隨想一篇 27/11/2005 男人同女人既思想真係好唔同
女人好多時都會想問一d蠢問題, 以悉自身之疑慮
女人係需要從別人既答案去肯定自己
別人既一句肯定、一句鼓勵, 對女人黎講係可以令佢安心、感到自信、感到滿足
反之亦然
即一句否定、無心之言, 亦可以令女人陷入苦惱之中
「我真係咁樣嗎??」女人會問自己
個種挫敗感, 相信只有女人先會最明白
另外, 女人好鍾意透過暗示, 而希望男人做到佢心中想佢做既野
女人會以為自己俾既tips已經好明顯
當男人做唔到佢地心目中想佢做既野既時候, 佢會好氣餒, 覺得哩個男人原來都唔係咁了解自己
什至會懷疑究竟哩個人有幾了解自己?
女人總係想得到佢心目中既浪漫、幸福
總係會奢求男人會為自己放棄一d野
至於男人, 雖然我唔係, 但我覺得或者係咁:
有好多野唔需要掛係口邊
對於女人既一d無厘頭問題, 佢毫無頭緒
答真話? 女人會唔鍾意、會感到挫敗
答假話? 女人會覺得佢講大話、敷衍
女人真麻煩
同一樣既問題, 一過五時三刻又要再問, 又要再答
有d野, 放係心中就好了, 何必時時提住? 提住又係咪代表係心中真心既說話??
男人比女人容易找到自己既目標, 亦會對目標更堅持, 向目標進發, 唔容許其他阻礙
女人找到自己既目標, 達唔到時, 總可以替自己找黎好多藉口
女人達唔到自己既目標時, 對實際生活黎講通常都唔係大問題, 因為佢身邊仲有男人
但男人唔同
達唔到目標, 對佢黎講係一個好大既打擊、奪去其自信
所以當男人做緊野時, 應該都唔會希望女人煩住佢
.
.
.
----
每個年紀相約既年青人
原來都在同一時空下經歷著相似的成長階段
但每個人都係一個個體, 極少情況下2個人先會有思想上既同步
人, 很難才會遇到跟自己思想同步、想法相似的人
所以如果遇到就要感恩
有好多野都係天主為你早就安排好
當一個人一定要走既時候, 你點挽留都留唔住
正如一個人遇上另一個人時, 想走都走唔倒
當有d野係要完結既時候, 就由得佢完結吧
或者可以嘗試努力挽救
但到頭來如果都係挽救唔倒, 咁至少你有盡過力去爭取, 咁就應該死而無憾
誰得到過 願放手
話雖如此, 但有時會覺得
如果當初冇行哩一步, 就唔會知道感覺會否改變
所以似乎事事豁出去、並作好承擔最worse既後果既心理準備
似乎係最令人冇得後悔既做法
(to be con't)