| 今日係sally生日,
祝佢生日快樂! 由於我唔係香港, 今年冇得同佢慶祝 之前好似幾乎年年都一齊慶祝的 今年只可以打電話同佢講左陣咋
---
尋晚一覺訓到大天光, good~ 早餐迫住食d硬包..因為d方包冇哂lu 我地今日食埋早餐就check out, 不過就將d行李放係luggage room先, 晏奏先返黎攞
今日行程: 搭RER去Chateau de Versailles(凡爾賽宮) // 新凱旋門 // Champs-Elysees (香榭麗舍大街) // hostel // Bercy車站
搭車時經過d商業大廈, 都好modern的 但當時應該係office hour, 都唔見d office入面有人?!
奇怪
有人係車上賣藝, 彈手風琴
順帶一提, RER係一種分上下層既地鐵, 好得意的
哩度d屋全部都有煙囪架 可能因為冬天太凍佢地一定要用火爐既關係啦
今日條腰異常地痛, 郁前少少或者後少少都好似閃親腰咁, 痛到有d想喊呢.. 但而家先第3日, 點死?! 唯有頂硬上.......
去到梵爾賽宮, 好多人排緊隊已經
右手邊係條龍..
入場費都幾貴 而入面睇既野其實我冇乜大興趣 同埋行得太快啦...好似走馬看花咁 如果可以慢慢欣賞就好喇.. anyway
天花板
周圍都好華麗..
周圍都有d好精細既雕像..
同埋好大幅既畫..
金碧輝煌..
望出去既景色
好靚既燈..
this is suki~ 哩條通道好靚.. d燈閃閃發光 望上去有種閃到頭暈既感覺呢~
好靚啊~
都唔明點解d天花板咁高, d人仲可以畫倒咁靚既畫上去?? 定係癡上去既呢??
family tree
兇狠樣
之後行左出去梵爾塞宮外面, 超大, 亦超大風...
風雲變色
好大既公園
類似輕鐵既巴士?
車站外..去Champs-Elysees (香榭麗舍大街)途中經過
Champs-Elysees (香榭麗舍大街) 既LV 但門口好多人排隊, 所以冇入去行
中途見倒架好得意既車
我地仲拍左「從香港出發」, 由suki做主持~
返到hostel拎返d行李就去火車站喇 臨行之前就打左個電話俾sally喇 ^^
火車站
好彩得suki幫我拖geep, 如果唔係條腰痛到死左都似 去到車站撞到2個香港女仔, 一個叫阿yan, 一個叫 irene 佢地都係巴黎stay左3日, 黎緊就會去羅馬, 然後去英國就返香港喇
努力寫緊日記 (做功課)
上到火車之後, 辛苦hermes同鄭子(原來佢叫reggie), 幫我地將d行李放哂上去 我地5個人訓6人車卡, 冇外人入黎, 太好了!! 同埋hermes 同鄭子個電話都有得聽mp3, 咁就冇咁靜, good~
架火車其實都幾乾淨, 廁所又可以正常沖水, 比我預期中好架啦已經 搭夜車, 我中途出去, 都幾凍, 我諗10度倒啦!
gag: 哈爾濱成ja肥佬 (by Reggie)
---
巴黎之旅感想: 雖然行左好多路好辛苦 但去左好多地方, good! 最衰除左第一日之外, 日日都陰天
同埋時間唔多, 所以好多博物館都睇得唔仔細
法國人都幾nice, 都冇人偷過我地野 唔知東歐有冇咁平安呢?
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| 睇返自己手寫版既日記,
哩一日已經轉做point form日記 因為實在太攰, 寫唔倒咁多字喇
似乎已經慣左凍喇
今日一早約左表哥係Musee d'Orsay個metro站口等, 係一頭牛下面~ 但我地遲到... 所以一眾女仔又一齊同表哥講: 「表哥, 對不起, 我們遲到了!」 haa 我地係門口排左粒幾鐘先入倒去買飛..
奧賽美術館 Musee d'Orsay 入場費: 5.5euro 張飛:
入口:
我好想睇一幅叫starry night既畫, 但冇啊! 因為拎左去第二度展出
好多雕塑同畫都好靚, 所以忍唔住影左好多相!
d雕塑既表情真係刻劃得非常細緻!!
哩幅畫係花後有個好鬼鼠既人係度偷笑..好搞笑..
倒水既婦人
一望無際既海洋, 海天一色
哩幅畫俾我好深印象, 感覺好邪惡, 刻劃非常細緻 睇下佢畫對腳..
像真得不得了!!
佢展館入面好多有關魚既畫都係畫到d魚死得超恐怖既樣 全部魚都好血腥的 冇一條靚魚.. 唔通佢地視魚為醜惡既東西?!
