| 04 o'camp 城人禮感 |
| 去完大o 3日2夜 係我去過最開心、最好玩既o'camp 不過報失左把聲....
day1: 一早返到city, 眼訓到呢... 不過一大清早就見倒pk南, shit 即刻背住佢黎坐 我地個組有人唔黎, 叫gundam 太眼訓, 懶得郁, 懶得同人地傾計.... 上到7樓, 開始玩遊戲, 開始醒喇~ edwin果然係jamie d frd, 好gap呀下 大家都開始玩得熟絡左, 冇咁生外
上到車, 本來仲諗住訓陣覺, 點知又要玩遊戲 諗卡通片主題曲, 哈哈, 即刻諗返起細個睇, 突然好回味童年.... 又傳麵包個d, 我輸左架, 不過pk同分奇爸爸幫我食左 之後仲衰, 傳香蕉!! shit...見倒都想嘔 好彩唔洗我食啫
話咁快去到camp site: 浸會園 shit, 間房又細, 又濕濕lub lub, 電視都冇, 仲諗住睇排球比賽添 去到返房之後, 大家換好短衫短褲就去玩hse mass game 阿漢哩個mc真係好gap 仲好意思問人:「mc係咪present得好好呢?!」 仲有dem game個組變左gap組, 因為佢地超gap.... 我地破組幾乎玩每個遊戲都係包尾既 =.="
用飲管傳波子: 我地傳得太急, 所以成日都跌呢 原來叫人慢d係好易, 自己玩就難啦
搶底褲: 有個女仔勁兇狠、勁恐怖呀!!! 本來諗住去搶長毛架, 不過失敗左, 但成功令佢俾人偷襲呢 個女仔黎到我側邊, 係咁搶, 個樣又兇 佢最後一野拍落我額頭度, 跟住就俾佢搶左啦!! 我雙手紅哂, 有d到夜晚都唔散呀 個女仔叫francis, 佢實在太恐怖啦!!!
拱橋傳橙: 我冇玩, 因為我做唔倒拱橋, 不過我有幫手打氣架.....結果又係包尾
鬥快食生果: 我食唔倒蕉, crystal幫我食哂 *o* 我就食左成碗龍眼, 好燥呢 結果我地終於唔係包尾, 組爸媽唔洗俾人罰!! 結果gap組同bc嵐佢地要俾人罰, 要戴住個西瓜殼係頭上到食完飯為止!! 叔叔, bc cody, 阿威, milk, bc 嵐, 阿漢 好好笑
6點幾食dinner ok難食, 好乾
夜晚玩treasure hunt, 但我怕條腰有事, 冇玩到 我個組仲有crystal都冇玩, 仲有隔離組既crystal 於是我地3個就去左物資房幫手入水彈 2個crystal又幫我剪衫, hehee 入完水彈冇野做, 幫叔叔佢地剪衫 cody同叔叔個件都好正常 但肥J同阿威個件就型囉!! deep v 加個大露背, sexy到暈低 仲影埋d好似強姦咁既相~
之後就出去跳camp fire 熱到呢..... 個個都踩哂落水tum, 個個對鞋都污糟哂 於是家貝媽媽好好人咁幫我地洗哂d鞋!!!!!! 真係辛苦哂佢 如果唔係要mou係度洗, 我都想幫手洗 唉, 藉口 >.<"
夜晚大家都沖哂涼之後, 要傾由邊個去選營花營草 結果由anthony選營草, crystal選營花~ 我地有大導演+k后阿珊係度, 劇本好快出左黎!! 佢地唱歌好快就超和添呀, 勁呀, 幾夾呀 我地仲見住anthony係咁拖住crystal隻手唔放咁 仲俾我留意倒係crystal甩開佢隻手先.....哈哈 但到上台演出時, 佢地竟然miss左成大段, 洒哂添 =.=" edwin (jamie個frd速龍) 做mc 佢竟然係問我:「你今日m唔m得呀?」 原來想問我做唔做得mc.......果然係jamie個frd, so gap!! =.=""
結果我地hse由一個會跳芭蕾舞既女仔做左營花
選完返房之後, 講左陣鬼故, 不過cody媽媽驚, 所以冇繼續講 我都冇講, 但把聲實在太恐怖, 怒走音, 搞到應驚既位佢地覺得好好笑....... =.="" 之後開返燈傾計, 講理想、前程、目標 拉燊、安仔、長毛、cody佢地都入埋黎, sharing咁 隔離組都冇3個人入過黎, 不過好快就走左, 似乎覺得我地個topic太悶呢~ 氣氛都唔錯 不過當時好多人已經訓左, 所以對組員認識幫助有限
5點幾訓覺 我刷完牙之後, 佢地竟然已經訓哂d床褥位, 我要訓木板 不過訓來訓去都訓唔倒, 仲覺得條腰開始越來越痛, 於是出左去坐下 當時panging send左sms俾我, 排球中國vs古巴, 中國win左!!!! 勁開心 將會對俄羅斯, 一定要睇!!! 咁arm就遇到長毛係另一組出黎 坐左陣之後, 去左佢地物資房度睇下有冇床位, 好彩有, 於是係佢地度訓左1個鐘多d 7點幾就話起身食早餐喇.......顛架..........
day2: 食過早餐, 係canteen出面拉筋~ 鬆哂呀真係 之後返房換返鞋, 玩mass game 反布: 我地成個hse d人企哂係布上面 要係唔企出去情況下反轉塊布 好彩有肥J係旁邊頂住我地, 如果唔係老早飛哂出去!! 組爸媽係旁邊幫企係中間d人put扇, 怕焗親佢地 我都差d想暈低 =.="
扯大攬: 我都想玩架, 不過知道要好用腰力, 冇玩到 結果我地女仔個組win哂呀!!!! 好開心呀~ sophie原來一路都以為我係spy呢, 問我穿左煲未喎 =.="
lunch, 算係好餸d 之後玩水戰 水排球: 我本來唔打算玩, 做網算架啦 不過我地組又輸, 於是我同titan一組玩埋一份, 終於贏返!!
包剪dub: 擺明迫我地濕身啦 我地個邊又係咁輸喎 激死我啦~~~ 濕到滴哂水啦......
吹奶: 成group我地都冇乜邊個輸架, 係我屎囉, 就黎氣都抖唔倒, 仲鬥多氣?? 唔好玩啦 阿威同肥J為左報昨晚之仇, 係咁搵水喉噴我, 真係無辜啦
返房換衫後, 玩soci game 俾我發現左一個冇人去既女廁, 有勁多格沖涼喎 不過自己一個去的確有d驚.....夜晚拉大隊去沖涼先得~
soci game briefing時, 我坐係度乜都唔洗挨都訓著左 =.=" 好恐怖呀, 對眼一眨埋左就開唔返, 咁就訓著左喇 我同titan都勁冇心機玩soci game, 但又迫住要玩, 我勁想訓覺架 但結果我地竟然玩得比其他人更好, 又搵倒錢 多得肥J同長毛俾錢我之餘仲俾我入房同佢地傾下計, 涼下冷氣, 抖下 titan又好好人, 去考差人時幫我做埋我個份sit up 我把得返d氣兼怒走音既聲, 竟然可以做歌手!! 哈哈哈 又考埋大學, 當時排我地後面既原來係柏斯, 唔認得添!! 結果我同titan道德值爆哂, 經驗值都有唔少 係其中一個check point教堂見倒pknam titan佢地去, 原來仲要跪佢?!?!! 痴線架, 唔好玩啦
玩完準備食飯
---------- to be con't
真係辛苦哂所有籌備o'camp既人: 組爸媽, hse cap, oc....
|