის დიდი ნაწილი, როცა 1993 წლის ოქტომბრის დასაწყისისთვის თითქმის მთლიანად აკონტროლებდნენ დასავლეთ საქართველოს, ზ. გამსახურდია მიმართავდა მოსახლეობას, რომ მიტინგებით, გაფიცვებითა და სხვა მშვიდობიანი ფორმებით ახლოვდებოდა ახალი ხელისუფლების გადადგომა და კანონიერი ხელისუფლების აღდგენა, კერძოდ:
1993 წლის 2 ოქტომბერს "ჭყონდიდლობის" დღესასწაულზე, მარტვილში ზვიად გამსახურდიამ სიტყვით მიმართა მიტინგზე შეკრებილ ათასობით მხარდამჭერს და განაცხადა, რომ ხელისუფლების მიერ განაწამებმა ხალხმა ვერ აიტანა ხოცვა, ძარცვა, შევიწროება და ფოთში აღადგინა კანონიერი ხელისუფლება, ხოლო იარაღით მოსულ ხელისუფლებას, რომელმაც აფხაზეთი მტერს ჩააბარა, ამ და სხვა დანაშაულებისთვის ქართველი ერი პასუხს მოსთხოვდა, თუ იგი არ გადადგებოდა, მას ხალხი გადააყენებდა და მთლიანად საქართველოში მალე აღადგენდა კანონიერ ხელისუფლებას.
მომდევნო დღეს, 3 ოქტომბერს, ქ. ფოთსა და აბაშაში გამართულ მხარდამჭერთა მრავალათასიან მიტინგებზე ზვიად გამსახურდიამ მიმართა მიტინგის მონაწილეებს და განაცხადა, რომ იარაღით მოსულმა ხელისუფლებამ განახორციელა კრიმინალური გადატრიალება, მსოფლიოს წინაშე კი თავს ასაღებდა დემოკრატიულ ხელისუფლებად. მიუხედავად ამისა, მას მალე ამხელდნენ მსოფლიოს იმ ნაწილის თვალში, რომელიც ამ ფაქტზე თვალებს იბრმავებდა. თვითონ და მისი მომხრეები მსოფლიოს გასაგონად აცხადებდნენ, რომ აქვთ მშვიდობიანი წინადადებები ქვეყნის ჩიხიდან გამოსაყვანად და ეს დანაშაულებრივ ხელისუფლებას ყურად უნდა ეღო, წინააღმდეგ შემთხვევაში ხალხი მას მშვიდობიანი პოლიტიკური მეთოდებით გადააყენებდა.
იმავე დღეს ზ. გამსახურდიამ მამაპაპისეულ სახლში, სოფელ ძველ აბაშაში ინტერვიუ მისცა უცხოეთის ერთ-ერთი სააგენტოს ჟურნალისტს და განაცხადა, რომ იარაღით მოსულმა ხელისუფლებამ ყველგან ტანკი და არტილერია დააყენა, რის გამოც იგი თავის სამშობლოში თავისუფლად ვერ გადაადგილებულა. მას და კანონიერი ხელისუფლების მხარდამჭერ ადამიანებს არ სურდათ სისხლისღვრა. თბილისში ის დანაშაულებრივ ხელისუფლებას მისცემდა წინადადებას გადადგომის შესახებ, რის შემდეგაც დაინიშნებოდა და ჩატარდებოდა დემოკრატიული საპარლამენტო არჩევნები. რაც შეეხება არსებულ ხელისუფლებას და მის მომხრეებს, საფრთხე არ ემუქრებოდათ და შეეძლოთ მიეღოთ მონაწილეობა არჩევნებში.
ამრიგად, მიმოხილული და გაანალიზებული მტკიცებულებებით უტყუარადაა დადასტურებული, რომ შესაბამის მტკიცებულებათა გარეშე ზვიად გამსახურდიას უსაფუძვლოდ შეერაცხა სამშობლოს ღალატი და საქართველოს სახელმწიფოს წინააღმდეგ ძირგამომთხრელი საქმიანობა, რის გამოც ხსენებულ ეპიზოდშიც მის მიმართ სისხლის სამართლის საქმე და სისხლისსამართლებრივი დევნა უნდა შეწყდეს წარმოებით საქართველოს სისხლის სამართლის საპროცესო კოდექსის 28-ე მუხლის პირველი ნაწილის "ბ" ქვეპუნქტით - არ არის რა ქმედება მართლსაწინააღმდეგო.
კრიტიკული ნარკვევის ავტორი:
საქართველოს კინიკორპორაციის პრეზიდენტი
კულტურის მინისტრის მოადგილე კინემატოგრაფის დარგში
ბესარიონ გუგუშვილი
დართული ფაილები:
