Urdu Poems
This is a collection of some of my favourite urdu poems. I have
tried to give the due credit to the poets for their compositions. If
someone can say for certain that any information is incorrect, or there
is any violation of copyrights, please let me know - I'll try to rectify
that asap.
uzr aane me.n bhii hai aur bulaate bhii nahii.n
- Daag
Dehlavi
Khuubasuurat
mo.D
- Sahir
Ludhianvi
har shammaa bujhii raftaa raftaa har Khvaab luTaa dhiire
dhiire
- Qaiser
ul Jafri
duniyaa jise kahate hai.n jaaduu kaa khilonaa hai
- Nida
Fazli
dil me.n na ho jurrat to muhabbat nahii.n milatii
- Nida Fazli
gulashan kii faqat phuulo.n se nahii.n kaa.NTo.n se bhii
ziinat hotii hai
- Saba
Afghani
dard ke phuul bhii khilate hai.n bikhar jaate hai.n
- Javed
Akhtar
ham tere shahar me.n aaye hai.n musaafir kii tarah
- Qaiser
ul Jafri
mai.n nazar se pii rahaa huu.N ye samaa badal na jaae
- Anwar
Mirzapuri
kaa.NTo.n kii chubhan pa_ii phuulo.n kaa mazaa bhii
- Surender
Malik 'Gumnam'
kabhii mujh ko saath lekar, kabhii mere saath chal kar
- Ehsaan
Danish
kuchh duur hamaare saath chalo ham dil kii kahaanii kah de.nge
- Ibrahim
Ashk
kuchh duur hamaare saath chalo ham dil kii kahaanii kah de.nge
- Ibrahim
Ashk
bechain bahaaro.n me.n kyaa-kyaa hai jaan kii Khushbuu aatii
hai
- Qateel
Shifai
lagataa nahii.n hai jii meraa uja.De dayaar me.n
- Zafar
ai Khudaa ret ke saharaa ko sama.ndar kar de
- Shahid
Meer
sar jhukaaoge to patthar devataa ho jaayegaa
- Bashir Badr
dukh fasaanaa nahii.n ke tujh se kahe.n
- Ahmed
Faraz
mujhase milane ke vo karataa thaa bahaane kitane
- Seemab
Akbarabadi
zindagii se ba.Dii sazaa hii nahii.n
- Krishan
Bihari Noor
uzr aane me.n bhii hai aur bulaate bhii nahii.n
- Daag Dehlavi
uzr aane me.n bhii hai aur bulaate bhii nahii.n
baa_is-e-tark-e-mulaaqaat bataate bhii nahii.n
[uzr = excuse; baa_is = reason; tark = give up]
Khuub pardaa hai ke chilaman se lage baiThe hai.n
saaf chhupate bhii nahii.n saamane aate bhii nahii.n
ho chukaa qat'a-e-ta'alluq to jafaae.n kyo.n ho.n
jin ko matalab nahii.n rahataa vo sataate bhii nahii.n
[qat'a-e-ta'alluq = severing of connection/separation]
ziist se ta.ng ho ai "Daag" to jiite kyo.n ho
jaan pyaarii bhii nahii.n jaan se jaate bhii nahii.n
[ziist = life]
Khuubasuurat mo.D
- Sahir Ludhianvi
chalo ik baar phir se ajanabii ban jaaye.N ham dono.n
na mai.n tum se ko_ii ummiid rakhuu.N dil navaazii kii
na tum merii taraf dekho Galat a.ndaaz nazaro.n se
na mere dil kii dha.Dakan la.Dakha.Daaye merii baato.n me.n
na zaahir ho tumhaarii kashmakash kaa raaz nazaro.n se
ta'arruf rog ho jaaye to us ko bhuulanaa behatar
ta'alluq bojh ban jaaye to us ko to.Danaa achchhaa
vo afsaanaa jise takamiil tak laanaa na ho mumakin
use ek Khuubasuurat mo.D dekar chho.Danaa achchhaa