哩幅看似普通 但當你親臨畫前時, 個種震撼係唔同架
你只可以驚嘆點解可以咁靚..
可以畫倒咁大幅畫..
同埋佢地既靈感同題材係黎自d乜野?! 點解可以咁像真??
哩張又係好靚的......層次鮮明, 光暗調較得非常好 點解畫畫都可以做倒哩種效果架?! 太勁了!!
哩舊野俾我印象又係好深刻 近睇其實係有好多冇著衫既人 係門口詭異地露出陰森痛苦既表情 哩個就係鬼門關....!
又一偉大傑作
最衰我手震, 佢表情非常難以形容架... 仿似痛苦, 又帶點無奈同埋無助, 仲有d苦惱..
哩個雕像好似新世紀福音戰事入面既故事人物呢! (我覺得)
多角度!
站在傢俱前哭泣既雕像
哩幅又係不得了 見倒右下角有個影嗎? 個個係遊人 可想而知幅畫有幾大幅! 天啊......點解畫咁大幅畫, 仲要可以畫得咁仔細! 畫中每一個人, 無論係正中間既主角定係最側邊既配角, 都係咁表情豐富.. 太偉大了!
佢個樣幾驚!!
哩個就好憤怒!!
成個雕塑其實係咁既...
所以唔怪得佢地個樣咁驚同咁嬲!!
哩d係點點畫, 全部好似係靠用畫筆一點一點咁點出黎既!
雪景既點點畫~
完全點!
金碧輝煌
高潮黎啦..!
大家係咪意想不到係哩d咁高雅既藝術品中, 會有幅咁嘔心既呢 我地初時都r哂頭, 唔知點解無啦啦有幅咁既畫 後黎多得表哥既解說..
哩個係法文, 解人類之起源 人既origin (大約係咁意思) 突然我地就恍然大悟喇!
哩幅都係講生仔的..
巴黎市鳥瞰圖
"來, 死吧!"
多悲哀! lins流血了..
影左超多相, 搞到相機好快冇電添..
我地冇出去食lunch, 晏奏只係躲左係個corner度食乾糧 跟住大家打電話, 我都打左俾joyjoy, 買左張postcard寄俾佢同1號
---
去完Musee d'Orsay, 下一站我地就去聖母院喇! 聖母院好大、好宏偉呢
管風琴~
大家留意下, 七彩玻璃窗上面, 其實係一個個唔同既聖經故事!!
耶穌的故事
聖母院既爉燭 本來想買俾老豆, 但一猶豫就冇得返轉頭, 買唔倒了
多雄偉!
---
去完聖母院, 再係出面行陣街、買下手信之後
街景
街景
紅綠燈
賣藝者
我地就去下一站: 蒙馬特山 Montmartre 哩個時候, 表哥要走lu..
哩個山有130米高, 係哩度可以目睹整個巴黎既風景, 好靚既呢!
好多樓梯....
山上有個教堂, 叫聖心教堂
發覺歐洲既教堂, 都係特別emphazise係d窗上面, 全部都係d七彩、含有聖經故事既玻璃窗~
由蒙馬特望落去巴黎既全景
哩兩部相機影出黎有咩分別呢? 角度差唔多, 但色水有差別喎..~
哩度真係靚到影幾多張相都唔夠!! 實在太壯觀喇!
我地初時望個位就望唔倒巴黎鐵塔 於是我地其中一位同行者就聲稱蒙馬特山係高過巴黎鐵塔...~ 咁事後我地都發覺唔係, 巴黎鐵塔都係最高既!
係度觀賞美景時, 見倒有架好特別既車..
斑馬車~
坐係度睇左陣風景, 影下相, 之後我地就圍住聖心教堂周圍行~
哩個係真人黎架...佢油到自己全身銀色, 仲要識得發出d雀仔叫聲!
禽流感起源?
跟住兜左去一個地方, 有好多人係度幫人畫俏像畫
d人就係坐係度俾人畫緊~
你睇佢畫得似唔似?
巴黎其實唔少人係著喇叭褲架 但蒙馬特哩度d人潮d, 冇咁多喇叭褲喇..
之後我地就去搭電車落返山 唔洗行返樓梯落去..thank god!
電車上見倒個幾得意既bb
kelly佢地之前係forum話見過有人講哩度好多駁手繩黨, 所以大家都提高警覺, 唔敢拎對手出黎 後來真係見倒啦 不過都未致於係暗地裡駁落人隻手度, 都幾明刀明槍, 企左幾個黑鬼係度, 拎住一大條紅繩咁 我地走時見倒佢地圍緊個小男孩, 駁緊手繩呢.. 真係小心為妙!
