Yaadon Ka Ek Jhonka
-Ramanjit
Yaadon ka ek jhonka aaya humse milne barson baad
pehle itna roye nahin the jitna roye barson baad
Lamha lamha ghar ujra hai mushkil se ehsaas hua
pathar aaye the barson pehle sheeshe toote barson baad
Aaj hamare khwab pe duniya rone dhone behti hai
phool hue hain jaane kaise itne saste barson baad
Bhul bhi jao kisne tora kaise tora kyon tora
dhoondh rahe ho kya galiyon mein dil ke tukre barson baad
Dastak ki umeed lagaye kab tak aise behte hum
kal ka vaada karne wale milne aaye barson baad
Mail your comments at [email protected]