chalo ik baar phir se ajanabii ban jaaye.N ham dono.n
[ta'arruf = acquaintance; ta'alluq = relationship; takamiil = completion]
tumhe.n bhii ko_ii ulajhan rokatii hai peshakadamii se
mujhe bhii log kahate hai.n ki ye jalave paraae hai.n
mere hamaraah bhii rusavaaiyaa.N hai.n mere maazii kii
tumhaare saath bhii guzarii huii raato.n ke saaye hai.n
har shammaa bujhii raftaa raftaa har Khvaab luTaa dhiire
dhiire
- Qaiser ul Jafri
har shammaa bujhii raftaa raftaa har Khvaab luTaa
dhiire dhiire
shiishaa na sahii patthar bhii na thaa dil TuuT gayaa dhiire dhiire
baraso.n me.n maraasim banate hai.n lamho.n me.n bhalaa kyaa TuuTe.nge
tuu mujh se bichha.Danaa chaahe to diivaar uThaa dhiire dhiire
ehasaas huaa barbaadii kaa jab saare ghar me.n dhuul u.Dii
aa_ii hai hamaare aa.Ngan me.n patajhar kii havaa dhiire dhiire
dil kaise jalaa kis vaqt jalaa ham ko bhii pataa aaKhir me.n chalaa
phailaa hai dhuaa.N chup ke chup ke sulagii hai chitaa dhiire dhiire
vo haath paraaye ho bhii gaye ab duur kaa rishtaa hai 'Qaiser'
aatii hai merii tanhaa_ii me.n Khushbuu-e-hinaa dhiire dhiire
duniyaa jise kahate hai.n jaaduu kaa khilonaa hai
- Nida Fazli
duniyaa jise kahate hai.n jaaduu kaa khilonaa hai
mil jaaye to miTTii hai kho jaaye to sonaa hai
achchhaa-saa ko_ii mausam tanhaa-saa ko_ii aalam
har vaqt kaa ronaa to bekaar kaa ronaa hai
barasaat kaa baadal to diivaanaa hai kyaa jaane
kis raah se bachanaa hai kis chhat ko bhigonaa hai
Gam ho ki Khushii dono.n kuchh der ke saathii hai.n
phir rastaa hii rastaa hai ha.Nsanaa hai na ronaa hai
aavaaraa_mizaajii ne phailaa diyaa aa.Ngaan ko
aakaash kii chaadaar hai dharatii kaa bichhonaa hai
[aavaaraa_mizaajii = wanderlust/habit of wandering about]
[chaadar = sheet; bichhonaa = bed]
dil me.n na ho jurrat to muhabbat nahii.n milatii
- Nida Fazli
dil me.n na ho jurrat to muhabbat nahii.n milatii
Khairaat me.n itanii ba.Dii daulat nahii.n milatii
[jurrat = courage; Khairaat = charity]
kuchh log yuu.N hii shahar me.n ham se bhii Khafaa hai.n
har ek se apanii bhii tabiiyat nahii.n milatii
[Khafaa = annoyed/angry]
dekhaa thaa jise mai.n ne ko_ii aur thaa shaayad
vo kaun hai jis se terii suurat nahii.n milatii
ha.Nsate huye cheharo.n se hai baazaar kii ziinat
rone ko yahaa.N vaise bhii fursat nahii.n milatii
[ziinat = beauty/adornment; fursat = leisure time]
gulashan kii faqat phuulo.n se nahii.n kaa.NTo.n se bhii
ziinat hotii hai
- Saba Afghani
gulashan kii faqat phuulo.n se nahii.n kaa.NTo.n
se bhii ziinat hotii hai
jiine ke liye is duniyaa me.n Gam kii bhii zaruurat hotii hai
[faqat = merely; ziinat = decoration/adornment]
ai vaa_iz-e-naadaan karataa hai tuu ek qayaamat kaa charchaa
yahaa.N roz nigaahe.n milatii hai.n yahaa.N roz qayaamat hotii hai
[vaa_iz = preacher]
vo purasish-e-Gam ko aaye hai.n kuchh kah na sakuu.N chup rah na sakuu.N
