睇之前已經知道哩套野個背景大約係點

故事係由真人真事改編

係講述黎自東歐一個小國家Krakozhia既主角Viktor Navorski

佢係搭飛機前往美國途中, 自己國家發生政變

一夜間, 哩個國家變得唔存在, 同時國民既國藉亦失去世界既認可

一開場睇落, 聽倒d對白, 令我諗起錢俊老師早輪上堂講既野

關於nationalism

係民族主義思想下, 所謂既人權、自由等, 都有一個條件先會生效

就係你要belongs to a nation

如果好似哩套戲個背景咁, 一個國家發生政變, 哩個國家再唔係一個國家

亦唔再受到世界認可

所有佢既citizens都唔再belongs to a nation

即係佢地成為一批冇人權、冇福利、冇自由既人

所有一個citizen應該享有倒既野, 佢地都冇

所以講緊既所謂人人平等、人權自由, 其實都係假既

哩d只係民族主義下既產物

多可悲

接住講返套戲, 其實同我預期都差唔多

之前都聽唔少人講話好睇, 冇悶場

又的確係

對於湯漢斯影迷來說, 相信都唔會點失望

我本身唔係十分鍾情於佢, 但都覺得佢演得幾好

令觀眾完全投入於佢扮演既角色中

我個人更為佢既英文accent扮演十分佩服

睇哩套戲, 我又學倒英文啦

講人一腳踏兩船: three people, too crowded!

講d人係出面偷食(勾佬/婆): he shit!!(其實係he cheat..)

我鍾意哩套戲在於佢唔會好似其他戲咁, 愛情成份泛濫於整部戲之中

成套戲都係好勵志既, 似乎將世事安排得太美好

交朋友、搵工、自己既際遇等, 都好似為湯安排得十分之好

好到簡直好似睇緊童畫故事咁, 令人為之嚮往

有幾幕都令我真係會心微笑呢

唯愛情方面留下一點點的缺憾美, 讓觀眾都知道世事並非所有野都只有好

戲中最後女主角都係返去有婦之夫身邊

有d感觸

女人有時係愛情路上就係咁奮不顧身

有d野係明知既...明知自己玩緊火, 明知個波隨時會爆, 明知自己會受到傷害

明知有個更好既人等緊自己

偏偏就係咁隨心, 做一個旁人看似好蠢既決定

哩d就係女人

戲中能令觀眾有笑有淚

我認為哩套戲係成功啦