睇哩套戲之前, 從多方面接收返黎既訊息都係話

周星馳哩個鬼才, 講既笑話背後都代表左一d深遠既文化表象

抱住哩個心態入去睇, 果然冇錯

一開場, 一幕黑幫殺黑幫, 賄賂差人

良心? 社會? 哈

再鏡頭一轉, 繁華小鎮去左一個自治既貧窮小村, 形成一個強烈對比

點先為之有秩序既社會?

現存既所謂法律..真係令社會更有秩序嗎?

今次周星馳搵既演出班底, 同少林足球好相似咁喎!!!

又有好搞笑既醬爆啦....

真係笑到肚都luen

係美孚個戲院睇戲, 大家又實唔會抑壓自己既笑聲, 鍾意笑就笑, 幾free呀

有幾下我真係笑到好辛苦呀....

醬爆佢一路都係露出半個屎忽架

係度話冇水黎

跟住陸陸續續就有d玩野位啦

有好幾個位我都留意倒佢係抄緊幾套戲既

包括有好多血湧入去「不正常人研究中心」既底層時, 係抄...唔記得左

類似講沉船個d戲啦

另外又大抄matrix, d打交、特技、d人飛起哂咁

仲有就係個2個古箏佬打交時, 有d鬼飛過去咁..唔記得係抄邊套

抄邊套唔係重點

重點係佢證明左香港都可以做倒荷李活個d咁既大製作

諷刺一d所謂既巨著、大製作呢

真係掂

好!