Khaamosh rahuu.N to mushkil hai kah duu.N to shikaayat hotii hai
[purasish = enquiry
karanaa hii pa.Degaa zabt-e-alam piine hii pa.De.nge ye aa.Nsuu
fariyaad-o-fuGaa.n se ai naadaan tauhiin-e-mohabbat hotii hai
[zabt = restrain; fariyaad = plea; fuGaan = lament; tauhiin = insult]
jo aake ruke daaman pe 'sabaa' vo ashk nahii.n hai.n paanii hai
jo aa.Nsuu na chhalake aa.Nkho.n se us ashq kii qiimat hotii hai
dard ke phuul bhii khilate hai.n bikhar jaate hai.n
- Javed Akhtar
dard ke phuul bhii khilate hai.n bikhar jaate hai.n
zaKhm kaise bhii ho.n kuchh roz me.n bhar jaate hai.n
raastaa roke kha.Dii hai yahii uljhan kab se
ko_ii puuchhe to kahe.n kyaa ki kidhar jaate hai.n
chhat ki khi.Dakiyo.n se utarate hai.n mere Khvaab magar
merii diivaaro.n se Takaraa ke bikhar jaate hai.n
narm aavaaz bhalii baate.n mohazzab lahaje
pahalii baarish me.n hii ye rang utar jaate hai.n
us dariiche me.n bhii ab ko_ii nahii.n aur ham bhii
sar jhukaaye huye chup-chaap guzar jaate hai.n
ham tere shahar me.n aaye hai.n musaafir kii tarah
- Qaiser ul Jafri
ham tere shahar me.n aaye hai.n musaafir kii tarah
sirf ek baar mulaaqaat kaa mauqaa de de
merii manzil hai kahaa.N meraa Thikaanaa hai kahaa.N
subah tak tujh se bichha.Dakar mujhe jaanaa hai kahaa.N
sochane ke liye ek raat kaa mauqaa de de
apanii aa.Nkho.n me.n chhupaa rakhe.n hai.n juganuu mai.n ne
apanii palako.n pe sajaa rakhe hai.n aa.Nsuu mai.n ne
merii aa.Nkho.n ko bhii barasaat kaa mauqaa de de
aaj kii raat meraa dard-e-muhabbat sun le
ka.Np-ka.Npaate huye ho.nTho.n kii shikaayat sun le
aaj izhaar-e-Khayaalaat kaa mauqaa de de
bhuulanaa thaa to ye iqaraar kiyaa hii kyuu.N thaa
bevafaa tuune mujhe pyaar kiyaa hii kyuu.N thaa
sirf do-chaar savaalaat kaa mauqaa de de
mai.n nazar se pii rahaa huu.N ye samaa badal na jaae
- Anwar Mirzapuri
mai.n nazar se pii rahaa huu.N ye samaa badal na
jaae
na jhukaao tum nigaahe.n kahii.n raat Dhal na jaae
mere ashk bhii hai.n is me.n ye sharaab ubal na jaae
meraa jaam chhuunevaale teraa haath jal na jaae
abhii raat kuchh hai baaqii na uThaa naqaab saaqii
teraa ri.nd girate girate kahii.n phir sambhal na jaae
merii zi.ndagii ke maalik mere dil pe haath rakhanaa
tere aane kii Khushii me.n meraa dam nikal na jaae
mujhe phuu.Nkane se pahale meraa dil nikaal lenaa
ye kisii kii hai amaanat kahii.n saath jal na jaae
kaa.NTo.n kii chubhan pa_ii phuulo.n kaa mazaa bhii
- Surender Malik 'Gumnam'
kaa.NTo.n kii chubhan pa_ii phuulo.n kaa mazaa bhii
dil dard ke mausam me.n royaa bhii ha.Nsaa bhii
aane kaa sabab yaad na jaane kii Khabar hai
vo dil me.n rahaa aur use to.D gayaa bhii
har ek se ma.nzil kaa pataa puuchh rahaa hai
gumaraah mere saath huaa rahanumaa bhii
'Gumnaam' kabhii apano.n se jo Gam huye haasil
kuchh yaad rahe un me.n kuchh bhuul gayaa bhii