跟住落左山之後, 見倒有d人係度賣藝表演breakdance~
佢地跳舞都好勁下架!
都好多人圍觀
頭轉!
睇完我地就食lunch喇 好肚餓啊! 好似已經4點幾5點喇, 終於有得食, yeah!
食飽, 再行一陣, 我地就再去巴黎鐵塔個度喇 今日點都要等到天黑, 個塔著燈, 影相! 搭RER時見倒個賣藝者
哩度有d雙層既地鐵架, 好得意 底層就好似貼住地面行咁樣 不過有d車站唔知做乜成日都有陣尿味..臭到死
跟住有位中國藉既熱心人士, 見倒一個south africa既女仔一個人搬行李, 於心不忍, 去左幫忙 其實香港人都真係幾有善心!
去到巴黎鐵塔時應該7點幾8點幾架喇, 但個天仲係好光 =.="
幾時等得到佢天黑呢?!
扮緊pro, 度位影相?!
終於開始天黑喇..
終於等到佢天黑兼閃燈喇!!
我地其實係哩個時候瘋狂影相同video, 跳來跳去, 好搞笑 本來有對情侶係鐵塔對開既草地親熱緊, 但都俾kelly個下跳起吸引住! 我地仲影左唔少走光既跳相添..hehee
影完就返hostel喇 累爆了!!
---
其他剪影 應該係24號去既, 但我日記冇寫 去得太多地方了...
哩度我地冇入場睇既, 只係經過下
有d人係度表演呢
metro車站內
聖母院車站
巴黎鐵塔對開草地
鄭子與表哥
鄭子今日係地鐵站撞倒cuhk既同學仔, 世界真細小啊!!
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| 今朝7點幾就起身 尋晚訓得麻麻地, 不過因為太攰, 所以都ok精神
落去食早餐時, 遇到3個大陸人, 佢地都會講廣東話呢 食d硬包...會食損人個咀, 不過點d熱朱古力食就好d喇 之後我地係hostel門口影左d相~
睇下, 當時仲好好天架 不過雖然好好太陽, 但都有d寒氣既
跟住大家仲影左d單人相, 但鄭子就不幸因此跌左個眼鏡 當佢發覺時, 返轉頭執, 就聽倒"plak"一聲 眼鏡俾架車碌爆了...! 好彩佢仲有多個眼鏡
今日首先去出火車證
好大既車站呢..
然後去羅浮宮 沿途見倒一對公公婆婆 佢地問我地路喎竟然, 於是我地都係估下咁指個方向, 一齊行過去咁啦 然後見倒佢地2個十指緊扣咁走左, 好幸福呢~
so goooood~
去到羅浮宮
入面好多靚畫, 雖然唔出名, 但都好~~靚 雖然入面唔俾影相, 但我都偷影左d 我特別鍾意同宗教有關既畫!!
一路睇, 我會一路諗返起d聖經故事 諗下d人做緊乜, d乜野代表d乜咁 所以睇左好耐, 佢地成日都會唔見左我
有一幅畫, 我記得係係蒙羅麗莎同一個陳列室 好大幅, 好多人既, 一見倒幅畫既震撼程度比蒙羅麗莎大出幾百倍!! (見倒蒙羅麗莎, 只會因為佢係"咁細幅架咋?!" 而震撼.. =.=") 十分之咁鍾意個幅畫, 於是買左佢既postcard, 寄左返屋企 到哩一刻我先發現原來我冇問任何人攞地址, 所以除左屋企之外, 冇辦法寄俾任何人, shit!
射你個lin~
其他仲有好多好多畫... 基本上羅浮宮係俾3日我先可能會行得哂!! d畫家真係好偉大 就算幾唔出名既畫 (或者係我見識少, 唔知佢出名. 基本上擺得係度展覽既應該都係出名既畫..) 都有好多details位, 繪畫得非常細緻, 真係佩服佩服!!
雕塑都係, 好仔細, 無論從邊個角度睇都係同真人冇分別, 一絲不苟!!
射你個lin! hehee~
lins..
埃及個d雕像, 係以對眼為靈魂 靈魂之窗 所以d眼都好大, 大得有d恐怖..
乾屍..
哩個個樣好似samsamsam!!
羅浮宮大約行左幾個鐘 跟住我地去左agnes b街 d野就真係幾平, 但就唔arm我喇
唔知點解哩張相係調轉左黎影既呢?
就係因為佢個標誌係打直既~~
跟住周圍行街 去左間食pizza既鋪頭食lunch 大家都食到好飽!!