kabhii mujh ko saath lekar, kabhii mere saath chal kar
- Ehsaan Danish
kabhii mujh ko saath lekar, kabhii mere saath chal
kar
vo badal gaye achaanak merii zi.ndagii badal kar
huye jis pe meharabaa.N tum ko_ii Khush_nasiib hogaa
merii hasarate.n to nikalii.n mere aa.Nsuuo.n me.n Dhal ke
terii zulf-o-ruKh ke qurbaa.N dil-e-zaar Dhuu.NDhataa hai
vahii champa_ii ujaale vahii surama_ii dhu.ndalake
ko_ii phuul ban gayaa hai ko_ii chaa.Nd ko_ii taaraa
jo chiraaG bujh gaye hai.n terii a.njuman me.n jal ke
mere dosto Khudaaraa mere saath tum bhii Dhuu.NDo
vo yahii.n kahii.n chhupe hai.n mere Gam kaa ruKh badal ke
terii bejhijhak ha.Nsii se na kisii kaa dil ho mailaa
ye nagar hai aa_iino.n kaa yahaa.N saa.Ns le sambhal ke
kuchh duur hamaare saath chalo ham dil kii kahaanii kah
de.nge
- Ibrahim Ashk
kuchh duur hamaare saath chalo ham dil kii kahaanii
kah de.nge
samajhe na jise tum aa.Nkho.n se vo baat zubaanii kah de.nge
phuulo.n kii tarah jab ho.nTho.n pe ik shoKh tabassum bikharegaa
dhiire se tumhaare kaano.n me.n ik baat puraanii kah de.nge
[tabassum = smile]
izhaar-e-vafaa tum kyaa jaano iqraar-e-vafaa tum kyaa jaano
ham zikr kare.nge Gairo.n kaa aur apanii kahaanii kah de.nge
[izhaar = disclosure; iqraar = pledge/promise]
[zikr = mention; Gair = stranger]
mausam to ba.Daa hii zaalim hai tuufaan uThaataa rahataa hai
kuchh log magar is hal-chal ko bad_mast javaanii kah de.nge
[bad_mast = intoxicated]
kuchh duur hamaare saath chalo ham dil kii kahaanii kah de.nge
- Ibrahim Ashk
kuchh duur hamaare saath chalo ham dil kii kahaanii
kah de.nge
samajhe na jise tum aa.Nkho.n se vo baat zubaanii kah de.nge
jo pyaar kare.nge jaane.nge har baat hamaarii maane.nge
jo Khud na jale ho.n ulfat me.n vo aag ko paanii kah de.nge
jab pyaas javaa.N ho jaayegii ehasaas kii manzil paayegii
Khaamosh rahe.nge aur tumhe.n ham apanii kahaanii kah de.nge
is dil me.n zaraa tum baiTho to kuchh haal hamaaraa puuchho to
ham saadaa dil hai.n 'Ashk' magar har baat puraanii kah de.nge
bechain bahaaro.n me.n kyaa-kyaa hai jaan kii Khushbuu aatii
hai
- Qateel Shifai
bechain bahaaro.n me.n kyaa-kyaa hai jaan kii Khushbuu
aatii hai
jo phuul mahakataa hai usase tuufaan kii Khushbuu aatii hai
kal raat dikhaa ke Khvaab-e-tarab jo sej ko suunaa chho.D gayaa
har silavaT se phir aaj usii mehamaan kii Khushbuu aatii hai
talkiin-e-ibaadat kii hai mujhe yuu.N terii muqaddas aa.Nkho.n ne
ma.ndir ke dariicho.n se jaise lobaan kii Khushbuu aatii hai
kuchh aur bhii saa.Nse.n lene par majabuur-saa mai.n ho jaataa huu.N
jab itane ba.De ja.ngal me.n kisii insaan kii Khushbuu aatii hai
kuchh tuu hii mujhe ab samajhaa de ai kufr duhaa_ii hai terii
kyuu.N sheKh ke daaman se mujhako imaan kii Khushbuu aatii hai
Darataa huu.N kahii.n is aalam me.n jiine se na munakir ho jaauu.N
ahabaab kii baato.n se mujhako ehasaan kii Khushbuu aatii hai
lagataa nahii.n hai jii meraa uja.De dayaar me.n
- Zafar
lagataa nahii.n hai jii meraa uja.De dayaar me.n
kisakii banii hai aalam-e-naa_paaedaar me.n
[paayedaar = abiding, robust]
kah do in hasarato.n se kahii.n aur jaa base.n
itanii jagah kahaa.N hai dil-e-daaGadaar me.n
umr-e-daraaz maa.Ng kar laae the chaar din
do arazuu me.n kaT gae do intazaar me.n
kitanaa hai badanasiib 'Zafar' dafn ke liye
do gaz zamiin bhii na milii kuu-e-yaar me.n
ai Khudaa ret ke saharaa ko
sama.ndar kar de
- Shahid Meer
ai Khudaa ret ke saharaa ko sama.ndar kar de
yaa chhalakatii aa.Nkho.n ko bhii patthar kar de
tujhako dekhaa nahii.n mahasuus kiyaa hai mai.n ne
aa kisii din mere ehasaas ko paikar kar de
aur kuchh bhii mujhe darakaar nahii.n hai lekin
merii chaadar mere pairo.n ke baraabar kar de
sar jhukaaoge to patthar devataa ho jaayegaa
- Bashir Badr
sar jhukaaoge to patthar devataa ho jaayegaa
itanaa mat chaaho use wo be-wafaa ho jaayegaa
ham bhii dariyaa hai.n hame.n apanaa hunar maaluum hai
jis taraf bhii chal pa.De.nge raastaa ho jaayegaa
kitanii sachchaa_ii se mujhase zindagii ne kah diyaa
tuu nahii.n meraa to ko_ii duusaraa ho jaayegaa
main Khudaa kaa naam le kar pii rahaa huu.N dosto.n
zahar bhii is me agar hogaa davaa ho jaayegaa
ruuTh jaanaa to mohabbat kii alaamat hai magar
kyaa Khabar thii mujh se wo itanaa Khafaa ho jaayegaa
dukh fasaanaa nahii.n ke tujh se kahe.n
- Ahmed Faraz
dukh fasaanaa nahii.n ke tujh se kahe.n
dil bhii maanaa nahii.n ke tujh se kahe.n
aaj tak apanii be-kalii kaa sabab
Khud bhii jaanaa nahii.n ke tujh se kahe.n
[bekalii = uneasiness/restlessness; sabab = reason]
ek tuu harf-aashnaa thaa magar
ab zamaanaa nahii.n ke tujh se kahe.n
be-tarah dil hai aur tujh se
dostaanaa nahii.n ke tujh se kahe.n
ai Khudaa dard-e-dil hai baKhshiish-e-dost
aab-o-daanaa nahii.n ke tujh se kahe.n
[baKhshiish = gift/grant; aab-o-daanaa = subsistence]
mujhase
milane ke vo karataa thaa bahaane kitane
- Seemab Akbarabadi
mujhase milane ke vo karataa thaa bahaane kitane
ab guzaaregaa mere saath zamaane kitane
mai.n giraa thaa to bahut log ruke the lekin
sochataa huu.N mujhe aaye the uThaane kitane
jis tarah mai.n ne tujhe apanaa banaa rakkhaa hai
sochate ho.nge yahii baat na jaane kitane
tum nayaa zaKhm lagaa_o tumhe.n is se kyaa hai
bharane vaale hai.n abhii zaKhm puraane kitane
[zaKhm = wound]
zindagii se ba.Dii sazaa hii nahii.n
- Krishan Bihari Noor
zindagii se ba.Dii sazaa hii nahii.n
aur kyaa jurm hai pataa hii nahii.n
itane hisso.n me.n baT gayaa huu.N mai.n
mere hisse me.n kuchh bachaa hii nahii.n
sach ghaTe yaa ba.Dhe to sach na rahe
jhuuTh kii ko_ii intehaa hii nahii.n
ja.D do chaa.Ndii me.n chaahe sone me.n
aa_iinaa jhuuTh bolataa hii nahii.n