哩對老公公婆婆係公園旁邊賣藝, 好幸福呢! 又俾倒娛樂公園既人, 佢地彈野又開心, 又搵倒錢, 真係好!! 有一下我見倒佢兩個對望夾歌, 真係好開心!! 而且好好聽, 好有水準架!
係d水池邊坐下、晒住太陽、呼吸一下, 真係寫意到不得了!!
哩度d人又好似好得閒, 唔洗做咁, 係度hae, 真開心~
坐左係度一陣, 我地就去凱旋門喇 不過凱旋門都好似冇乜特別姐..
我地一路沿住條河行, 天空藍藍, 有d雲, 超寫意!! 周圍d屋又矮, 抬頭一望天就係藍天白雲, 實在好難得!! 香港咁多高樓大廈邊會可以咁丫..
my buddies~
跟住我地就去巴黎鐵塔喇 沿途唔記得幾時入左個教堂入面, 亦唔知個間叫咩教堂 不過好靚~
教堂入面既管風琴~
去到巴黎鐵塔, 我地就會合埋鄭子既表哥喇! (哩個時候我發覺冇表哥既相!) 佢表哥係法國讀緊master, 係一個學術人呢, 好鍾意去museum 不過佢連邊度有supermarket都唔知....唔知佢平時食d乜?! 我地諗住等天黑影巴黎鐵塔夜景, 點知9點幾落起大雨, 大家都淋到濕哂!
哩張大家都笑得咁開心, 皆因幫我地影既表哥正在「慣性反遮」, 好好笑~
凍凍下又唔覺得真係咁凍喇 感覺上當時得返幾度啦 但一出metro就好凍喇! 有d metro線好先進架, 多人塔d 但有d就好殘舊.. 始終唔及香港地鐵咁先進啦!
返到hostel, 原來有對香港情侶都住個度呢! 我因為實在太攰, 條腰痛到不得了, 輕輕咳下都痛到......所以一返hostel就昏迷咁訓著左 佢地叫左我4次起身食飯我都完全聽唔倒, 冇哂意識...好耐未試過喇 訓左半個鐘回魂覺之後, 即刻勁好胃口, 食哂kelly煮既飯!! 但就剩哂hermes帶黎既臘腸..
---
今日剪影: this is specially for momo~ hard plastic no.1!
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| 尋晚通宵執野都冇訓, 仲要帶漏唔少野,
同埋唔記得叫人幫我彈mass 係巴士去機場時忍唔住hub眼訓, 但又驚搭過龍 我個geep係重到我差d拎唔起上巴士.. =.="
今日原來都幾凍, 早知就著長褲啦!!
係機場check-in後, 買少少野就入閘喇 我地遲大到, 所以入閘後要跑去上機呢
頭一程機由香港去杜拜, 搭左好耐 機上冷氣太凍, 我諗我凍親啦! 皮膚敏感又發作, shit! 而且咁arm冇包扎用既藥物係身, 所以都幾辛苦
係機上係咁訓, 係咁流鼻水, 好辛苦呢 睇左套黎明同杜文澤既戲, 唔知叫咩名, 再睇埋james blunt既live, goood~
到杜拜轉機, 見倒機場個度有d水煙好大支, 好得意 但因為冇辦法拎, 打算返香港時再經過先買啦!
去到paris落機之後, 等極都等唔倒我件行李出黎, 嚇死!! 以為漏左係杜拜 好彩等左一排, 又無啦啦彈出黎, 真係謝天謝地 個度天氣較凍, 咁等我換返長褲, 著返對鞋, 就去車站搭車去hostel喇!
去到巴士站, 等左好耐都冇車, 但明明check過個鐘數應該仲有車架 等左好耐終於有架車, 但個司機死都話唔經我地間hostel, 叫我地去搭火車或者的士 但我地之後懷疑佢其實可能歧視我地, 唔想載我地, 所以突登老點我地走 anyway..... 最後因為的士太貴, 所以我地選擇搭火車
巴黎既火車車廂黃黃舊舊既, 好似去左睇西片《龍膽虎威》個場景咁~ 仲要有d黑鬼係度
當地既夜景就好似冇乜特別, 可能因為係偏郊外地方啦 我個geep實在太.......重, 所以好彩得鄭子幫我拎上拎落, 如果唔係就死左都似 kelly遇到個好人呀! 有個法國人無啦啦粒聲唔出, 一手拎左kelly個geep, 幫佢拎左落樓梯 單手添咋! 幾瀟灑~
轉左3次車後, 終於到hostel, 個時都好夜喇
攞左房, settle好之後, kelly就下廚煮飯 但好似落得太.......多米, 所以剩左好多飯!! 都幾好味丫~ 聽朝要7點半起身 好攰...所以冇jet lag既問題, 一訓低就訓著了
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
